كيتى الف سلامة عليكى
نونا ستار تتتهنى بحاجتك يارب ذوقك حلو اوى بالنسبة للقطاعةالاشكال الصفراءة دى بتاعة البتى فور والبسكويت ياقمر
نوشا ميرسى على الصور المجرمة ياقمر
nosha_2000;10830717:
maro2010 "انا عندى راى وعايزة اقولهولك مش كل حاجة تقولى عليها اة تقدير الظروف مطلوب و يعتبر واجب بس هو مش صح ان خالو يمشى راي عليكم انتو لأتنين زى ما من حقة انك تقدرى ظروفة حقك انو يقدر ظروفك وان مهما كان انتى من حقك تتبسطى انا مش بسخنك انا بفهمك اتعملى بزوق و رقى اخلاق بس مش من حق حد يقرر لو حدة انا شايفة انو مش ينفع يقولك احنا هنلبس الشبكة فى الحنة المفروض يقولك ممكن نلبس الشبكة فى الحنة وانتى التقولى اة او لأ ممكن انتى دلوقتى تقولى معلش انا هلبس الشبكة يوم كتب الكتاب لأن اهلى و اصحابى هيجولنا يوم الحنة وعايزين يفرحو معايا و انا مرعاة لشعور ممتك مش هعمل كدة بس مش هعرف امنع الناس من الفرح ولو مش هتعرفى تقولى كدة بابا يقول او ماما بدلك وربنا معاكى يا حببتى ياراب
كان فى بنوتة بتسال على مطحنة بهارات هى انا شوفتها امبارح فى سبينس 130 جنية ماركة امجوى
مكرونة " اخبار الأمتحانات اية ؟؟؟؟
وكيتى عاملة اية يا حببتى ؟؟؟؟؟
ريومة "" وحشتينىىىىىىىىىىىىىى:L:
افروديت "يا راب نطمن عليكى انتى و بسكوتة تو " مسلمة موحدة " امة الغفار
امبارح كنت فى سيتى ستار وتوليب كان عامل تخفيض 50% على حاجات كتير طقم مجات شاى بطبق 50 جنية و القوة 50 جنية واى قطعة زجاج المانى شمعدان او بومبنيرة 50 جنية بس دول حاجات محدودة
كان عندى سؤال
فى بنوتة حاطة صورة لتوزيعات كتب الكتاب و داخلها حصن المسلم ممكن اعرف دى بتكلف كام بظبط ؟؟؟؟؟
السؤال التانى " انا عندى مشكلة ان فى فوشى تفتح للمسام حمب الأنف كدة بس بسيط وخايفة احسن يكبر ويبان اعمل فى اية ؟؟؟
سؤال كمان و استحملونى معلش انا اعرف خطيبى من زمان اوى اوى من قبل مانتخطب بكتير كنا جران و بعدان اتقدم واترفض من قبل ما اكلمو المهم عرفنا بعض وانا كنت لسة صغيرة مكنتش لسة محجبة كنت شايفة نفسى اوى فى لبس وكدة واعدنا عارفين بعض 6 سنين و انا بدات اتغير اهتم بالقرءان و اتحجبت و هو كان فرحان بيا اوى وقالى ايامها انا كان نفسى اطلب منك دة بس سايبها تيجى من جواكى احسن المهم غيرت شكل لبسى من البنطلون والبادى للجيبات والحجاب يعنى انا مش لبست بنطلون من 3 سنين شكل جسمى اتغير اكيد انا جسمى صغير دلوقتى بس تخنت عن زمان و دة من قلت الحركة المشكلة انى لما بخرج معاة بعد متخطبنا بشوف البنات بحس انى كبرت اوى من شكل لبسى مع العلم انا الحمدلله بلبس شيك ومهتمة بنفسى ومعلش الرجالة حتى لو مش بسطت برة اكيد البنات دى بتلفت نظرة مع ان هو بيحسسنى غير كدة بس انا من جواى عايزة اغير شوية فشكل لبسى وكدة بس اكيييييييييييد وانا مسلمة ملتزمة مش عارفة انتو فاهمنى ولا لأ انا ساعات بقول هو بانو وبين نفسو اكيد بيقارن بين البنت الحبها و الهى خطبتو دلوقتى مع العلم انا عارفة انكم هتقولو الموضع مش شكل وبس بس بردو الشكل مهم يعنى الفت نظرة ازاى بس باحترام فى حدود اتنين مخطوبين ؟؟فهمنى ؟؟
انا مش شايفة انك ناقصاك حاجة ماشاء الله
اولالو حاسة انك مليانة شوية صبطتى اكلك وحتخسى وامشى كتير
تانيا لبسك ماشاء الله بتقولى شيك ميعبوش حاجة بالعكس بيميزه انه محترم ومختلف
متسمعيش كلام شوشو ياقمر ;)
افرودييت;10831544:
يابنات انا فى مشكله كبيره قوى مع خطيبى
بقالنا فتره فى بلاوى كده ..........
اتاصل عليا فجاه وسألنى عن كلام كنت كتبته عندى على الفيس بوك والله من زمان وكنا متخانقيين ومعرفش مين قاله عنه اكيد اخته اللى عندى بس فاكره ازاى دى من زماااااااان قوى واشمعنى دلوقتى؟؟
ولقيته بيقوللى والله لهعرف اتصرف معاكى بس اتأكد قولولى اعمل ايه انا بجد خايفه وخايفه اكتر يقول لبابا وانا والله الكلام ده من زمان انى ندمانه انى عرفته بس دى فتره كانت كلها مشاكل وكنا هنسيب بعض فعلا فيها ....... كمان قولولى انا لو مسحت الاكونت بتاع اخواته من عندى برضه كلامى هيظهر عندهم؟؟ وامسحهم ازاى مش راضى يمسح عندى وادوعلى ربنا يسترها والنبى
وعلشان المخالفه اجيب منين بودره معطره
اهدى يافردويت الامور دى عايزة تفكير صح اولا المفروض مكنتش تمسحى اخواته من عندك لان ده حاجة حتتمسك عليكى انك عاملة حاجة غلط وهما عرفوا
تانياة اعملى موضوع الخصوصية لعرض كلامك
ثالثا وده الاهم الفيس بوك له حدوده واى حاجة قديمة امسحيها وربنا يصلح الحال
لما يكلمك اتكلمى معاه بعقل واثبت له انك مش غلطانة وانك واثقة فى تصرفتك
البودرة فى ماى واى واورفليم ونازلة فى اورفليم 3 انواع الواحد ب 14 جنيه
دكتوره بس عسوله;10832184:
ربنا معاكى يا حبيبتى ويفك كربك ويكملها بالستر ان شالله هدعيلك
بنت يا كيتى وحشتينى اخباراتك ايه وبدأتى رونداات ايه؟؟؟؟؟؟؟؟؟
بنات لو حبيت اجيب برفيوم مميز ليوم الزفاف تقتحو عليا ايه؟؟؟؟؟؟؟؟؟؟
اعتقد على حسب ميولك بتحبى التقيل ولا الخفيف
روحى محل عنده برفانات اورجينال ونقى اللى يعجبك انا بتعجبتى بريتنى سبيرز بس لازم تنقى بذوقك
hekaya_wa;10832217:
ميرسي كتير ياجميل انا عملتها اهه
يارب تكون طلعت مظبوطة:)
يابنات انا دلوقتي هتجوز في الشتا في شهر 2
واشتريت 3 ترنجات قطيفة
و3 ترنجات مش قطيفة بس تقال
و3 بيجامات
وعباية واحدة قطيفة
و2 روب واحد قطيفة وواحد عامل زي الفرو كده
وجبت 4 فستات منها صوف ومنها قماش تقيل كده للبيت
و2 بنطلون جينز وleggingكارينا
وهجيب ان شاء الله جيب جينز قصيرة وكام بدي بلوفر عليها
اجيب حاجة تانية للبيت ولا كده كفاية؟؟؟؟؟؟؟؟؟؟
هاتى كمان عباية ولكلاكيك و2 جلابية كبار
كلمة حب;10832290:
انا حاسة ان كده كفاية بس برضه انا عايزة اعرف يا بنات ايه هي الهدوم الشتوي اللي كده اقدر اقول كده كفاية قوي ومش هاحتاج زيادة ومفيش ناقص؟؟
ردى فوق مشاركتك ياقمرة
maro2010;10832527:
ميرسي يا نوشة يا جميلة على اهتمامك انا فعلا ماخليتش خيلانو يتحكموا فينا لانهم كانوا رافضين اصلا الجواز حتى لو كتيمي هما اصلهم لسة متمسكين بالعادات القديمة شوية بس انا وخطيبي ساعتها اتفاهمنا على انهم لو اتدخلوا في دي يبئى احنا كدة حياتنا بئت متاحة انهم يتدخلوا تاني وطبعا اخدنا موقف وحمايا ساعدنا في انه كلم حماتي انه وحيدهم وكدة وانهم عاوزين يفرحوا بيه وهي ماما عشان طيوبة اصلا كان كل همنا ان فرحنا يتعمل في معاده برضاها والحمد لله اقتنعت وانا فعلا قررت اني هرفض الموضوع ده بس مستنية شوية وقت عشان اجيبهالو بطريقة حلوة عشان ما يتحسسش من الموضوع
nosha_2000
هقولك على حاجة بالنسبة لموضوعك البنات كانوا قدامو من زمان واكيد طبعا اشكال والوان وحلوين وقمرات بس هو من دون كل القمرات دول ماشافش الا انتي واختارك انتي هو لما فكر يختار فيه حاجات اكيد فيكي شدتو ليكي مش بس الشكل اكيد عندك حاجات حلوة كتير خلته يختارك ويشوفك احلى واحدة وبعدين بجد انا بحترم اوي الشاب اللي لما بيحب يخطب بيحب يداري حبيبته عن عيون الشباب ومن كلامك اللي فهمته ان خطيبك فرحان بيكي كدة وانتي محجبة يعني بمعنى اصح بيحب تكوني ليه هو وبس وانتي شوفتي اراء البنات هنا لما واحدة تكون اتكتب كتابها بينصحوها انها ما تأفورش في اللبس لانه كدة بيكون مشتاق اوي لليلة الفرح لانه بيحس انه محروم من جمالك الخارجي ونفسه ان الجواز يتم بسرعة وتكوني معاه بسرعة احساس تاني بجد :o وانتي كمان تقدري تلفتي نظرو باسلوبك وبطريقة تفكيرك وحاجات كدة مش بس بمظهرك
بصي يا قمر ربنا سبحانه وتعالى ما بيؤمرناش بحاجة الا وليه_سبحانه وتعالى_ فيها حكمة والحجاب ده بجد بيحمينا من حاجات كتير حوالينا وبجد اسعي دايما لرضا ربنا وانتي دايما هتكوني حاسة بأمان وربنا ان شاء الله يباركلكم في علاقتكم ويجمعكم سوا قريب ان شاء الله
:thumbs_up::thumbs_up::thumbs_up::thumbs_up::thumbs_up::thumbs_up: والف سلامة عليكي يا قمر
افروديت بصي يا قمر حاولي ما تبينلوش انك بتخافي من المشاكل اوي كدة وخليكي دايما هادية ادامو وبصي لو لا قدر الله هو شاف الكلام ده بعينه حاولي تتفاهمي معاه بهدوء فهميه ان الواحد لما بيكون مخنوق او مدايق من حد هو بيحبه بيقول كلام مجرد تنفيس عن غضب يعني هي الام لما بتكون غضبانه على ابنها مثلا مش بتدعي عليه بس في نفس التوقيت بتتمنى ان ربنا ما يتقبلش دعاها فهميه انه مجرد تنفيس عن غضب ساعتها وانك اصلا بتحبيه
بس برضو منعا للكلام ده كله لو عرفتي تمسحي الكلام ده امسحيه
افروديت كمان نصيحة مني وياريت ماتزعليش مني ما توصليش لخطيبك انك بتخافي من المشاكل اوي وكمان انك بتخافي اكتر ان المشكلة توصل لباباكي لانه مهما كان الاب شديد بس هيفضل برضو احن انسان على بنته وحاولي تحلي المشكلة دي بكل هدوء وخليكي متماسكة واوعي تتهزي ادامو وبينيلو اد ايه انتي بتحبيه وانك عشان كنتي مجروحة ومتخانقة معاه قولتي كدة بس طبعا ماكنتيش تقدري على كدة
يا قمرات ممكن تقوليلي على نوع مكنسة كويسة؟
المكنسة هيتاشى وبانوسينك
hekaya_wa;10833056:
يابنات دلوقتي لما نلبس جيب جينز قصيرة او شورت جينز مثلا وعليه بلوفر
البس ايه تحت الجيبة او الشورت عشان الدنيا بردددددددد اوووووي
انا بدور علي الشرابات الصوف الطويلة اللي هيا لحد فوق الركبة مش لاقيها
هو في اصلا شرابات بالطول ده ولا انا اللي بيتهيالي؟؟؟؟؟؟؟
ولو موجودة ياريت حد يقولي بتتباع فين في المنصورة او المحلة
لو مش موجود قولولي بقي ايه البديل؟
ده فى محلات اللانجيرى زى جويا وكارينا وممكن تجييى استرتش بداله
يارب اهدنى;10833208:
ربنا يكرمكم يا بنات بجد على ردكم على موضوع البوكيه
و ربنا يسهل و يقدر الخير دعواااتكم
و الف سلامة على سنانك يا كيتى ربنا يخفف عنك يارب
و افروديت
الهدوء يا حبيبتى اهم حاجة زى ما البنات قالولك و الثقة مهمة اوى كمان
توكلى على الله هو مش هايسيبك ابدا و كريم اوى و رحيم اوى اوى
و بردو حاولى تمسحى الكلام من بروفيلك
نصيحتى ليكى يا حبيبتى اقفى بالليل قبل الفجر بين ايدين ربنا و فضفضى بكل حاجة
و هتحسى براحة كبيرة و قوة اكبر
و ربنا يهدى خطيبك و يوفقكم لكل خير
و بإذن الله هندعيلك قبل الفجر
ربنا يفرج كربك و يريح قلبك و يخفف عنك و ينور بصيرتك يارب
سؤال يا بنات عشان القانون
ايه احلى الوان فى فساتين الخطوبة و لا اعتمد على ذوقى احسن ؟
اولا على حسب لون بشرتك والالوان اللى تليق عليه
ثانيا على حسب الموديلات اللى معروضة ممكن تدورى متلا على بينك ومتقليش موديل حلو وفحتتصطرى تدورى على لون تانى
انا رايى اعملى لفة وشوفى المعروض وساعتها حتعرفى انتى عايزاه وايه اللى يناسبك
يارب اهدنى;10833275:
يتصفح الموضوع حالياً: 14 (12 من الأعضاء و 2 من الزوار)
يارب اهدنى,
Love Time,
hekaya_wa,
دلوعة حمادة,
جويرية33,
maro2010,
emoosmsm,
Bossy_Fadl,
donyhoney,
افرودييت,
nosha_2000
بحبكم فى الله يا بنات
ربنا يكرمكم باحلى حياة يارب
سؤال يا بنوتاتى
هو من امتى ممكن نجيب لخطيبنا هدية ليوم ميلاده مثلا
يعنى لو يوم ميلاده كان قبل الخطوبة بكام يوم
يبقى عيب لو جبنا هدية صح ؟
انا حساها محرجة اوى :o
مفهاش اى نوع من الاحراج بالعكس سواء كنتى تعرفيه اولسه عريس متقدم ومتعرفوهوش فهيه لفته جميلة منك انك اهتمتى بيه وافتكريته وبتقدر اليوم اللى جاه فيه على الارض
طيب امال لو بتحبيه يبقى ايه النظام ؟;):o:L:
دلوعة الغالى;10833463:
بنات هو انا عندى طقم اركوبال اللى هو كل حاجة 12 قطعة وهجيب طقم صينى للنيش ان شاء الله
لازم بقى اجيب طقم الجاتوة وهو بيبقى بكام
افرودييتربنا يفك كربك حبيبتى وان شاء الله الموضوع هيعدى على خير بس انتى متبنيش ادامه انك قلقانة وخايفه وان شاء الله خير
لامالوش لازمة اللى عندك يغنى ودلوقتى الزيارات مبقتش كتير فى الاول بس وكل واحد فى حياته
donyhoney;10833610:
دلوعة انا شايفة حلو اوي طقم الاركوبال وطقم الصيني كفاية كده طقم الجاتوه ده اختراع جديد مش حساه ليه لازمة اوي كل حاجته بتبقى موجودة في الأركوبال والصيني وانا اللي كنت اعرفه عنه انه في ناس اللي هي مش بتقدر تجيب صيني وكده كانت بتجيبه لأن طبعا سعره اقل لكن لو صيني وهو حسة هيبقى كتير اوي
---------------------------------------------------------------------------
سؤال يا بنات حد يعرف الحوامل بتاعة الصيني لما يترس كده في النيش وكده بنجيبها منين اللي هي زي ما بيبقى معروض في العرض في المحلات وكده ؟
اى محل عنده ادوات مطبخ ياقمر
galaxymenna;10833809:
ريومة228
السالوبيت بيكون لوحده مش طقم سعره بيبدأ من 40 وانتى طالعة. انا كنت جبته كادو لاولاد اصحابى كذا مرة من وسط البلد وفى مرة جبته من محل بيبيز من اول روكسى بس مش فاكرة اسمه بصراحة
بنات ممكن اعرف اذا كانت الترابيزات المودرن يتحطلها مفارش وللا لأ؟
المودرن اشيك بدون مفرش
[/QUOTE]
