تجمعنا السوريات لشهر ذو الحجة وينعاد عليكم بالصحة والعافية

مراحب للكل ويسعدلي أيامكم يارب

مو بس أنت مونو بدك تعزلي أنا كمان لأني فايتة على بيت جديد وحاببته عم عزل ونضف على مرائي اليوم مسوحت البواب والشبابيك كلها وكملت ضبضبة غراض المطبخ يلي مبارح تركب وفي عندي حمام جوا كنت شاطفتو شطف مبدئي اليوم ليفتو كلو مع الحيطان أنا ما بستعمله بس لازم يكون نضيف المهم انهرو ايدي اليوم
والله لما بتنضفي تمام بتحسي انفش قلبك يالله مونو لحقي تنضيف قبل العيد

بنوتة الله معك ييسرلك ويهون عليك ويتقبل منك

ولو فتحتي مرة تانية وشفت الردود قبل سفرك بدي اطلب منك تدعينا جنب الكعبة جميع الله يهنيك ويطعمنا

دمشقية حبيبتي أنا بحب البيت العربي كتير بس ما جربت وسكنت ببيت عربي بس بتخيل اذا فيه هالزرايع متل ما عم تقولي السهرة فيه
بتجنن بس يمكن البيت يلي استأجرنا بالقامشلي الجو هونيك هو يلي أثر وما حبيتو يعني جو الشام والمحافظات الداخلية أحلى من جو المناطق الشرقية أو يمكن لأني اتعودت على بيت يكون الو سقف ما بعرف بس لما بروح لعند حدا عندو بيت عربي بستمتع بالقعدة بأرض الديار وهو سيران لحالو يعني الواحد ما بيضيق خلقو بنوب

دخيل المتنحي انا تقولي منصب وزاري خخخخخخ
الله يكتبلك الخير مون يااارب ويقويكي وطمنتيني انو عندك dsl واكيد لازم نتواصل لانك عقيدة الشات ومن غير الشات بصير الجزء الرابع لباب الحارة خخخخ
يعني مو حلو ..........

الله يقويكي على التعزيل انا والله ناوية مسوحة خفيفة لان البيت نضيف الحمد لله بس المطبخ عندي بدو والله شغل وتنضيفة ماكينة لان الغبرا هلكتني والله

شامية للعظم;10677671:
مراحب للكل ويسعدلي أيامكم يارب

مو بس أنت مونو بدك تعزلي أنا كمان لأني فايتة على بيت جديد وحاببته عم عزل ونضف على مرائي اليوم مسوحت البواب والشبابيك كلها وكملت ضبضبة غراض المطبخ يلي مبارح تركب وفي عندي حمام جوا كنت شاطفتو شطف مبدئي اليوم ليفتو كلو مع الحيطان أنا ما بستعمله بس لازم يكون نضيف المهم انهرو ايدي اليوم
والله لما بتنضفي تمام بتحسي انفش قلبك يالله مونو لحقي تنضيف قبل العيد

بنوتة الله معك ييسرلك ويهون عليك ويتقبل منك

ولو فتحتي مرة تانية وشفت الردود قبل سفرك بدي اطلب منك تدعينا جنب الكعبة جميع الله يهنيك ويطعمنا

دمشقية حبيبتي أنا بحب البيت العربي كتير بس ما جربت وسكنت ببيت عربي بس بتخيل اذا فيه هالزرايع متل ما عم تقولي السهرة فيه
بتجنن بس يمكن البيت يلي استأجرنا بالقامشلي الجو هونيك هو يلي أثر وما حبيتو يعني جو الشام والمحافظات الداخلية أحلى من جو المناطق الشرقية أو يمكن لأني اتعودت على بيت يكون الو سقف ما بعرف بس لما بروح لعند حدا عندو بيت عربي بستمتع بالقعدة بأرض الديار وهو سيران لحالو يعني الواحد ما بيضيق خلقو بنوب

شطوووورة شامية الله يقويكي يااارب والله النضافة حلوووة غير شكل
ومنشان اديكي اما البس جوانتيات او على طووول ادهني لوشن .... لان انا من النوع اللي بعاني من ايدي والكلوركس حبيب قلبي منشان هيك عم انصحك حتى ماتصيري متلي ماعندك بصمات:D

وبالنسبة للبيت العربي اللي مو متعود عليه مابيعجبو العيشة فيه والعكس اللي متعود على الشمس والفلا وارض الديار مابيعجبو بيت العمارة يعني الشغلة تأقلم وراحة نفسية اهم شي

وبالنهاية مافي احلى من بيتو الواحد بيتكنكن فيه وبيرتاح فيه ويابيتي يابويتاتي يامسترلي عويباتي ههههه

شو ناويين تعملوا حلويات على العيد ولا جاهز متل حالاتي :o

مراحب حبوبات كيكيفكون مبروك علينا التجمع الجديد والله يعطيكي العافية عقيدتنا مون وكل عام وانتو بخير
تؤبشو قلبي شو اشتقتلكون
مون حبيبتي واخيرا بدك ترتاحي من قرف الشغل وهمه ولبكتو بس بتعرفي برافو عليكي انك قدرت تاخدي هيك قرارا لاني انا شخصيا بشوفو قرار صعب بس الواحدة شفينا شو بدها بالاخر غير رياحة بالا ورياحة اولادها وابن عمها وكتير منيح انور ح نضل على تواصل
شامية مبروك عليك البيت الجديد والله يعطيك العافية لانو النقلة بدها همة قوية وانت ما شاء عليكي مبينك همة ونشاط ومن شان الحمل انا بشوف انو الوحدة لازم تضل على القليلة شي سنة حتى تحمل وتجيب ولاد بس من شان تعيش كم يوم حلوين مع ابن عمها هن طبعا االاولاد زينة الدنيا وهن طعمة من رب العالمية بس الواحد بيعمل اللي عليه
ونحنا كمان بلشنا بالتعزيل للمطبخ وبكرا ان شاء الله بدنا نبلش بالحلويات ان شاء الله بينعاد علينا وعليكون بالخير واهم شي الصحة التمام
بنوتة الله يسرلك روحتك ع الحج وتتهني فيها وبزيارة النبي عليه الصلاة والسلام امانة ادعيلنا عند الكعبة الشريفة بالفرج وبتيسيير الامور

صبايا شو صار فيني بالتجمع الماضي قعدت اكتب واكتب وبعدت الرد وكان اخر رد بالتجمع الماضي قدية اتضايقت لانو ما حدا لحق يرد علي هيك حظي دايما معكون

الله الله اكبر لا اله الا الله ولله الحمد

مون دمشقية لولية شامية بنوتة بيرل وكل صبايا الشات الحلوات بقلكون


كل عام وانتو بخير

وعقبال كل سنة وان شاء بالعيد الجاية بتحقق امانيكون

ياسمينة حبيبة قلبي ضلي طلي علينا ذكرتيني السنة الماضية متل هالأيام كنت مخطوبة وعم احجز صالة وعم جهز حالي عالخفيف الله ييسرلك ويسهلك يارب والله قدامك دعكة ماكنة بس كل شي الو طعمتو بتحسي حالك عروس بس اصحك تنسي تهتمي بحالك وبجسمك وشعرك وبشرتك واذا بدك تنزلي كم كيلو اشتغلي من هلق فيهن كل ما بكرتي كل ما أحسن وأريح
وعلى الأقل قبل بشهرين أو تلاتة لازم تعالجي مشاكل بشرتك اذا عندك شي أنا كنت من كتر الشغل شوي وشي تعبان ومن الشمس طالعلي شوية نمش وقفت عند دكتورة قبل ب 3 شهور والحمد لله كان كل شي تمام

دمشقية مشان التنضيف أنا أوقات بستعمل الكفوف بس أوقات ما بيجي على بالي مدري ليش بس والله معك حق أنا بعد كل استخدام للكلور طبعا لما بيجي على ايدي منو بيطلعلي أكزيما
ومشان الحلو أنو حلو العيد الماضي وصيت على علبتين من سوريا لهلق عندي منهن ماحدا أجا لعندي بس بعتت لجارتي صحن
و في علبة منهن زوجي طعماها للعمال وقت النقلة والتانية نصها عندي بالبراد بقى لمين الحلو زوجي ما بياكل وأنا بشتهي قطعة قطعتين وبس وعلى قولة زوج مون ما حدا بيتذكرنا عالعيد ولو حتى بمسبة بس قهوة مرة أكيد رح ساوي الكل هون باليمن سانن سنانو احسب حسابو بقى ان شالله رح ساوي كمبة محرزة

صباح الخيرات على احلى بنات سوريا بكل المنتديات .

مشتاقة لكن كتير بس متل ما قلت لكن ضغط الشغل ما بيخليني اقدر ادخل على طول و احكي معكن يعني احيانا بدخل و بنوي اكتب لكن شي ما بشوف حالي غير اجتني شي شغلة بسكر وبطلع المهم عم اطمن عنكن و الحمدلله انكم بصحة جيدة اما عني فما في شي جديد روتين من الشغل للبيت و بالعكس غير اني بدات بضب الصيفي و طالع الشتوي لأن هجم البرد علينا بالمرة يعني حتى قميص كم طويل ما بينلبس لحاله لازم له المسا جاكيت فوقه و كله خلال يومين يعني يوم الخميس كنا مصيفين و لابسين النص كم و قاعدين عالبحر و هلأ كلنا اليوم لابسين كم طويل و البعض جواكيت و حتى العفو جرابات و كنادر مسكرة اي ويلي شو هالطقس هذا
شامية مبروك البيت الجديد و ان شاءالله بتشوفوا على وجهه الخير يارب و هيك كتير حلو النقلة عالعيد بتحسي انه كسرت الروتين شوي الله يهنيك يارب
مونو الله يعطيك العافية حياتي ما بتقصري انك تسلميهم كل شي قبل ما تطلعي أحسن لك و ما بتشعري كمان بتأنيب الضمير انه تركت وراك شي وما بعتقد رح تحاكينا اول فترة منيح مو لأنه رح تهتمي بالبيت و بس يمكن لأن مكسور عليك شي سنة نوم و مشتاقة لن تتاخري شوي لشي الساعة 11 أو 12 الضهر ههههههههههه و يادوب تقومي تطبخي و تنفخي لبين ما يجي زوجك على كل حال الله يهنيك يارب و ما بعرف ايميتى رح آخد هالقرار متلك و اقعد بالبيت لأن عن جد ضاق خلقي و مشتهية التغيير الله يقدم اللي فيه الخير
دمشقية حبيبة قلبي كيفك وشو أخبارك ما قلتي لنا شو أخبار محمود بالمدرسة ان شاءالله اموره ماشية مزبوط الله يوفقه يارب و عقبال ماتشوفيه باحسن المراكز و شواخبار السورية صار لها زمان ما طلت طمنينا عنها .
و عن الحلو حياتي مو بس انت صايرة كسلانة كل النسوان صايرة متلك يعني نحن منحط حجة الغربة انه ما عنا حدا يجي لعنا بس انزلي على سوريا وشوفي أغلب الستات عم بعتمدوا على الجاهز , أنا بصراحة بيتي ما بيفضى و عندي ناس كتير بتجي بتعايدني بس بعتمد على الحلو العربي اللي بجيبه معي من سوريا و صدقيني بيبقى عندي منه لوقت اللي بنزل بالصيف لأني بحفظه بالتلاجة يعني بغطيه منيح و ببعده عن الرطوبة و بنزل منه قبل ما يجي الضيف بشي نص ساعة و بتقولي هلأ جايبتيه .
ياسمينة كيفك ان شاءالله العيد الجاية بتكوني ببيت زوجك يارب كيف البردات عندكن وشو بلشت بالجهاز ولا بعد و ديري بالك متل ما قلنا لك من قبل لا تكتري تياب كتير لأن جسمك رح يتغير
لولية أكيد بتكون نايمة بالعسل الله يهنيك يارب و لايجعلنا من الحاسدين بيطلع لك ياعمي والله انت الوحيدة اللي عايشة فوق الغربة غربة المهم تكوني مبسوطة انت وزوجك وبناتك الله يخليهم لك و يخليك لهم و هذا أهم شي

يسعد صباح الجمييييع يااارب وربي يجعل ايامكم كلها اعياد وافراح

سمورة مية اهلا وسهلا الحمد لله انك يخير .. وانتي بالف خير وسلامة وينعاد عليكي والله يقويكم على التعزيل ويعطيكم العافية على الحلويات حسبي حسابنا ها ... ابعتيلنا شي صحن مزوزء على كيفك خخخخخ .... ان شالله هنا وعوافي يااارب على قلبكم
تعي لهون شو هالايميلات هيييييييي بدي اشكيكي لخطيبك يشدلك ادنك ولا يمكن هالايميلات منو خخخخخخ (( فهمتي قصدي ياضرسانة مووو ))

_ شامية نصائحك منشان العرس كتييير حلوة ياريت لو بيرجع الزمن شوي كنت اهتميت بهيك امور لاني وقتها كنت متل الاطرش الزفة وماعملت شي او اهتميت بشي كنت لسى دايخة من اختبارات البكالوريا ونتائجها ههههه ... اس الله

وبالنسبة للحلو والله حق معك حتى انا صارلي راجعة من الشام قريب الست شهور واول مبارح فتحت اخر علبة لان جيراني فاجئوني بزيارة من غير احم او دستور فلقيتها متل لقمة الغلا هههههه .... القصد انو ماحدا عم ياكل او يمكن بشكل عااام ماعاد حدا رغب بالحلويات الشرقية واولهم انا خخخخخ

يسعد صباحها ومساها وكل ايامها بيرل خااانم .... يعني طلتك علي انا والله اعتبرها عيييد
وربي يقويكي ويعطيكي العافية منشان الشغل ويبقالك كم وقت مستقطع وتطمنينا عليكي ههههه
يالله نيالكم والله الشتا حلووووووة انا كتييير بحب ملابس الشتا بحسها حلووووة وفخمة وكتتتتير بحب الجزم الطويلة بس للاسف هون محرومين من هالفصل الحلو وملابسه .... المهم انتبهي على حالك وعلى زوجك واتدفوا منييييح لان البرد اساس كل علة والله

ومنشان الحلو طمنتيني والله فكرت انا الوحيدة الكسووولة او اللي بحس انو مالو داعي مساواة الحلو وخصوصي هون لو اجت على حماتي مابتقصر بتعكل حلو وغيرو وحتى لو مانأكل بس انا مطنشتها ما بشجعها
وعلى قولتك انا متلك لسى اخر علبة حلو مليانة مافي اكيييلة

انا حبيبة قلبي الحمد لله تمااام باصبح على ماامسي وبأمسي على مااصبح يعني رووووتيني هو هو ... بس زوجي والله مسكين تعبان بداية رشح وكريب الله يحميه يارب....
ومحمود على كيفك الحمد لله اتأقلم تماما بالمدرسة وكتييير عاجبتوا والحمد لله في تقدم ان شالله وبعد العيد عندو اختبار شهري يعني ... وربي ينجح كل الطلاب
سورية كويسة والله دائما بتسئل عنكم بس بتعرفو حملها شوي صعب وكمان ابنها وبنتها صغار فربي يقويها ويحمل معها
فطمت ابنها من اسبوووع المسكين منشان الحمل والتعب اللي هي فيه .... وبس

صباحوووووووو صبح صبح ياعمي الحج

شامية للعظم;10677671:
مراحب للكل ويسعدلي أيامكم يارب

مو بس أنت مونو بدك تعزلي أنا كمان لأني فايتة على بيت جديد وحاببته عم عزل ونضف على مرائي اليوم مسوحت البواب والشبابيك كلها وكملت ضبضبة غراض المطبخ يلي مبارح تركب وفي عندي حمام جوا كنت شاطفتو شطف مبدئي اليوم ليفتو كلو مع الحيطان أنا ما بستعمله بس لازم يكون نضيف المهم انهرو ايدي اليوم
والله لما بتنضفي تمام بتحسي انفش قلبك يالله مونو لحقي تنضيف قبل العيد

الله يعطيك العافية ويقويك على فكرة النقلة على بيت جديد بتهد الضهر
بقى الله يعينك بس هل بتتغير نفسيتك كتير ان شاء الله وخصوصا متل
ما قالت بيرل عيد وبيت جديد وانا ما بتصور رح لحق عزل قبل العيد
لانه يوم الاربعاء اخر يوم دوام ان شاء الله وما بيكون باقي الا الخميس
هلأ انا بيتي نضيف الحمدلله بس حابة عزل وانكش الخزانات واللي مضبوب
وناوية اعمل الحيطان يعني تنكيش شغل هههههه بس جد والله مشتهية
من 3 سنين ما عملت هيك شي

الدمشقية;10678497:
دخيل المتنحي انا تقولي منصب وزاري خخخخخخ
الله يكتبلك الخير مون يااارب ويقويكي وطمنتيني انو عندك dsl واكيد لازم نتواصل لانك عقيدة الشات ومن غير الشات بصير الجزء الرابع لباب الحارة خخخخ
يعني مو حلو ..........

الله يقويكي على التعزيل انا والله ناوية مسوحة خفيفة لان البيت نضيف الحمد لله بس المطبخ عندي بدو والله شغل وتنضيفة ماكينة لان الغبرا هلكتني والله

هههههههههههههههههه حلوة الجزء الرابع وفعلا منصب قباري كان ههههههههههه
لا ان شاء الله ما بقطع بس قلت لك اول فترة بس شوية تعزيل
نحن والله الغبرا ابشع شي يالله من جو الخليج كل الناس بتشكي من الغبرا
وخصوصا مافي مطر يغسل الجو وهلأ بلشنا بموسم العواصف الرملية ولحقي
اذا بتلحقي

الدمشقية;10678541:


شو ناويين تعملوا حلويات على العيد ولا جاهز متل حالاتي :o

ذكرتيني اعمل بركي قرص بسيوا ان شاء الله لانه زوجي ما بيحب المعمول
هالفترة موجود عندي حلو عربي من الاجازة لهيك ما حاسة انه من ضمن
الحلويات تبعت العيد لهيك عم فكر اعمل شي غير وبسيط بنفس الوقت
عم فكر براس العبد وعم فكر جرب اعمل شوية كنافة ان شاء الله وعم فكر جرب
الغريبة ولا مرة ما مجربتا بقصد هيك شغلات خفيفة نضيفة بصراحة انا كتير بحب
نعمل حلو على العيد بحسه بيعطي جو لو حتى كنا اتنين

الياسمينة السمرا;10680024:
مراحب حبوبات كيكيفكون مبروك علينا التجمع الجديد والله يعطيكي العافية عقيدتنا مون وكل عام وانتو بخير
تؤبشو قلبي شو اشتقتلكون
مون حبيبتي واخيرا بدك ترتاحي من قرف الشغل وهمه ولبكتو بس بتعرفي برافو عليكي انك قدرت تاخدي هيك قرارا لاني انا شخصيا بشوفو قرار صعب بس الواحدة شفينا شو بدها بالاخر غير رياحة بالا ورياحة اولادها وابن عمها وكتير منيح انور ح نضل على تواصل

صبايا شو صار فيني بالتجمع الماضي قعدت اكتب واكتب وبعدت الرد وكان اخر رد بالتجمع الماضي قدية اتضايقت لانو ما حدا لحق يرد علي هيك حظي دايما معكون

وانت بالف خير والله يعافيك اهلين وسهلين بالحلوين
وشو بدك تعملي مشان الحظ الله يعوضك خير بس انتي على طول بالبال
والله هو مانه صعب كتير اصعب مافيه الجانب المادي انه بتكوني
مثلا متعودة على مستوى معين من الدخل اما مشان الملل ما بتصور وحدة متزوجة
بتمل ؟؟؟ وخصوصا هالايام لانه النت موجود وفينا تقضي عليه وقت منيح
وتستفيد منه واذا كانت بالبلد مع اهلها فهي نعمة تانية بتحس بالانس
ما بعرف انا بحب جو العيلة وبراي الزوج والبيت اهم بكتير من شغل يلهوك عنهم

الياسمينة السمرا;10680041:
الله الله اكبر لا اله الا الله ولله الحمد

مون دمشقية لولية شامية بنوتة بيرل وكل صبايا الشات الحلوات بقلكون


كل عام وانتو بخير

وعقبال كل سنة وان شاء بالعيد الجاية بتحقق امانيكون

وانت بألف خير ويارب العيد الجاية بتكوني مع عريس الهنا F:

PEARL2000;10683367:
صباح الخيرات على احلى بنات سوريا بكل المنتديات .

مشتاقة لكن كتير بس متل ما قلت لكن ضغط الشغل ما بيخليني اقدر ادخل على طول و احكي معكن يعني احيانا بدخل و بنوي اكتب لكن شي ما بشوف حالي غير اجتني شي شغلة بسكر وبطلع المهم عم اطمن عنكن و الحمدلله انكم بصحة جيدة اما عني فما في شي جديد روتين من الشغل للبيت و بالعكس غير اني بدات بضب الصيفي و طالع الشتوي لأن هجم البرد علينا بالمرة يعني حتى قميص كم طويل ما بينلبس لحاله لازم له المسا جاكيت فوقه و كله خلال يومين يعني يوم الخميس كنا مصيفين و لابسين النص كم و قاعدين عالبحر و هلأ كلنا اليوم لابسين كم طويل و البعض جواكيت و حتى العفو جرابات و كنادر مسكرة اي ويلي شو هالطقس هذا

يسعد هالصباح والله يعطيك العافية اهم شي تكوني مبسوطة بمحلك الجديد
والا الضغط بيهون وبيتمرق بس والله مشتااااقتلك
قليلة هالجو عندكم انه كل سنة نفس الشي هههههههه ما بشوف الا شتت
على غفلة من الزمان

الدمشقية;10683460:
يسعد صباح الجمييييع يااارب وربي يجعل ايامكم كلها اعياد وافراح

وبالنسبة للحلو والله حق معك حتى انا صارلي راجعة من الشام قريب الست شهور واول مبارح فتحت اخر علبة لان جيراني فاجئوني بزيارة من غير احم او دستور فلقيتها متل لقمة الغلا هههههه .... القصد انو ماحدا عم ياكل او يمكن بشكل عااام ماعاد حدا رغب بالحلويات الشرقية واولهم انا خخخخخ

ويسعد صباحك يا عسل
وانا تانيهم هههههههههههههههه لانه ما بحب الحلويات العربية بالمرررة
وتغيب الشهر والدهر ما بتذكرها انا عشقي الشوكولا هههههههههههه

اتفضلوا

الله يعينها للسورية والله يعني ما قليلة الحمل وعندها ولد صغير
والحمدلله الله يسر لمحمود والله طمنتيني انه متأقلم وان شاء الله يارب
بينجح بالاختبار وبتشوفيه من الاوائل

صباح الخيرات والليرات بيرل دمشقية مونو صباح الخير لكل الموجودين ويلي مو موجودين

دمشقية الايميلات يلي باعتلك ياهن سمورة هلق هلق بتبعتيلي ياهن ;) ههههههههههه

صبح صبح ياستي الحجة خخخخخ ... يسعدها مونو كيفك ياقمراية خلااااص اننننبت على قولة طرفة خخخخخ غرفتيها ولو دنيا اسعد سعيد
المهم حبيبة قلبي الاهي ربي يقويكي ويسعدك ودخيل اللي بحب الشغل ومشتااقلوا يالله طلعي حرتك والكبت اللي انتي فيه وانكشي الخزاين ولا تخللي شي ههههه واحلى شي يجي ابن عمك ويلاقيكي منكوشة او حاطة العصبة على راسك ولابسة مريولة المطبخ .... ايييييييييه بينبسط بحس حالو هو السي سيد ومراتو حبيبتو رجعت للهم والشقا تاااني خخخخخ .... والله يعينا على الغبرة راح تجلطني بالفعل الجو غريب سبحان الله

دخلك شو هاد قراص بسيوا شو هو وكيف بينعمل لو سمحتي
وكمان راس العبد كيف بتعمليه ؟؟؟ فضلا لا امرا

ويسلموووو على الفطور

مونو ربي يسلمك اي والله مو قليل الحمل وعندها الوحدة هموم ومشاكل واولاد صغار ... ستي ربك يفرجها عليها ان شالله
والله يخليلي ياكي يارب وتشوفي رورو باعلى المراكز والمستويات وعند عريس الهنا اهم شي .... الف الحمد له والله اني كمان مبسوطة انو اتعود والاهم انو حابب المدرسة الله يفتح عليه يااارب وعلى الجميييع

__ اهللين شامية يسعد صبااااحك يااااارب
هههههههههههه الايميلات اللي باعتتهم سمووووورة ول ول ول ولي عليك ياسمعة خخخخخ .... للتشويق خخخخ مو اكتر
والله ياشامية اعذريني على طووول بحذف الايميلات اللي نص نص ههههههه بقرئها وبحذفها لكااااان منشان اب عمي يعرف انو مرتو منظوووومة وبريئة

شامية للعظم;10683687:
صباح الخيرات والليرات بيرل دمشقية مونو صباح الخير لكل الموجودين ويلي مو موجودين

دمشقية الايميلات يلي باعتلك ياهن سمورة هلق هلق بتبعتيلي ياهن ;) ههههههههههه

صباحك ورد كيف اليوم

الدمشقية;10683706:
صبح صبح ياستي الحجة خخخخخ ... يسعدها مونو كيفك ياقمراية خلااااص اننننبت على قولة طرفة خخخخخ غرفتيها ولو دنيا اسعد سعيد
المهم حبيبة قلبي الاهي ربي يقويكي ويسعدك ودخيل اللي بحب الشغل ومشتااقلوا يالله طلعي حرتك والكبت اللي انتي فيه وانكشي الخزاين ولا تخللي شي ههههه واحلى شي يجي ابن عمك ويلاقيكي منكوشة او حاطة العصبة على راسك ولابسة مريولة المطبخ .... ايييييييييه بينبسط بحس حالو هو السي سيد ومراتو حبيبتو رجعت للهم والشقا تاااني خخخخخ .... والله يعينا على الغبرة راح تجلطني بالفعل الجو غريب سبحان الله

دخلك شو هاد قراص بسيوا شو هو وكيف بينعمل لو سمحتي
وكمان راس العبد كيف بتعمليه ؟؟؟ فضلا لا امرا

ويسلموووو على الفطور

ههههههههههههههههههههههههههههههههههههههه
انننبت لكن
اي وفعلا هيك رح يشوف مشان ما احرمه من انه يشوفني
مدبرة منزل وناني وطباخة هههههههههه

والقرص بسيوا هو نفسه المعمول بتمر بس نحن هيك بنسميه باللادقية
وراس العبد بعمله بالطريقة الكذابي
الكذابي هو كيك مفتت بضيف عليه خلطة عبارة عن كاكاو وزبدة وسكر
مدوبين شوي على النار بس بحبحهم شوي وبعجن فيها الكيك المفتوت
وبعمله كرات وعلى الوجه بحط ( كاكاو مع قشطة نستلة وشوية سكر مخلوطين )

الدمشقية ........... تسلمي لقلبي يارب والله يعيشني لشوفها عروس




بنات بعتذر انا طالعة متل ما قلت لكم عم اقعد مع الشب

بشوفكم على خير

اي دخيل المنظوم أم محمود خانم

دخيل المنظوم أنا دمشقية خانم يسعد لي صباحك و مساك يارب والله خجلتيني حياتي بكلماتك الحلوة الله يخلي لي اياكم و يدوم هالجمعة الحلوة يارب و الحمدلله انه السورية بخير و محمود كمان مبسوط بمدرسته و ان شاءالله بيكون من المتفوقين و بيرفع لك راسك يارب

مونو يسلموا حياتي على الفطور اللي بيشهي يعني اللي بيسمعك عم تحكي هيك بيقول ما عم نشتغل ببيوتنا و نحن موظفات اي والله عم نشتغل أكتر من اللي قاعدين ببيوتهم مع احترامي لكل ستات البيوت بس يا بنات بحس انه الموظفة بتتعب أكتر لأن عندها شغل قبل الظهر و شغل بعده اللهم غير اللي بتعتمد على الخدامة هي بتكون مرتاحة شوي أما الباقي و اللي نحن منهم والله عم نهلك صدقيني صار لي شهر زمان ما بشوف حالي غير عم اركض و على شو ما بعرف هلأ صار لي من يوم الجمعة وانا بضب الصيفي ولسه ما طالعت الشتوي و اذا القطعة ملبوسة لبسة وحدة ما بتنضب بلا غسيل لهيك ما عم لحق بالغسيل و الكوي و بعيد عنكم اذا طلع عرق التيسنة خلص طلع يعني بعد الغسيل لازم اكوي بحس انه نفسيتي مرتاحة وعلى قولة زوجي اذا عم ترجعي تطالعي باول الموسم و بترجعي بتكوي من اول وجديد ليش هالجنان بس شو بدكن تقولوا سوسة هههههههههههههه

لك تعي لهوووون اية شب له له له ..... ههههههههههههههه مزح مزح الله يقويكي مووون يااارب وتسلمي الشغل وانتي مرتاحة وماعليكي شي وبيض الله وجهك ...
ويسلمووووا على طريقة راس العبد حلوووة ان شالله بجربها....
مع السلامة خلينا نشوووفك