احداث جلوتي المحرجه

يا عمري لا تزعلي حالك ولا على بالك بتصير كتير والله,,المهم انو عدت على خيييير,,,يعني اكيد كانت في ظرووف منعتهم ولا كان ما تاخرو عن عروسة ابنهم اكيد


ربي يتمملك على خير يا رب والف الحمدلله انهم كانوا بخير وانو كل شي كان متل ما بدك

الا شنو صار على شقتج ؟؟

حبوبة الف مبروووووك
ومثل ماقالوا البنات تعاملي معاهم باسلوب التطنيش مو اي شي يقولولن لك او اي حركة يسونها لك تحطينها في خاطرك
ترى بتتعبين والله
فطنشي احسن لك والى زوجك علشان ماتصير بينكم مشاكل بسببهم لاسمح الله
وذكرتيني بزواج اختي كان من كم شهر
صارت لنا بعد مشكلة بس مو مع اهل زوج اختي لا مع عماتي خوات ابوي ولا احد منهم حضر الزواج
وكانت اختي واجد متاثرة

انا من رايي
ان دام اهلج موجودين معاج
أول بأول
تسوى الدنيا وما فيها ..
والباقي .,, بكيفه ..
يعله يوصلون اربع الفير .,,.
اهم شي امي وخواتي حواليني ويداروني .,,

مبارك زواجك حبيبتي والله يهنيكم ويبارك لكم

أهم شي ريلك وعامليه زين واستانسي

ولاتقولين له شي أبد عن اهله

لأنه مهما سووا امه وخواته اهم شي عنده

وحاولي انكم تقعدون في بيت أهلك خلي امك تقول له

وجهزوا الشقه بسرعه حتى لو غرفة نوم وكملوها وانتوا فيها احسن من ان يحرقون دمك 24 ساعه

اختتتي احس عادي لا تعوريين قلبج اش علييج منهم اهم شي ما فيخلافات بينج وبينهم

الغالية لا تشيلين ذنب ولا تشكين سبحان الله ما تعرفون شو اللي صار معاهم سبحان الله راعوا مشاعرهم وتوكلي انتي الغالية على الله ... لان بصراحة في الاعراس ما في وحد ما صار لها موقف محزن او مضحك .. كل وحدة مستحيل ما مر عليها موقف لان الكل يكون متوتر ومشغول ومضغوط ... وسبحان الله

بمكن جولتج كانت في وسط الاسبوع وبتقولين الصالونات مب زحمة بس يمكن الصالون اللي راحوه مثلا تعبت وحدة من العاملات وصار الضغط على وحدة بس هي اللي تشتغل للكل ... وصار ضغط عمل عليها وسبحان الله الواحد ما يدري يمكن صار لوحدة من بناتها موقف مثل ما صار مع اختي انقطع فستانها وعلى بال ما صلحته وعدلته مر الوقت وتم التأخير يمكن اللي بيوصلهم تأخر عليهم ... يمكن الشوارع كانت زحمة ومصكرة بسبب حادث مروري او اي شي ... الحمدالله مر الموضوع على خير وتمت جولتكم وما في اي فضيحة او موقف محرج بالعكس انتي اللي مكبرة الموضوع وتشوفينه من منظور واحد وبس ... الغالية الغايب حجته معاه

العتب

أولاً حبيت أبارك لج وأهنيج بالعرس وياجعله عمر مديد وحياة سعيدة وتتهنون مع بعض

يا أختي انان بقولج بس لاتزعلي مني- انتي وايد مكبرة الموضوع وعاطته فوق حجم- اللي صار شي طبيعي - انا وامي في عرس أخوي (احنا اعراسنا في البحرين تبدأ من وقت مب مثل السعودية فوق 12) وصلنا الصالة الساعة 10:30 تخيلي!! والناس كلها تسأل لأن احنا فعلاً تأخرنا لظروف الصالون وشي خارج عن إرادتنا مو بيدنا - ومب معقولة بنترك الصالون وبنروح الصالة واحنا مو خالصين لسه صح؟

إعذريهم يمكن تأخروا وما أمداهم يتجهزون - وأهم شي أولاً واخيرا انهم جاو لج الصالة وماخلوج وهذا المهم صدقيني والناس تدري ان معظم الصالونات صايرة تأخر الزباين شي طبيعي يعني ولاتحاولين تضايقين نفسج اهم شي جلوووج وحسيتي بفرحة الجلووووة "انا إحساسي بالجوة احلى من العرس" خصوصاً لمة الأهل حوالينج والله حتى دموعي طاحت يوم جلوتي حسيت بإحساس حب أهلي وأهل زوجي لي والحمد لله

خلج مبسوووطة ولاتعكرين صفووو حياتج وبداياتج بأشياء راحت وانتهت وبقت ذكرى الفرحة في قلبج وقلب أهلج وأهله

الله يوفقك ويرزقج بذرية صالحة

أتمنى ان لاتزعلي من كلامي غناتي

ماعليك منهم حبيبتي وبعدين الناس مابتقول في بينهم شي بالعكس بينقدون عليها لانها ماحترمت الحاظرين والمعازيم ويت تستقبلهم لانه عرس ولدها وانتي لاتزعلين عمرك وطنشيهم والف مبرووك ياقلبي

المهم مر كل شي على خير

ماصار الا كل الخير
الف الف الف مبروك والله يهنيج
يالغاليه اهما متفقين من الاول انهم راح يكونون في الصاله مبجر بس سبحان الله الظروف
بالصالون صادفهم التأخير في الشارع وقت لبس الملابس ماتدرين حبيبتي
وماحصل الا كل خير عيشي حياتج مع زوجج ولا تضيقين خلقج ولا تفكرين في شي خلص وانتهى
والله يهنيج ويسعدج يارب



دمتم سالمين
اختكم شريفة

الله يساعدك اختي وانتي لاصرتي طيبه هم يصيرون اطيب

عادي حبيبتي

انا يوم خطوبتي اهله جاو متأخرين لانهم مايدلون البيت وضيعوا الطريق
ودخلت حتى وحده من خالاته زعلت بس تخيلي انا نطرت لي 10 ونص وخلاص الناس بدوا يروحون فأظطريت اطلع قبل ماتجي
بس ريلي راح راضاها عقب بيوم
ويوم الجلوه نفس الشي الكل حاظر الا ام ريلي وبعض من خالاته
وبعد طلعت 10 ونص بس عشان مايقولون اني طلعت بسرعه ومااهتميت لهم بس محد تكلم لانه اهل ريلي هم من نفسهم قالوا انهم تأخروا ف الصالون
وهذا اللي أخرهم في الحضور
وحتى يوم العرس ييوم نزلت بعد بعض خالاته واخته للحين ماخلصوا ووصلني خبر عقب انه اخته تمت تصيح بس عشان انا دخلت قبل لاهي تجهز
وبعد نزلت ع ال10 لاني حاطه في بالي اقعد واستانس مع ربعي ع الاقل ساعه قبل مايدخل المعرس فمن جي دخلت

انسي دام اهم من النوع اللي يتأخروون ف المناسبات فطنشي ولاتفكرين بأي شي

حبيبتي صار اللي صار

هاي حياتج انتي بديتيها الحين
صفي قلبج
وخلي اهتمامج في زوجج وبس

اهتمي باهل ريلج ماقولج لا
بس اهم شي في الدنيا زوجج وحياتج معاه
ارسمي كل خطوه بحياتج معاه وحاولي تغيرين فيه اسلوبه اللي مب حلو
اول سنه زواج هي السنه اللي كل شي ينبني عليها هي سنه التاسيس

الله يوفقج

اختي لاتستغربي انا صار ليي مثل الموقف وكان ليلة الخطوبة

الله كريم حبيبتي والله يصبرج
وعادي لا تسوين مشاكل بينج وبين زوجج من اولها