ஐ تجهيزات عرائس لشهر ذي الحجة 1430-2009م " الجزء 94 " ஐ

مساء الورد ^_^

ما قريت شي .. برجع أقرا
بس ابي أعرف صالون حلا مكانه وين في العزيزيه بالضبط ..؟

قطر
يالقاااااطعه مري علينا
شوفي غانيا شغلها حلوو

بدر
تعرفين وكاله المرسيدس واحذاها زاي؟ خليهم على ايدج اليمين وكملي سيده
بيجيج دوار بعد كملي سيده ودوار ثاني بعد سيده
بتشوفين على ايدج اليمين مكتبه ابن القيم وعالم الاغذيه وبعدين وكاله كيا وعقب التظامن لسيارات تيوتا واحذاها ناشونال
في لفه بينهم اخذيها يمين وكملي سيده
بتشوفين مسجد بورتوكابن على ايدج اليمين وقبله لفه لفيها يمين بتشوفين الصالون على ايدج اليمين

مسااء الورد..

جمعه مبااركه

ومبرروك الجزء الجديد والله يجعله فااتحة خيير للجميع ان شاء الله ولا تنسوووا صييام 9 ذي الحجه وأكثرروا من التكبيرر (الله أكبر الله أكبر الله أكبر لا اله الا الله , الله أكبر الله أكبر وولله الحمد)

وحبييت أبلغكم فييه المعرض الملكي مصممات من البحررين والمكان في فيلاجيييو مقابل زارا ووصلني مسج بعد عن جلابيات عسله كولكشن في فندق هوليداي الجمعه من الرابعه عصرا ‏‏ الى الثانية عشرا ليلا ‏و السبت والاحد من التاسعة صباحا‏ الى التاسعه والنصف مساء‏ا" والمعلومات عند الاستقبال..

ولا تنسووني من دعوواتكم حباايبي..

':
[ح ايره][;10659818']شموخ عنادي
هاي الستايل اللي ابيه .. نفس ستايل مارلين مونرو .. ع شوي اثقل ^.^

والله ذي أحلى من ستايل مارلين .. جربي زيزي و قولي لنا عن تجربتج ..



قطر :: آخر مرة جربت غانيا شغلها حلوو و ثابت بس نبهي عليها على السبرااي ..


امونتي :: سهل هالمكياج .. بس الشطارة في خطة الكحل ..

قطر
صج @@ والله لأن صادني احباط بنات ذموها لي وكنت بحجز لادوريه
يعني اساسها مب غامج ع الويه ؟
=( انا ابي هالستايل وإن شالله تضبطه

بخصوص اللي يسوون الشعر
عندج حلا ونعمت ام علي ومرسيدس شفت شغلها ع عروس عجبني
و الحين بجرب مدام روعه بنت عمي شايفه مكياجها وعجبها




دوحانيه
ااااي احلى لأن الكحل اعرض .. ومن تحت العنون بعد
ذبحتي هالستايل و وايد حلو علي


إن شالله ماندم اني حجزتها هع

على فكره منى السوريه ويا نعمات ام علي


انزين ممكن رقم زيزي ؟

بنات ابي حد يساعدني انا ابي البس الفلبينيات اللى بيمسكون فستاني شي سمبل بس ماعرف وين افصل ولا لقيت موديل ولا شي من تقدر تساعدني ابي شي سمبل وحلو

عاااااااجل :
بنات ابي وحدة تسوي تسريحات حلوووة و ستاااايل بمستوى نعمت ام علي و غااانيا حق شهر 2 ..
مالقيت حجز عند غانيا و نعمت مابيها ..
شرايكم في كروان ؟ حد شاف شغلها ؟

الف الف مبروك الجزء الجديد بنوتات عساه فال خير على الجميع ..


كاميليا ..

المحل اسمه انفاسك دخون و موجود في وافي في خان مرجان غي القسم السوري ..

مس لولا ..

حبيبتي عيب هالكلام ترى كلنا اخوان و عرب و مسلمين ، لا تخلون شي تافه مثل الكوره ياثر على عروبتنا و اخوتنا و تحولونها لامور سياسيه و مشاكل الكل في غنى عنها ، انا مب مصريه ولا جزائريه انا محايده للاثنين يعني لا تقولين اني اصف مع الجزائريين بس عيب هالكلام وبعدوا عن هالتراهات و الاشياء اللي ما لها معنى و خلكم اخوان جنب بعض شقال الرسول عليه الف الصلاه و السلام (( "لا تحاسدوا ولا تناجشوا ولا تباغضوا ولا تدابروا، ولا يبع بعضكم على بيع بعض. وكونوا عباد الله إخوانا. المسلم أخو المسلم، لا يظلمه، ولا يخذله ولا يكذبه ولا يحقره. التقوى ها هنا ويشير إلى صدره ثلاث مرات. بحسب امرئ من الشر أن يحقر أخاه المسلم. كل المسلم على المسلم حرام دمه، وماله وعرضه")) و قال عليه السلام (( المؤمن للمؤمن كالبنيان يشد بعضه بعضا وشبّك بين أصابعه )) رواه البخارى ومسلم ، وقال عليه السلام (( مثل المؤمنين فى توادهم وتراحمهم وتعاطفهم مثلُ الجسد إذا اشتكى منه عضو تداعى له سائر الجسد بالسهر والحمى )) رواه البخارى ومسلم و قال تعالى : ((إنما المؤمنون إخوة)) صدق الله العظيم ..

و اعتقد بعد كلام الله و كلام رسولنا الكريم ما اقدر اضيف شي ,,

مرحباااااااااااا حبوبات شخباركم

حبيت اكتب لكم تجربتي في المكياج مع (لميا البوجيري) والشعر ( غانيا)

ببدأ بلميا مكياجها حلوووو خاصه الدمج وايد حلو بس ماعتبرها فنانه رسمة العين مب لهناك يعني كانه انا اللي راسمه عيوني لحالي والكحل ساح شوي عاد كحل اختي ساح من قلب

وماتحدد الويه واللي بعد ماعجبني انها ماتحط بودره حق الجسم الا اذا حطينا مكياج سبشل @@ معنى مفروض تحط دامها تاخذ 500

اممممممم بالنسبه لي للحين مافي وحده مثل ناديه اليهري ^_^


نجي للشعر

الشعر مشاء الله وايد عجبنا شغلها بس عيبها تترس السبريه واااايد عاد انا اترست لي لا ن شعري واييد ناعم

تسوي لج اللي تبينه سوت حق اختي تسريحه اوروبيه وااايد كلالالالالالاس


وبس ^^"

شوشو :: لميا تحط بودرة ع الجسم لو طلبتي منها حتى لو مكياجج كان العادي ب 500 .. انا ماجربت بس حطت حق اختي و قبل حق خوات ريلي ..
وطبعا يبقى مكياج نادية الأفضل ^^"
زين جربتوا حد للشعر غير غانيا ؟ او شفتي تسريحات حد غير بس شي ستااايل ..
متوهقة ابي احجز حق عرس في شهر 2 ..

صججج@@ احنا قلنا لها تحطين بودره عالجسم قالت لنا لا مايصير لازم مكياج سبشل @@ حاولنا فيها شوي ومارضت

اممم بخصوص الشعرر ماشفت غير مرسيدس ونعمت وحلا وغانيا

انزين نطري حيور لين تجرب روعه وتقول تجربتها ^_^

دوحانية;10667390:
عاااااااجل :
بنات ابي وحدة تسوي تسريحات حلوووة و ستاااايل بمستوى نعمت ام علي و غااانيا حق شهر 2 ..
مالقيت حجز عند غانيا و نعمت مابيها ..
شرايكم في كروان ؟ حد شاف شغلها ؟

كروان يمدحون شغلها وايد بس سمعت ان اسعارها غاليه
تبين بمستوى ام علي ليش ماتشوفين منى السوريه ؟
مدحوا لي شغلها واايد وبجربهاا عقب اسبوعين

دوحانيه
شفت شغل كراون ع بنت عمي بالصوره مو ع الطبيعه
وكان ويفي حلو .. مرتب

كامي :
حبيبتي والله ادري قاطعه
وتراكم واحشيني ، وهذاني بطل
عليكم وبقووو في هالموضوع :)
وبشوف بسوي حجز عند غانيا :)
والحين تذكرت مدحتيها لي وطرشتي
لي رقمها برايفت مشكورة حبيبتي

دحدح :
مشكوره حبيبتي وبنبهها بخصوص السبراااي
زين ليش ماتبين نعمة أم علي ؟؟
احنا والله نتصل حق حلا وكله مصكر لانها فالنفاس
الحين ونبي نحجز عندها ، مع اني شفت شغلها
على 3 عرايس ورا بعض وكلهم نفس التسريحه بالضبط
ونفس حطة الطرحه ، وشفته على وحده من المعازيم
نفس تسريحة العرايس بس من غير طرحه ، وهاي اللي
مخليني احجز عندها من غير اقتناع لان مب محصلين حد
واذا عندج رقم نعمة أم علي طرشيه لي بليز :)

حايرة :
شوفي انا تمكيجت عند وايد ماكييرات
مثل اساس زيزي ماشفت الصراحه
وتمكيجت عندها 3 مرات ودايماً اساسي
حلووو ومايقطع ونفس لون الجسم مع اني
ماحط بودره ع جسمي لكن يطلع نفس لون جسمي
ومن ايام الريتز كانت معروفه ان هي اساسها احلى من اللي
معاها ، بس قولي لها شلون تبين اساسج برونز ولا عادي وهي
بتسوي اللي عليها ، وانا استايلج فالمكياج اعرفه فاتوقع بتعجبج
واهم شي قوليلها ابي لبناني وااااااااضح
والله مابالغ اول مره حطت لي سموك ستايل هيفا وهبي حتى
الإضاءه نفسها والكل استخف على شككككلي حلووو وناعم كان
وانتي ماشاء الله حلوه من غير شي :)

شوشو :
كلامج عن غانيا شجعني بس سالفة السبررراي :(


-----------------------------------


بنات بقول لكم ترى لبنى اللي في صالون لينا حلووو شغلها انا سويت عندها مرتين وفالمرتين كان حلووو
والله ، حتى الحين افكر احجزها احتياط للعرس ، وبنت خالي شعرها ناعم وقصير ومنتف وتسويه لها ويفي
كفار وصج ماشاء الله حلووو ويتم لين أخر المناسبة


--------------------------------------

بنات بليز ضروري مارشحتولي ناس يجون العرس يصورون تصوير فوري ، ترى لازم احجز مافي وقت
ابي محلات التضييف اللي حق الشاي والقهوه مع اني مب مقتنعه فيهم خخخخ بس لازم نحجزهم
جربتوا الضيافه اللي في دحيل ؟؟

بناااااااااااااااااات هذي اسأله طرحتها في تجمع السعوديات ، بليز جاوبوا عليها اذا تعرفون :

مساء الخير ، شخباركم ياعرايس :
بغيت اسألكم كم المسافة من الخبر لين الرياض ؟؟
وانا الصراحه عندي عرس ، ابي عبايات راقيه وفخمه
ومو مهم السعر ، واذا يكون الشغل من تصميم مصممات
يكون احسن وافضل ، لان بدون اسم والاختيار الاول موجودين عندنا
في قطر فأبي شي مختلف .
ثالث شي ماعليكم أمر ابي محلات فساتيين راقيه واهم شي ماتبيع
ألف قطعه من الموديل نفسه وتكون الخامات حلوووه يعني فالنهايه ابي فساتين
مايبين عليها انها جاهزه .
رابع شي ابي محلات ماعليكم امر تبيع بدلات حلوه وراقيه او جلابيات فخمه
عشان نكشخ فيهم اذا جو الناس يباركون بعد العرس

---------------------------------

ماعليكم أمر رشحولي محلات في الخبر والدمام والرياض

قطر

في الرياض
مجمع حياه مول ,, الطابق الثاني كله فساتين وعلى حظج اذا حصلتي شيء حلو او لا مواسم الظاهر ><
وفي محل تحصلينه عند الدرج الكهربائي على يدج اليسار اسمه شيء ديانا ,, خليه يطلع لج الفساتين المخشوشه داخل
وااايد حلوووووووين وفخمين وماتحصلينهم عند باقي المحلات
مجمع صحاري ,, الرياض غاليري << حلووين وفيهم كم محل فساتين
مجمع الموسى ,, كله فسااااااتين انا ماعجبني الصراحه

محل توب تاتو جلابياتهم روووعه وفخمه وحتى القمصان الطويله اللي تلبس على بناطلين حلوووين واايد << بتحصلينه في حياه مول

والعبايات ,, خط الازياء بس اللي عندهم احلى من اللي عندنا واسعاره ارخص بعد ويخلص لج العبايه في اسبوع

والبنات مابيقصرون معاج ^^

بليز بنات الله يوفقكم ابي رقم كروان ورقم منى السوره ضررررررررررررررررررروري الله يرضى عليكم

قلب بنت الأنتر :: قريت في منتدى ثاني ان كروان عادي تنكب و في يوم المناسبة تطرش لج اللي معاها .. عاد انا خفت ..
و منى السورية ماشفت شغلها ..

حايرة :: اشفيهم كله ويفي ويفي .. ابي شي غير و حلووو ..

قطر :: مجربتها من قبل بس الحين مادري متخوفة منها .. مشكلتها ما تقول لج بكم تسوي من البداية ..
و بخصوص محلات التصوير الفوري .. في عرس خالي كانوا جايبين التصوير من فن ستيشن و محل ثاني اسمه شي نايت ناسية الاسم ..
بس تصويرهم حلو و واضح .. باطرش لج رقمهم بس ذكريني اذا نسيت ..

قطر..
شوفي انصحج تشيلين من بالج روحه الدمام والخبر وروحي ابوظبي

عندهم محل في مجمع المارينا مول حق الفساتين روووووووعه روووووعه شغل راقي ومش مكرر
وعباياتهم تييين هناك لوتشوفين شغلهم تكنلسين تسوين عبايه عندنا
وبعدين الدمام والخبر اغلب الفساتين راح تشوفين كذا وحده لابسه نفسج وش بيكون موقفج وصارت عندنا وايد