ღ ღ°•.•• تجهيزات عرائس لشهر ذو الحجة 1430 - 2009 م " الجزء 142"ღ ღ°•.••

lolagalaxy;10671064:
الف مبروووك يا جميلة بارك الله لكما و بارك عليكما و جمع بينكما فى الخير F:

عشان المخالفة لازم اسال سؤال مش كده:lol:
طيب انا المفروض اشترى بيجامة للعريس قوليلى اسعارها كام و تتجاب منين فى اسكندرية ؟
و هوا انا لازم اشتريلو روب انا عارفة انو كدة كدة مش حيلبسو دا كويس لو لبس البيجاما اصلا هههههه و بيقولو اشترى شبشب كمان اشترى شبشب شكلو ايه ؟ و البيجاما اجيبها بيضة و لا ايه النظام^o)

بصى يا جميل البيجامة انا دفعت مبلغ بسيط وحجزتها وان شاء الله هسافر اجيبها من ابو عوف فى مصر فى اركيديا مول هى بيجامة بالروب بتاعها كانت عاملة 550 مش عارفة غالية ولا اية بس دة محل معروف وحاجتة خامتها نضيفة مش عارفة لما اروح اجيبها اجيب الروب معاها ولا اية يا بنات ماعلينا المهم بصى اسالى على ابو عوف عندك فى اسكندرية وهاتى حاجة خامتها كويسة بالنسبة للشبشب ممكن تجيبية ماركة من اديداس او نيك او كدة بس انا بحب الشباشب الى هى شكلها ممكن يلبسها فى البيت وممكن ينزل يشترى بيها حاجة كدة يعنى ومتهيالى الشبشب ممكن يعمل 150

nanono;10664033:
بصى يا قمر اولا الشمع هو الواكس اه

والتشقير اظن احسن نوع هو جولى ايفا هتلاقيه فى الصيدليات بيبقى تقريبا اقل من 9 جنيه وهتلاقى طريقة الاستخدام معاه

بخصوص الفرق بين السويت والشمع انا قولتلكوا قبل كده يا قمرات وبجد مش عشان انا بتاجر فى الحاجات دى

فعلا الشمع بالنسبالى افضل بكتير وفى الجروب بتاعتى ع الفيس بوك كتبلتكوا تجربتى الكاااااملة مع الشمع والمميزات والعيوب

بصى عشان كمان فارم سألتنى

اهم ميزتين فى الشمع عن السويت ان الالم بتاعه اقل بكتير جدا وممكن متحسيش بألم اصلا كأنك كنتى لازقة ستيكر على جلدك وشيلتيه

تانى ميزة هى ان الشعر الصغير خالص اللى لازم تستنى لما يطلع عشان تشيليه بالسويت او اللى بيفضل صغير جدا اللى على الصدر او كده ومبتقدريش تشيليه بالسويت هو بيشيله بمنتهى السهولة


الشمع بيبقى كأنه سويت سايح بيتفرد ع المنطقة اللى هتشيلى منها وتحطى عليه قماشة وبعدين تشيلى وهو ده اللى بيخلى مفيش الم
وقولت ان العيب الوحيد اللى انا حسيت بيه بصراحة هو ان لو اتبقى شوية شمع على جسمك لما تخلصى

مينفعش يتشال بالمياة لازم مادة عضوية زى الشمع وهى الزيت يعنى مثلا زيت زيتون او بيبى اويل واظن كلنا عندنا الزيوت دى يعنى الموضوع مش صعب

عموما زى مقولتلكو قبل كده اللى عايزة تعرف الفرق فى الالم بين السويت والشمع ممكن قبل متشترى الجهاز تجيب من الصيدلية او اى سوبر ماركت حاجة اسمها فاست اند ايزى من نفس الشركة بتاعة ايزى سويت وهتلاقى طريقة الاستخدام معاه

مشكلته بس انه مش عملى زى جهاز الشمع

لما تجربوه ان شاء الله هتعرفو الفرق بين السويت والشمع وهو مش غالى اظن ميكملش 15 جنيه ولو عندكو اى اسئلة تانية انا تحت امركوا

بخصوص العورة من الست للست اه حتى مامتك مينفعش تشوفها فالمنطقة دى كلها ياقمر لازم تتعلمى تعمليها وزى مالبنات قالولك واحدة واحدة هتعرفى تعملى وكمان ممكن تجربى كذا حاجة غير السويت يعنى شوفى الحلاقة وشوفى الشمع وحاولى تسألى وتعرفى ايه افضل الطرق لأنى بصراحة بخاف اوى من السويت او حتى الشمع او اى شد يعنى فى المنطقة دى

بخصوص الماكياج وكده

بصى انا مش بحط بس اكيد لما اتجوز هحط واللى مبعرفش احطه هتعلم احطه ازاى

مينفعش يبقى هما بيشوفوا برة الحاجات دى واحنا فى البيت بنحط حاجات بسيطة وخلاص

مش بقول علطول ماكياج كامل لكن اوقات واوقات انا شخصيا ناوية اتعلم كل فنون الماكياج من النت ومن اصحابى ومن كل حاجة وبجد خديها بنية حسن التبعل لجوزك اللى يعادل حاجات كتير منها الجهاد فى سبيل الله ومش معنى ان فى حاجات احنا مبنعرفهاش يبقى هما لازم يقبلوا الامر الواقع وخلاص ليه منتعلمش ونتغير ونعمل كل حاجة ممكن تسعدهم؟؟وكله ان شاء الله عليه ثواب كبيييير

اللى اعرفه ان افون يهودية معرفش بقى امريكية يهودية ولا ايه بظبط ممكن تدورى ع النت وتشوفى

اما الحاجات بتاعة العرايس زى الحمام المغربى وكده فى بنات كتير بيبوعوها ع النت لكن انا بصراحة مجربتش ابيعها عندى ع الجروب لانى معرفش ايه كويس وايه مش كويس فمخليانى فى المضمون ومش ببيع غير اوريفليم وماى واى لكن فى عطار مشهور اسمه حراز فى العتبة بيقولوا حاجته كويسة جدا لكن انا شخصيا مجربتش حاجة ولو جربت هقولكو علطول ان شاء الله

متنسوش بقى تدعوولى اوىىىىىىىىى

ممكن تقوليلى ياقمر جهاز الشمع ده بكام واشتريه منين

مشتاقة الى الجنة;10670611:
كيتى ياقمر شكرا ليكى ياحبيبتى ربنا يجزيكى خير ويجمعك بخطيبك على خير ويتمم زواجك بخير ويبعد عنك كل شر
وفعلا موديلات العبايات طالع التلتين وطبعا البدى هيجسم بقيت الايد ربنا يسترنا ديما دنيا واخره طيب هى عبايات الشتوى اللى هى كتان صح وله فيه عبايات تانية ولو فيه نوع قماشة ينفع شتوى ياريت تقوليلى عليه بس انا كان نفسي البس العبايات الاستقبال اللى هى مطرزة وشيفونات وستان دى امال انا جيباهم ليه اعيط بقى وله ايه :'(اصل الحاجات دى بتبقى حلوة قوى على العرايس غير مااجيب عبايات قطيفة استقبال وهو مينفعش البسهم واتقل من تحتيهم دلونى دى جوازة الشتا دى عذاب

العباية الي جبتها قماشتها صوف
ونازل منه الوان جميلة اوي وروشه هحاول اصورلك عبايتي

بالنسبة يابنات لاطقم الكريستال انا شوفتها امبارح وبامانة اسعارها مبالغ فيها جدا
انا شوفت طقم كاسات كريستال كان ب995 جنيه
حتى ماما لما قرت السعر نادتلي تتاكد مني انها شايفه صح
لو كدا هاتوها من بره احسن بكتييييييييييير
ماما جايبه لي طقم شربات كريستال ومعاه الجار بتاعه كان ب350 ريال بعد خصم...اه هو سعره ف الاساس كان الضعف بس هناك بينزل عروض حلوة
ووجايبالي فازتين كريستال
وطقم كاسات
الاسعار فارقه من هنا كتير جدا بجد
كدا حرااااااااااام افترى
اجيب طقم كاسات بألف جنيه ليه؟ دول 6 كاسات
عشان لو حد كسر منه كاس اكسر رقبته وراه :biggrin:

دينا القوالب دي وقمع الحلواني هتلاقيهم ف فتح الله
وف كارفور
:)

مكرووونة;10670085:
عاوزة اسأل على المالتى كويك 6*1
انا شفتها فى بي تك بس المشكلة ان مش معاها القطعة اللى بتثبتها فى الحيطة دى
و اما سألت الراجل هناك عليها قالى يمكن مش بقت تنزل و شكله مش كان فاهم قصدى
بالله عليكوا اللى جابتها او شافتها فى حتة معاها القطعة دى تقولى فين
ربنا يكرمكوا يا ربF::L:

انتي القطعه دي ماشفتيهاش في العرض ولا انتي فتحتي علبه واتاكدتي من القطع وملقتيهاش

لو في العرض غالبا مش بيحطوها

حاولي تشوفيها في العلبة نفسها يفتحولك وحدة

بنات حد راح معرض ايدج او الو مارشية يقولنا ايه الاخبار هناك وياريت لو رحتوا تحطولنا الكتالوج اللى هناك

علوم;10668955:

السلام عليكم ورحمة الله

شكرا ليكى يا (الحب هو الحياة ) و (maro2010) على النصابح الغالية ده وربنا يكلرمكوا كلكم.

:thumbs_up:F::thumbs_up:

ومعلش احب اسأل هو لازم تكون فى طقم صينى واكروبال ولا طقم الاكروبال كفاية وينفع اكروبال وملامين ولا ايه .
:woo:

وربنا يخليكوا يا قمرات.

:adore::L::adore:

العفو ياقمر تحت امرك اى وقت
الصينى ضرورى لانه للضيوف ولزينة النيش ههههه ده عاداتنا اللى مش بتتغير
اما استخدام ليكى فى المطبخ ياما اركوبال او ملامين بس الملامين مش صحى خليكى فى الاركوبال او الاركوبيركس واى خدمة ياسكرة :)

مشتاقة الى الجنة;10669037:
ازيكم كلكم ياقمرات يارب تكونوا بخير يارب
بالنسبة بقى للى هيتجوز فى الشتاء يعمل ايه بالنسبة لعبايات الاستقبال يجيب عبايات استقبال شتوى وله البس اللى هى فيها تطريز دى واتقل تحتها اعمل ايه
ولو عبايات استقبال شتوى بتبقى عاملة ازاى واجيبها منين

على فكرة مش شرط فى الشتا عبايات شتوى قطيفة بس ممكن شيفون ممكن كتان وممكن فى تظريز وممكن فى شغل سيرما سيمبل عادى بس طبعا الاقمشة الخفيفة البسى تحتها هاف او هاى كول صوف وبنطلون قماش او جينز عادى

مكرووونة;10670085:
عاوزة اسأل على المالتى كويك 6*1
انا شفتها فى بي تك بس المشكلة ان مش معاها القطعة اللى بتثبتها فى الحيطة دى
و اما سألت الراجل هناك عليها قالى يمكن مش بقت تنزل و شكله مش كان فاهم قصدى
بالله عليكوا اللى جابتها او شافتها فى حتة معاها القطعة دى تقولى فين
ربنا يكرمكوا يا ربF::L:

طيب ما تشوفيها فى توكيلها ياقمرافضل

شهرذاد2000;10670434:
اذيكم يا احلى بنات انا الحمدلله يابنات اتكتب كتابى بس مش اتجوزت:study: وجيت احكيلكم بقى:)
عايزة اقولكم اليوم الحمدلله جمييييييييل:lol:وكنت فرحانه والناس فالمسجد بيبركولى مش قادره ارد عليهم قلبى هيقف وقاعده اسمع بقى بابا وخطيبى وهموت وكنت فالمسجد وبعدين نزلت ونسيت انى همضى وان المأذون كان هيجيلى فوق بس انا نزلت وبعدين لقيت خطيبى والمأذون بيجروا ورايا بالدفترعشان امضى ولما المأذون جاب لى الدفتر فضلت امضى كان قلبى هيقف والله كل شويا اقوله كمان يقولى اه مش انتى عايزة ههههههههههههه ومضيت فى الشارع بس اليوم كان جميل عقبالكم كلكم احساس جميل والحمدلله

مبروك ياقمر وربنا يتمملك بخير ونفرح بزفافك يارب

lolagalaxy;10671064:
الف مبروووك يا جميلة بارك الله لكما و بارك عليكما و جمع بينكما فى الخير F:

عشان المخالفة لازم اسال سؤال مش كده:lol:
طيب انا المفروض اشترى بيجامة للعريس قوليلى اسعارها كام و تتجاب منين فى اسكندرية ؟
و هوا انا لازم اشتريلو روب انا عارفة انو كدة كدة مش حيلبسو دا كويس لو لبس البيجاما اصلا هههههه و بيقولو اشترى شبشب كمان اشترى شبشب شكلو ايه ؟ و البيجاما اجيبها بيضة و لا ايه النظام^o)

عند عوف وشيك وفيه بيجامات بتكون بالروب بتاعها والشبشب ياقمر وفيه الوان كتير مش لازم ابيض هاتى لون يمشى مع الطقم اللى حتلبيسيه ;)

بنات هو ايه احسن نوع ميكرويف وبكام

لان انا شوفت فى موقع لقطة عروض على ميكرويف بس فى السعودية ياريت اللى تعرف تقولى حلو ولا لا

ده ب 189 ريال 20لتر



وده ب329 ريال 31 لتر ونوعهم دايو

أزيكو يا احلى عرايس
كتب كتابي أتحدد حطوني في اللسته:) 28-11 بإذن الله
دعواتكم
أنا من كتر اللف مكنتش لاحقه أدخل اقولكم
كنت هموت لحد ما ربنا كرم ولقيت الفستان
وعملت فرد إنهارده بكريم إيطالي stirante per capelli جت كوافيره منها لله عملته ليه بحوالي 250
والنتيجة 70% من التموجات باقيه شعري هاش وشكله قصف ونشف:(
مش عارفة أعمل إيه في حياتي مستنية النهاري يطلع عشان أتصل بيها
أنا اصلا شعري فتلته ناعمة بس بيهيش شوية وفيه تمويجات
مش عارفة أقولها تعيد عليه ولا هتخربه أكتر
أنا مش متخيله إني هقابل بيه خطيبي أو هروح بيه لبيتي وأصحى ألاقي شعري منكوش:(
هيه البيبي ليس كويسه؟ وبتفرد تماماً ولا لأه؟ وأثرها بيقعد قد إيه وإيه سعرها وأحسن ماركة
إدعولي عشان مخنوقة جدااااا ومصدومه متوقعتش أعمله ويطلع كده أبدا حسبي الله ونعم الوكيل

تساؤل يدور فى ذهنى و بيلف من اثر الامتحان اللى عندى بكره :(
هو احنا نجيب ايه نسلق فيه البيض

أمة الغفار;10674048:
أزيكو يا احلى عرايس
كتب كتابي أتحدد حطوني في اللسته:) 28-11 بإذن الله
دعواتكم
أنا من كتر اللف مكنتش لاحقه أدخل اقولكم
كنت هموت لحد ما ربنا كرم ولقيت الفستان
وعملت فرد إنهارده بكريم إيطالي stirante per capelli جت كوافيره منها لله عملته ليه بحوالي 250
والنتيجة 70% من التموجات باقيه شعري هاش وشكله قصف ونشف:(
مش عارفة أعمل إيه في حياتي مستنية النهاري يطلع عشان أتصل بيها
أنا اصلا شعري فتلته ناعمة بس بيهيش شوية وفيه تمويجات
مش عارفة أقولها تعيد عليه ولا هتخربه أكتر
أنا مش متخيله إني هقابل بيه خطيبي أو هروح بيه لبيتي وأصحى ألاقي شعري منكوش:(
هيه البيبي ليس كويسه؟ وبتفرد تماماً ولا لأه؟ وأثرها بيقعد قد إيه وإيه سعرها وأحسن ماركة
إدعولي عشان مخنوقة جدااااا ومصدومه متوقعتش أعمله ويطلع كده أبدا حسبي الله ونعم اوكيل

مبروك ياقمرو ربنا يتمملك بخير
طيب الكوافيرة مقلتش ليكى على حاجة تحطيها بعد ما تروحى كريم او اسبراى مثبت ؟
بالنسبة للبيبى ليس فيه نوعين واحد ب 285 وواحد ب 245

النوعين دول بنات جربتهم
ST 27 دى زى بتاعتى ب 245 جنيه

http://forums.3roos.com/t442469.html...CC%D1%C8%CA%EC

عرايس شهر نوفمبر

27-11-2009
فرح wello

28-11-2009
فرح موندانة

28-11-2009
كتب كتاب أمة الغفار

29-11-2009
كتب كتاب عروس مع وقف التنفيذ

30-11-2009
فرح افرودييت

30-11-2099
فرح عروس مع وقف التنفيذ

عروسة شهر ديسمبر
19-12-2009
فرح حبيبة احمدد

أمة الغفار;10674048:
أزيكو يا احلى عرايس
كتب كتابي أتحدد حطوني في اللسته:) 28-11 بإذن الله
دعواتكم
أنا من كتر اللف مكنتش لاحقه أدخل اقولكم
كنت هموت لحد ما ربنا كرم ولقيت الفستان
وعملت فرد إنهارده بكريم إيطالي stirante per capelli جت كوافيره منها لله عملته ليه بحوالي 250
والنتيجة 70% من التموجات باقيه شعري هاش وشكله قصف ونشف:(
مش عارفة أعمل إيه في حياتي مستنية النهاري يطلع عشان أتصل بيها
أنا اصلا شعري فتلته ناعمة بس بيهيش شوية وفيه تمويجات
مش عارفة أقولها تعيد عليه ولا هتخربه أكتر
أنا مش متخيله إني هقابل بيه خطيبي أو هروح بيه لبيتي وأصحى ألاقي شعري منكوش:(
هيه البيبي ليس كويسه؟ وبتفرد تماماً ولا لأه؟ وأثرها بيقعد قد إيه وإيه سعرها وأحسن ماركة
إدعولي عشان مخنوقة جدااااا ومصدومه متوقعتش أعمله ويطلع كده أبدا حسبي الله ونعم اوكيل

أمة الغفار الف مبروك لووووووووووووووووووووووووووولي احلي زغروطة اهية مع اني معرفش ازغرط ههههههههههههه:o
بنسبة للفرد كنتي عاملتي فرد chi هو غالي بس حلو اوي احلي من الكراتين كمان اتصلي بالبنت اللي عمالتلك وشوفي هتقوالك ايه ومتقلقيش ياقمر خير
بنسبه للفستان اجارتي منين وبكام
البيبي ليس معرفش بصراحة بس هي بيقولوا تحفة

مكرووونة;10674055:
تساؤل يدور فى ذهنى و بيلف من اثر الامتحان اللى عندى بكره :(
هو احنا نجيب ايه نسلق فيه البيض

مكرووونة ربنا معاكي ياقمر وبنسبة لسلق البيض الكازروله علي مااظن:D

مكرووونة;10674055:
تساؤل يدور فى ذهنى و بيلف من اثر الامتحان اللى عندى بكره :(
هو احنا نجيب ايه نسلق فيه البيض

استخدامى كسرولة او لبانة لو كمية كبيرة من البيض زى المتزوجون :lol: ومحتاجة مية كتير

بنات مش عارفه احط توقيع ليه مش عارفه ليه مفيش في لوحه التحكم عندي

كمان ايه رايكم الصبغ قبل الكيراتين ولا بعدها علشان اختي

حبيبه احمدد;10674366:
بنات مش عارفه احط توقيع ليه مش عارفه ليه مفيش في لوحه التحكم عندي

كمان ايه رايكم الصبغ قبل الكيراتين ولا بعدها علشان اختي

التوقيع لما تكملى 50 مشاركة
الصبغة الاول وبعدين الكيراتين لانه مش عايزة غسيل للشعر ولا تكسيرله وربنا يتمملها ويتمملك بخير

اقتباس









المشاركة الأساسية كتبها amatalrahman237
























لو حد عايز الموقع دة قولولي بس ابقوا اتحايلوا عليا شوية......... بهزر والله :21_104:






ياريت تبعتيلي اسم الموقع ياقمر







يابنات انا كمان بسال عن الفرد بالكرتين اعمل قبله صبغة ولا بعده

ناس تقلي قبل الصبغه عشان الشعراية تكون علي طبيعتها لان الصبغه بتخلف الشعراية

فاعملي الكراتين وبعديها باسبوعين الصبغه

وناس تانية تقلي اعملي الصبغة وبعدين الكرتين احسن

وانا مش عارفة اعمل ايه دلوقتي:o




اه وعايزة خدمة منكم ضروري جدا الله يكرمكم ويفرح قلوبكم يارب

عايزة قاعة حلوة وشيك ومتزدش عن 4 تلاف بس

انا رحت قاعة وندر لاند كانت ب5 تلاف:(ل200 فرد

وفندق الشانزليزية ب5 تلاف ل100 فرد بس:'(


ارجوكم المفروض احجز القاعة النهارده قبل بكره ياريت اللي يعرف مكان قاعة كويس ومناسب يقلي ومش يبخل عليا محتاجة بجد مساعدتم ليا اليومين دول وادعولي:'(




والف مليون مبروك ياشهر زاد علي كتب الكتاب ياقمرF:F:

وعقبال الفرح ان شاء الله

ومبروك لكل البناتيت اللي كتب كتابهم وفرحهم الشهر ده واللي بعده

ربنا يسعدكم ياربF:

مكرووونة;10674055:
تساؤل يدور فى ذهنى و بيلف من اثر الامتحان اللى عندى بكره :(
هو احنا نجيب ايه نسلق فيه البيض

ممكن تجيبى اى حاجه الومنيوم رخيصه شويه تستعمليها للسلق ولو هتجيبى لبانه تيفال تستعمل برضه للسلق بس نصيحه ما تسلوقيش فى حللك الالومنيوم عشان طبعا زى مانتى عارفه بيسود الالومنيوم

ريومه علش ممكن تقوليلى فرد CHI دا القى فين او عملتى عند كوافير مين و بيتكلف كام تقريبا
سؤال تانى معلش تفتكروا يا بنات شياله الكحك اللى بتكون مطليه فضه احسن و لا الكريستال يعنى انهى عماليه اكتر من وجهت نظركم و سؤال كمان المفروض انى اجيب شياله الكحك و البونبونيره لو كريستال نفس النقشه و لا ممكن نقشه مختلفه عادى

شهرذاد2000;10670434:
اذيكم يا احلى بنات انا الحمدلله يابنات اتكتب كتابى بس مش اتجوزت:study: وجيت احكيلكم بقى:)
عايزة اقولكم اليوم الحمدلله جمييييييييل:lol:وكنت فرحانه والناس فالمسجد بيبركولى مش قادره ارد عليهم قلبى هيقف وقاعده اسمع بقى بابا وخطيبى وهموت وكنت فالمسجد وبعدين نزلت ونسيت انى همضى وان المأذون كان هيجيلى فوق بس انا نزلت وبعدين لقيت خطيبى والمأذون بيجروا ورايا بالدفترعشان امضى ولما المأذون جاب لى الدفتر فضلت امضى كان قلبى هيقف والله كل شويا اقوله كمان يقولى اه مش انتى عايزة ههههههههههههه ومضيت فى الشارع بس اليوم كان جميل عقبالكم كلكم احساس جميل والحمدلله

الففففففففف مبروك يا قمر الف الف مبروك عقبال كل بنات وبنين المسلمين يارب على كل خير

عايزه اسالكم حد جرب حقن الميزو ثيربى بتاعه تساقط الشعر؟