yoyo2008;10786800:
البراهات تلاتة او اربعة للخروج وخمسة للبيت لو انتى الى بتلبسيهم فى الخروج هما الى فى البيت يبقى الستة دول حلوين اوى والله فكرتينى بيهم لسة ماجبتش هههههههههههه صحيح يا بنات بالمناسبة الاندرات فى اندرات قطن مية فى المية بس اشكالهم مش حلوة الصراحة جبت منهم واحد بس وتلاتة لاسو سادة شكلهم حلو وخمسة بقى مش مكتوب عليهم قطن مكتوب الياف صناعية بس اشكالهم تحفة هو المفروض ماجيبش الى الياف صناعية دول تانى ولا اية؟ وعموما المفروض الاندرات كام اندر؟ سمعت حد قال هنا 30 بس مش كتير شوية؟ كمان بنات المنصورة بيقولو الفساتين عندكم حلوة اوى وبصراحة اقربلى من القاهرة واليكس الى لفت على فساتين زفاف ياريت تقولى اماكن يكون فيها فريست يوز حلو وتدينى خلفية عن الاسعار ربنا يكرمكم
الاندرات مهم جدا انها تكون قطن دوري بس تاني كويس وهتلاقي اشكال حلوة ولو ملقتيش حتي لو هما سادة خالص وقطن هيبقي فيها ايه دول هيتلبسوا تحت بيجامات ولبس عادي وكتري منهم لان المفروض تغيري علي الاقل مرة في اليوم
tota_10;10786912:
حبيبااااااااتى ازيكو
انا طالبه منكم مساعده ضروريه عشان انا حاسه انى متلخبطه ومش عارفه انظم نفسى :confused:
دلوقتى اللى زى حالاتى كده ادامها سنه ونص ان شاء الله على الجواز
تجهز بردو ولا تنفض دلوقتى ولما يقرب الميعاد تبدأ تجيب حاجاتها :|
عشان انا بقول مش عاوزة الوقت يزنق معايا
بس فى نفس الوقت كل ما اجى اجيب حاجه اقول مش وقته مش وقته مش وقته :worn_out: لسه بدرى وكده
وكمان مش عارفه ايه الأولويه اللى يتجاب دلوقتى ..لأنى بخاف اجيب حاجات تتغير اشكالها بعد كده والموضه والحاجات دى
انا جبت زمان قبل الخطوبه كام حاجه كده يعنى طقمين ملايات للسرير بس حاساهم مش جامدين اوى وجبت فوط وجبت طقم عشاء وجبت حلتين
و2 طاسه تيفال زهران
وعندى طقمين كاسات وطقم كوبايات وشويه حاجات كده كانت بتجيلى هدايا:)
وبعدين انا متلخبطه كمان فى ناس قريبين منى يقولولى لما تلاقى قمصان نوم حلوة هاتى او لانجيريهات او لبس دلع وانا حاسه انه بردو مش وقته
انا عارفه هفضل اقول مش وقته مش وقته لحد ما هتزنق
دلوقتى بقا افترحوا عليا ابدأ اجيب ايه ومنين واعداده اد ايه
ولا بلاش اجيب حاجه دلوقتى ؟؟؟؟
F:F:F::adore:
ابدأي بحاجات المطبخ وبعدها الفوط والملايات وحاولي تكوني مركزة وانتي بتشتري مش تشتري وخلاص عشان يبقي الاسم بتشتري لا متجبيش الحاجة غير وانتي مقتنعه وعلي فكره الحاجات دي مش بتاخد وقت خالص كل دة يخلص في شهرين مستريح فبرحتك خالص وجيبي احلي الخامات والماركات من غير استعجال وربنا يتمملك علي خير
maro2010;10787277:
بنات معلش انا عارفة انه سؤال قديم بس اعذروني لاني متلخبطة خالص اليومين دول كنت عاوزة اعرف احسن نوع حل استانلس ضروري ياريت تحديد يعني اطلب من البياع ايه واقوله ايه عشان يحس اني فاهمة واجيب منه عدد اد ايه
والتيفال انا قررت اجيب حلتين اجيب احجامهم ايه؟
وكمان احجام صواني الكيك لو واحدة مدورة مثلا وواحدة مستطيلة تيفال برضو
اختي مصرة اني اجيب طقم صاج وانا مش حاساه مش عارفة هو مهم ولا تكمالة عدد وحاسة اني بتمنه ممكن اجيب طقم كاسات زيادة حاسة اني هفرح بيه اكتر تنصحوني بايه؟
ومعلش بجد ياريت تجاوبوني على موضوع المهر ضروري
وبس كفاية كدة ولباقي التجهيز بقية عشان ما تزئهوش مني مرة واحدة;)
وادعولي بالله عليكم ان ربنا يتمملي على خير ويبعد عني انا وخطيبي المشاكل ويفرج عن عيلتي كربها وهمها بجد محتاجة لدعائكم اوي
احسن استانلس يكون ١٠/١٨ لو مش هتجيبي طقم يبقي هاتي ٣ مقاسات
والتيفال هاتي ٣ هتحتاجيهم هاتي وحدة مقاس ١٦ او ١٨ ووحدة وسط ٢٢ مثلا ووحدة كبيرة اكبر مقاس
مقاس صواني الكيك غالبا بتكون يا ٢٦ او ٢٨
فعلا انا معاكي طقم الكاسات احسن من الصاج ملهوش اي لازمة ولو قالتلك للتالجه وحفظ الاكل فموجود علب للتلاجه محكمة الغلق احسن بكتير
وربنا يتمملك علي خير ان شاء الله ويبعد عنك كل حاجة وحشه
بالنسبه لموضوع المهر هو شرعا العروسة ليها مهر وليها مؤخر والمهر دة ليها هي مش للجهاز لكن عشان الشباب ظروفهم الماديه مش بتكون كافيه لطلبات اهل العروسه فجري العرف انها بقت تشترك معاه في التجهيزات واتلغي المهر وبقي شيء رمزي و كمان ماطلوا في المؤخر وبقي يدفع عند الطلاق
وعلي فكرة انا الحمد لله متجوزة حسب الشرع الاصلي مش العرف
ريومة228;10787381:
وعشان المخلفة
بنسبة لطقم الصيني المربع المودرن ده ممكن اجمعة انا سمعت ان ممكن اي حد يجمعة من كارفور ينفع ولا ايه وهيكون بكام
اصل هو عجبني اوي ومستحرمة اجيب طقم صيني تاني بالف شوية وانا عندي اطقم كتير عندي صيني المدور العادي المدهب والاكروبال والبيركس :(
ودث الصورة
انتي لو عجبك شكل الطبق ويادوب هتجيبي منه ٤ او ٦ اطباق اوك لكن لو هتجمعي طقم كامل يعني بكل مقاسات الطبق هيقف عليكي غالي او عن لو جبتي الطقم من الاساس
وانا رايي يا تجيبي طقم كامل يتحط علي السفرة شكل واحد يا بلاش ملهاش لازمة اطباق بس ويكون باقي الاطباق شكل مختلف
اصل لو كل حاجة شفنها عجبتنا هنشتريها يبقر عمرنا ما هنبطل شرا ابدا وهيبقي عندنا من كل حاجة عشرة
فخليكي في الاطقم بتعتك اكيد هما شيك جدا وجمال اوي وهاتي حاجة اولي تكون لسه ناقصه او حاجة رفاهيه اوي نفسك فيها تستخدميها لنفسك زي جهاز بخار للوجه او جهاز مساج
maro2010;10787625:
ناني يا قمر ممكن اللينك وكنت عاوزة اسألك هي الاسعار دي شاملة ايه بالظبط
ر;)
بعتلك علي الخاص يا حبيبتي
والاسعار بتاعت برا مصر شامله الفندق والانتقالات الداخليه والفطار لكن مش شامله تذكرة الطيران
والاسعار جوا مصر شامله الاقامة في الفندق بالفطار
