ღ ღ°•.•• تجهيزات عرائس لشهر ذو الحجة 1430 - 2009 م " الجزء 142"ღ ღ°•.••

وحشتوني موووووت يا قمرات وكل سنة وانتم طيبين وعقبال اما كل واحدة فينا تعيد العيد الجاي مع جوزها في بيتها ان شاء الله

paradise rose;10684252:
ازيكو يا بنات كل سنهنتو طيبين نا داخله بس ع السريع كدا اقول حاجه اصل موضوعغ بيجامه العريس دا لاحظت انه اخد مشاركات كتير
بصوا حوااااااااااااار فاااااااااااااشل البيجامه الستان انسوها بجد واللى جابها ميزعلش من كلامى الرجاله مش بتحب الحاجات دى ملمسها مش بيعجبهم ولو ف الصيف مش هيطيقها ولو ف الشتا هتصقعه ومش هتدفى
نصيحتى
هاتى لجوزك بيجامه قطن بتبقى شيك وحلوانا بتاعه جوزى جبتهاله من داللى دريس بجد تحفه وشيك واهم حاجه مرييييحه ليه
وممكن تجبيله ترننج اديداس او نايك
مع شبشب خروج وشبشب البيت
على فكره
حاجه حلوه منك لما تجيبى لجوزك ويتفاجا بيها فى دولابه على زوقك ومنك انتى
ربنا يتمملكو بخير يارب ويهدلكوا ازواجكم ويكملكم كلكم على خير

بردايس ممكن تقوليلي اجيب منين البيجاما دي وياريت كمان لو شتوي وسعرها في حدود كام؟

بسكوتة تو;10688070:
بصي ياقمر في واحدة في منتدي تاني بتبيع البديهات اللي انتي بتقولي عليه دي اللي هي كارينة شارعي وانا شفتها جميله جدا تقريبا الواحد كان ب50 او 60 مش فاكرة اوي لو عايزة اديكي رقم موبيلها تكلميها وشوفي انتي بقي

يا ريت تبعتيلي الرقم على الخاص وربنا يكرمك يا قمر

مسلمة موحدة;10689365:
السلام عليكم
يا بنات انا محتاجه الدعاء أوي ماما هتعمل عملية
ادعولها الله يكرمكم ان ربنا يحفظها ويشفيها في الأيام الكريمة دي ويشفي كل مرضى المسلمين

هسأل سؤال عشان مخالفش والله المستعان

انا جايبة جلابية واحده شتوي وواحده صيفي وانا أصلا مش بلبسهم خالص
اجيب حوالي اد ايه تاني ؟

الف سلامة على مامتك وربنا يقومها بالسلامة ويشفيها ان شاء الله
وبالنسبة للجلاليب هاتي كمان 2 شتوي ونوعي في الصيفي مابين 2 نص كم مثلا و3 بكم

nonastar;10689471:
السلام عليكم

انا حبيت بس اوريكلكم صور الترنجات اللى قولتلكو عليها واعذرونى انا تصويرى زباله وكنت هخلى غدغوده تصورهملكو تانى بس للاسف شيلتهم النهارده وانا بشيل الصيفى

واحب اقولكم انى الحمد لله مش بشترى اى حاجه ومش بيعجبنى اى حاجه ولما قولتلكم على سوق غزه انى فعلا ومازلت مصممه على راى انه منزل شويه ترنجات قطيفه بجد تحفه وان شاء الله بعد العيد هروحج اكمل من عنده بقيت الترنجات بتاعتى

وانتو شوفو واحكمو وقولولى رايكم بمنتهى الامانه وبعتذر للمره التانيه على سوء التصوير موبايلى عايز عمره

ده الاولانى لونه زيتى وفظيع فى اللبس بجد واللهالعظيم

ده الكم

وده الضهر

وده البنطلون من وره

وده من قدام

وده التانى الرصاصى بس لونه مش واضح اوى بس فى الحقيقه لونه احلى

ده البنطلون من وره

وده من قدام

وده من وره

وده من قدام

وده الكابيشوه انا تنيته وحطيته على كمر الجاكت علشان اوضحلكم الاتنين

والاتنين دول لما بيتلبسو بيبقو على الكمر

وده التالت بجد ده فظيع وكل الواناته رهيبه مالهاش حل انا كنت عايزه اشترى منه واحد تانى بس لون مختلف بس الفلوس قصرت معايا لانى اصلا مش كنت نازله اشترى

فى منه الموف فى اصفر رهيب والاصفر فى بنى تحفه والاحمر بجد الوانه كلها مالهاش حل

ده التيشرت وكل الترنج مطرز

وده الجاكت من وره

وده من قدام

وده البنطلون

يلا بقى عايزه اعرف رايكم وفى منتهى الصراحه

وعلشان المخالفه انا دى اول حاجه اجيبها فى الشتوى 3 ترنجات ان شاء الله هجيب 5 تانين يبقو كده 8 وهجيب 4 جلاليب وروبين كده كفايه ولا هحتاج حاجه تانى

وبعدين زى ما قولتلكم عادى انى اجيب نفس الشكل بس لون تانى ولا اجدد اصل الموف والاصفر من الترنج الفوشيا عجبنى اوى قولولى رايكم

الترنج الزيتي ده شبه بتاعي:D بس لونه موف ومعاه بدي يعني تلات قطع انا جبته ب100 وبجد ماشاء الله على الترنجات جميلة وربنا يهنيكي بيهم وبلاش تجيبي نفس الشكل وممكن تعوضي الالوان دي في حاجات تانية

ريومة228;10689699:
الحب هو الحياة بجد انتي هايلة
بنسبة للمفرش معرفش بصراحة



مسلمة موحدة ربنا يقوم مامتك بسلامة ويشفيها ويخليهالك ياجميل
بنسبة للجلاليب لازم تجيبي علي الاقل 4 او 5 شتوي عشان الحمل ان شاء الله هتجتاجيهم
والصيفي نوعي مابين الاقصير الحمالات والقصير الكت وفي كمان جلاليب حمالات قصيرة بالروب بتعها تحفة وكلها قطن طبعا وتجيبي 3 صيفي كم وطويل برضوا عشان الحمل
اكيد هيجي يوم وهنحتاجهم حتي لو مش بنحبهم




nonastar
مشاء الله ياقمر الترنجات حلوين مبروكين عليكي وتتهني بيهم ان شاء الله
8 حلوين اوي و4 جلاليب حلوين وروبين تمام اوي
بس غيري من استيل البيجامات انتي ممكن تجيبي الوتر بروف وحاجة كده كانت نازله السنه اللي فاتت حلوة اوي جاكت واتر بروف والبانطلون عادي قطن والبدي من تحت بس الترنج تحفة وجبتومن سوق غزة 130 حلوة اوي ممكن تلقيه هناك

بنات كنت عايزة اعرف اجيب بيجامة ستان تاني ولا ايه انا عندي واحدة اجيب قد ايه؟

فيه بيجامات ستان اللي ليها بدي حمالات والبنطلون ستان دي بتكون حلوة موووووووت وسؤال كدة انا نفسي اشوف الووتر بروف ده معلش الجهل بئى:o

kitty_kity;10692051:
مسلمة موحدة
الف سلامة على والدتك ياحبيبتي ربنا يقومها بالسلامة يارب


بنات انا ليا رأي ف موضوع الجلاليب وياريت مايزعلش حد :)
انا عن نفسي اشتريت واحده شتوي او اتنين مش فاكرة بس مقاسي مش عشان الحمل
عشان اما اكون ف بيت مامتي مثلا او ف بيت حماتي وكدا اقضي يوم او يومين هناك
وحتى جايباهم شكلهم شيك ورسمي مش مدلع اوي
واحده سودا وعليها رسمة بالقطان كدا زي الجلاليب البدوية
ومقاسي او اوسع سنة بسيطة
لان حد ضامن هو هيحمل امتا وف انهي شهر
والحمل 9 شهور زي ماعلمونا ههههههههه
وكمان اول 4 شهور على الاقل بتبقى بطنك مش كبيرة ومش مأزماكي
يعني ال5 شهور الي بتحتاجي فيهم حاجه واسعه مانتيش ضامنة هيبقوا ف انهي شهر
ومحدش ضامن هيحمل امتا برده
فساعتها لو احتجت ابقى اجيب بقى...لو ربنا كرمني هيبقى ساعتها طبعا احب حاجه لقلبي اني اشتري لبس الحمل ودريلات الحمل وفساتين البيبي
فمش ناوية احرم نفسي من السعادة دي ف وقتها :)
خصوصا اني ساعتها اكيد جوزي هينزل معايا وينقي معايا واستغله بقى ههههههههههههههههههه
اصلها ماتكتبتليش لحد حالا انه ينقي معايا لبس...اللهم الا لبس قراية الفاتحه وكمان ماكلمناش ونزلت تاني يوم لوحدي كملته

:thumbs_up::thumbs_up::thumbs_up::thumbs_up:

nosha_2000;10693307:
فى حاجات مهمة متنسيهاش اول حاجة علشان بركة ربنا اكيد هيا1- المصحف وممكن نحطو فى علبة شيك وانا شوفت العلب دى فى ماركاتو ب 50 جنية بس توحفة هي للمصاحف الصغيرة وشبة العلب الفضة اوى ومتوفرة فى محل فى صلاح الدين على نفس الصف بتاع دينا وفى حاجة ممكن علبة الصدف دى نحطها فى الصالون نحط بيها الريموت التلفزيون و التكيف
اكيد مننساش سجادة الصلاة و الأسدال
2- البخور ودة لى تاثير رائع اكيد
3- فى معطرات لسرير روائح تجنن
4-معطر التواليت ويوضع داخل سيفون
5- مزيل روائح الثلاجة
6-كتاب طهى للمبتعرفش او محتاجة مساعدة
بعد كدة حاجات لجمالك
1- فرش اسنان
2-فى لزق بيتحط على اللسان نحطة شوية يوم الفرح ونشيلة رائحة تجنن
3-ممكن معطرات الفم المعتادة
4-خلى جمب سريرك لبان نعنان قوى او نعنان
5-عطور الجسم مثل البادى باتر
6-الشاور جيل بس فى انواع ماركات و رائحتها قوية مثل بورجوا
7-الاسبراى ممكن نجيب نفس رائحة الشور والبورجوا الموف توحفة
8-مسك الطهارة
9-مسك مكعبات حوطية بين ملابسك
10-السلك بيل والمش قادر على ثمنها ممكن فى حاجة اسمها ايزى سويت سهلة ودى سويت عادى استعملى سهل
11-شامبو شعر يكون فى سيريم زى زيرو فريز
12-جل او موس للكيرلى
13-مانكير الوان متعددة
14-انسيال للرجل اة بس دة للبيت بس علشان حرام
15-فى روسملت زى الحنة كدة بتتلزق وبتتشال على طول
16-اى كريم مرطب للكعبين فى واحد توحفة فى اى صيدلية ب 5 جنية اسمو هيل فورت
نوعى فى اكسسورات زى الحلقان مش شرط يكون غالى الحاجات دى متوفرة فى محلات 2 ونص
17- ستان صغير على الوان قميص النوم وحطى فى اى فصوص الكيس 2 جنية من كل شىء وبيتخيط صغير اربطى بي شعرك من قدام
18-فى كمان ماسكرا للشعر بتعمل لون فى خصل من الشعر لونها احمر نبيتى غامق او البنى والأصفر موجودة فى سبينس
19_ الواكس و طقم العناية بالأظافر

ياراب الحاجة تفكركم للناسى و يستفيد منها المش عارف

جزاكي الله خيرا على النصايح الجامدة دي:)

الحب هو الحياة ماشاء الله الماسكات جميلة وبجد مفيدة اوي وللاسف الميزان مش راضي يقيم بس كنت عاوزة اعرف زبدة الشيا دي الاقيها فين؟

الحب هو الحياة شكرا يا قمر على الرد
براديس يا قمر هروح للمحل ان شاء الله بعد العيد ميرسي يا جميلة

بنات كنت عاوزة مساعدتكم انا مش عارفة الاقي الصابون المغربي بكل مكوناته فين وعاوزة نوع اصلي فياريت لو حد يعرف بيتجاب منين وبكام يقولي ولو فيه بنوتة هنا بيبيعوا ياريت تقوليلي عليها
وجزاكم الله خيرا يا قمرات