dando adel;10757163:
سؤال بقى دلوقتى الواحد عندو هدوم خروج وهدوم بيت كتير لما اتجوز اخدها ولا اسبها عند ماما :-o
حسب لو هما لسه جداد وعجبينك خديهم طبعا او لو عندك اخت سيبهوملها
مكرووونة;10760899:
هو طقم اللحاف الفيبر بيبقى معاه طقم ملايه لونه ؟
و هل اللحاف الفيبر بيبقى ليه كفر يتشال و يتغسل و لا لأ
و هل فى اطقم ملايات بيبقى معاها كفر للحاف ؟
اللحاف الفيبر انتي ممكن تشتريه لوحده او ساعات بيكون طقم مكون من عدد معين من القطع
واللحاف ايوة ممكن تشتريه كفر يتشال ويتغسل ويتلبس تاني
وممكن تشتريه لوحده على فكرة مش لازم يكون مع طقم الملايه
وفي اطقم ملايات بيكون معاها كفر اللحاف وبيتقفل بكلبسات (كباسين )
موجود في كارفور هتلاقي اطقم مكونه من 5 قطع مثلا بتكون عباره عن الملايه ومخده و2 خداديه وكفر لحاف وساعات تلاقي طقم الملايه لوحده وكفر اللحاف نفس اللون وبيبتاع لوحده
وتقدري تجيبي اكتر من كفر للحاف مع كل طقم ملايه
دلوعة الغالى;10761020:
افرودييت ياقمر الحمدلله انكم اتصالحتوا وربنا يخليكم لبعض ويتمم ليكم بخير يارب
بنات انا نزلت النهاردة اشترى حاجات ولقيت طقم البيركس اللى هو ماركته بيركس الفرنساوى 3 قطع ب 120 ياترى سعره حلو بس انا لقيته اللى هو بيضاوى ده وانا عايزه الطواجن المستطيل
هو ده احسن نوع صح ؟
وشوفت طقم حلل صاج تركى فى منه لون كحلى وفى اسود وفى بيج رايكم انهى اشيك
دة سعره هايل دة يعتبر ارخص من عندي بكتير هاتيه ولو مفيش منه مستطيل ممكن تجيبي من ماركة مارينكس
دلوعة الغالى;10761534:
طيب كويس
الصاج هجيبه عشان التلاجة مش هاعمل فيه اكل رايك اجيب البيج ولا انهى لون
طيب ما تجيبي علب التلاجة احسن
اللى بتكون ازاز بغطا بلاستيك لان بيكون الغطا بتعها محكم الغلق عليها مش بيدخل للاكل اي روايح تانيه من التلاجة وبيحافظ على الاكل اكتر
مسلمة موحدة;10761555:
ازيكم يا بنات عاملين ايه معلشوا انا مش متابعة معاكم أوي ماما تعبانه
ادعولها ربنا يشفيها مش عارفه تعمل العملية عشان السكر مرتفع عندها
ادعولها بالله عليكم
انا كنت شفت من قريب كده اتيليه اسمه نانسي في العمارة اللي في وش حرية مول سبحان الله عرفته قدراً لما كنت مع ماما عند الدكتور فقلت ادخل اتفرج واخد فكره عن الأسعار وكده لقيت عنده فساتين فرح جميلة وفي امريكن هناك رقيق
وفي كمان مشغول، ولما سألتها على التأجير قالتلي 2000 ده اللي شغله رقيق واستايله امريكي وفي لسه كلام في السعر لما يجي وقت التأجير
انا قولت اقولكم
ومتنسوش تدعولي يا بنات بتيسير أمور زواجي عشان المواضيع كل شوية تتأجل والله المستعان
ربنا يشفي مامتك ويعافيها يارب
فعلا اتيليه نانسي دة حلو اوي انا اجرت منه فستان فرحي بس فاصلي معاهم جامد عشان هما بيستهبلوا
علوم;10762010:السلام عليكم ورحمة الله وبركاته
ازيكوا وحشتونى قوى
معلش انا حابة اسأل سؤال كلكوا بتتكلموا على الاطقم اللى هى بادى ستومك وميكرو جيب هى دى ضرورية :!!: وبعدين طب لو واحده مليانة اكيد مش هيليق فيها الكلام ده فتعمل ايه^o). معلش طولت عليكوا ودول يتجابوا امتى لما يحصل نصيب ولا ممكن دلوقت وهو ينفع مينى جيب بدل ميكرو وبعدين البدى الستومك ده بالنسبة للمليانين يتبدل بايه ؟
معلش غلست شوية ,
بس انا عندى قلق غير عادى :woo:بفكر لما يجى النصيب هل فى فساتين خطوبة وفرح للمليانين وبيبقوا متوفرين ولا بيبقى ليهم اماكن مخصوصة
وشكرا كفاية كده غلاسة .:study::o
اه ومبروك يا افروديت على المصالحة وربنا يهدى سركوا ويستحسن ترقى نفسك وترقيه بالرقية الشرعية بتبقى شوية ادعية حلوة من القرأن والسنة اصل العين حق. :struggle:
وادعولى يا جماعة ربنا يرزقنى بالزوج الصالح علشان اخلص من لسان مرات عمى الله يرحمه:mad:8o|:sick:.
F::L:F:
مش لازم كلنا نلبس الحاجات اللى بنسمعها المهم نلبس الحاجات اللى هتليق علينا وتخلي شكل جسمنا حلو وتداري العيوب وتظهر الحاجات الحلوة
