farm;10684844:
شكرا لكل البنات الى ردت على نانى فيبس وبرنسيس ومشتاقة للجنة بخصوص الغسالة وهحاول اجيب ايديا وخلاص امرى لله وربنا ييسر ادعولى بس انتو قلولى بقى اسعار الملايات واجيب اد ايه والفوط وكان فيه بنوتة حطة صورة حمام كدة صغير وكانت على الفواطة محطوت 3 فوط الوانهم مختلفة كدة بس سادة عاوزة اجيب الفوط ديه بس مش عارفة اسمها ايه او ماركتها ايه وكمان اجيب اد ايه فوط وربنا يكرمكم ويسعدكم والى ترد عليه هدعيلها دعوايا كبيرة خالص
ممكن تلاقي الفوط دي في كارفور وانا رايي متجبيش حاجة من دي كتير هاتي مثلا 4 ملايات و 6 فوط وكملي الباقي بعد ما تخلصي الاجهزة والحاجات المهمة الاول عشام ماتتزنقيش في الفلوس عند المهم الحاجات دي موجودة مش هتخلص لكن المهم الاجهزة هي اللى كل يوم بتغلى
G(G;10684930:
انا فاهمه يا قمر انها بتتكلم عن الى بتتاكل بس انا فاكره كويس ان اورفيلام كانت بطعم الشكولاته مش بريحه الشكولاته ما اعتقدش ان ريحه الشكولاته فيها اى شيئ يجذب وعموما انتى ادرى اما بودى شوب فكل كريمات الجسم الى بنكهات لها طعم ومش هتخسروا حاجه لو سالتو فى بودى شوب او نكتار والاتنين موجودين فى مصر ربنا يتمم لكم كلكم على خير يارب.
فعلا اوريفلام من سنتين كانت منزله بودرة بتتاكل وحدة روز والتانيه بيج بس تقريبا كانوا ليمتد اديشن وساعتها اتخطفوا بسرعه جدا بس انا لحقت اتنين :D
وكمان كنت جايبه من اوريفلام ليب جلوس بطعم وريحة المانجه كان تحفة بس مش عارفة لسه اوريفلام بتعمل الحاجات دي دلوقت ولا لاء
لكن بودي شوب معندوش الحاجات اللى بتتاكل دي عندوا حاجات بروايح قوية وبس
farm;10684976:
وانا حطة سؤال عن الاثاث اللينك بتاعه اهوه عشان تردوا عليه ربنا يكرمكم ويجازيكم الف خير ومعلش يا نانى زى ما تقولى استسهلت لان كل البنات بتدخل هنا على طول وانا مستعجلة على الاجابة وممكن انسى وعوزاكم تقولولى يا بنات عندى 6 قمصان قصيرين و1 طويل و4 قمصان بروب طويل وواحد بروب قصير اجيب اد ايه تانى فردانى واد ايه بروب قصير وطويل والالوان ايه عشان انا جايبة الاسود زالبمبة والبينك والبصلى قلولى .
ولا يهمك يا حبيبتي بس انا بقولك عشان هتكتبي وتلاقيها اتحذفت يبقى معملتيش حاجة ومحدش شافها
زي ما قلتلك ماتتسرعيش على الحاجات دي خليها اخر حاجة وركزي في التقيل والمهم الاول
هاتي مثلا بيبي دول و 3 فساتين اشكال مختلفة فري سايز وبلاش بروب تاني خلاص كدة هاتي بس روب لوحدة بكم وطويل يكون بيج مثلا او جلد نمر
وطبعا لازم يكون في احمر وتركواز بالنسبه للقمصان
hekaya_wa;10684981:
في بنوتة هنا نزلت صورة لقايمة قبل كده
وكان مكتوب فيها السجاد -الستاير -والنجف
هيا الحاجات دي بتتكتب في القايمة؟؟
كل الناس بتكتبها ولا بتختلف من حد للتاني؟
لا مش كل الناس بتكتب الحاجات دي وبتختلف من حد للتاني
انا مثلا كتبت في القايمة 4 اوض بس بمستلزماتهم من غير ما افصل وحطيت الرقم الاجمالي وبس كدة
