تجمع أمهات سلطنة الحب والوفاء &عمان&لشهر ذي الحجة

أميرته ،، أنا كنت أسكن بروحي وما قدرت تعبت نفسيا ،، ورحت البستان وسكنت مع حيان زوجي بس طابق وحدي ،،
صدقيني كسبت عمتي وأهل زوجي عموما بكل الطرق ،، تدرين ليش لأني أنا الربحانة بالأخير ،،

عيالي ما أقدر أحطهم بروحهم مع الشغالة ، فأنزلها هي وشنطهم عند عمتي ،، والله ثم والله طورت علاقتي وياها وتميت أشتري لها هدايا وأسوي لهم حركات أفاجأهم بها ، وخوات زوجي بين فترة والثانية أطلعهم نمشي ونتفسح ونتسوق ، كسبتهم بكل معنى الكلمة ،، الحين تصدقي يا أميرته ما يطيقون بعاد عيالي عنهم ،، وتو نحن بأمريكا عمتي كل يوم تبكي يوم نكلمها مشتاقة للعيال ،،

وغير كذا تقول يا أم المهند مستوي المكان خلوة بدونش وما متهجلين ،، تراه كل ليلة متعودة أسير أسوي لهم مقصة خخخخ وأسوي نفسي كوميديانية ويعني أقدم شوي تنازلات وتضحيات رغم ان هذي ممكن ما تكون هي شخصيتي بس نزلتها عشان أكسبهم ،،

تو من نرد من أمريكا راح نبني بإذن الله بيتنا في البستان أيضا ويبعد عن بيت حيان زوجي أمتار ،، بس عمتي ما هاجنها المسكينة ..

عند تروح وعند تجي تتكلم عني بالخير وتفتخر فيني بعد ،،

على فكرة عمتي كانت من النوع اللي ما يعجبها شي ،، بس قدرت بذكائي أغيرها ،،

أنا هنيه ما أتفوشر ،،بس بغيت أوصل لكم الأسلوب اللي يحبب اهل الزوج في كنتهم ،،

وتراه هذا ما بين يوم وليلة ، يعني بالتدرج يصير ،،

وفوق هذا لااازم على الزوجة تتكلم عدال زوجها عن حيانه وأمه وأبوه ، وتجيب طاريهم في السوق يوم تروح تمشي وياه مثلا تقول الله حبيت هذا ايش رايك أشتريه لعمتي ،، شوفي إذا الزوج ما عشق زوجته ،، ونفس الشي الزوجة قدام عمتها تتكلم عن ولدها وعن طيبته وأخلاقه لأن الأم هذا أهم شي عندها ،،

وواجد كلام ما بخلص صاني ،،

أميرته والله مو أقولش تحتاري وتتعايي من المعروض بأمريكا ،بس يختي أختش المصون ما مال تجارة خخخخ ،،

والحمد لله يوم خف الوحام عنش وتراه هاي الأعراض الجديدة طبيعية ،، بالذات انك بكرية ،،

الله يقومك بالسلامة يا رب،،

لونا فديت عبودي وحركاته ، ما عليه تحملي تراه أول طفل تجربة الأم خخخخخ ذكرتيني بذكرياتي مع المهند ،، فديته تو عاد رجال صبروا براويكم صورته

أم المهند.. حلوة تجربتك مع أهل زوجك وبالفعل هذي شطارة وذكاء من المرأة في التعامل..
بس يباله سعة صدر :) ومشكلة لو الواحد هادئ وانعزالي شوية :)

أنا نفس الشي ءتعبت نفسياً بداية لما تزوجت وسكنت بروحي .. يعني ما قدرت أتأقلم على جو البيت والشغل والاستقلالية وتقريباً أخذت 6 شهور لحد ما رتبت أموري.. بس اللي ساعدني إن بيت أمي قريب مني وغالباً ناكل معاهم فطاحت عني بعض المسؤوليات.. بس التنظيف والكوي كسروا لي ظهري.. أنتظر أولد عشان أجيب شغالة.. بس هم هالسالفة مأرقة بالي :( ما باليد حيلة

اي انا أشوف في السبلة وحدة تجيب أغراض من أمريكا بس الواحد يخاف يشري شي ما يعرف خامته والسعر ما شاء الله يعني..

ألوان ذكرتيني بأخوي.. لما كان عمره سنة وأقل نفس الشيء ما يحب يلبس ملابسه :) ههههه ويدور بالفانيلة في البيت وكان يعذبنا أيام الشتاء ولما نروح مكان عام يفصخ بنطلونه :) هههههههههههههههههههههههههههههههههههههههههههههههههههه
حتى كم مرة ينزل مع أبوي السوبر ماركت ويرجع بدون بنطلون فديته :) حركات هذول الأطفال

لا تنسوه من دعواتكم

هنا طالعين جبال الروكي وكان بررررررد قبل الثلوج






هذا أونه فاز بميدالية في مسابقة هنيه

ما شاء الله ربي يحفظه لك

رجال والله بجد وبعد كم سنة بيطلع له شارب :)

حذف

الصورة

ماشاءالله علية

الله يخليلك أياه

ههههههههه مشكورة أميرته ، هيه رجال الله يحفظه عاد ،، عقبال عندك ،، تراه هالسن مريحييييين خخخخ أحانقش لووول

لونا ، تسلمين يالغالية ويبارك في عبودي يا رب ويخليه لأحبابه ،ن

شوفي تراه هالولد عاجنتنه بيدي ، شخصيته حلوة تبارك الله وبالعكس ما خاف ولا شي تألقلم بسرعة والأهم انه تعلم اللغة بسرعة ولله الحمد ،،

وبالعكس بعده باغي يجلس ،، تراه زوجي من أرد أنا عمان تبقى له سنة غيرها بعده ،، بس أنا ما أقدر عاد بالزور طلعت سنة وحدة تفرغ ،، فالولد تو مصنف يجلس مع أبوه بس بالأخير خبرته ما ممكن لأن أبوه بينشغل وتعرفي مسؤولية ،،

الحمد لله على كل حال ،،


أم لمار حياش الله حبوبتي ،، تسلمين والله من ذوقك حبيبتي ،

لونا حركاته بالصورة الأولى تراها غير مقصودة ،، هذا لأن الجو كان مشمس والشمس على عيونه ،،

الشمس كانت ساطعة سبحان الله في الجبل بس الجو كان باااارد ،، أجواء غريبة بأمريكا ،،

اي شكلش علمتيه التأقلم مو الدلع لهذا حب الوضع.. وأكيد راح يحب الوضع هناك عن أوضاع عُمان خاصة مدارسنا.. الله يحفظ لك مهند وخوانه وأبوه ياااا رب

وصح والله هالسن مريحة للأم.. يلا الله يقدرنا نربي عيالنا ونكبرهم

أميرته ، الله يوفقك يا رب بفي شغالة زينة تراه فعلا الموضوع هذا محير جدا ، وما بالساهل تلقين وحدة قدها وقدود ،،

بس إذا جبتيها ما عشان البيبي أكيد عشان شغل البيت بس

يلا بنات بخليكم شوووي بس أنيم الحلوة موعد رقادها حان ،، برد لكم بعدين

أكيد أم المهند ما بجيبها حل البيبي.. بس شغل البيت طبعاً وتساعد أمي في شغل البيبي وقت دوامي..

بصراحة هالشيء يخليني أصيح :(
أتضايق كثيييير من سالفة الدوام والبيبي .. ما أحبذ أبداً أترك طفلي الصغير وأروح أدوام

دائماً أقول لزوجي.. بترك وظيفتي مع أول فرصة سانحة.. ولو حصلت وظيفة أمارسها من البيت بيكون أحسن!!

يلا ننتظر رجوعك أم مهند