تجمع ورغي حوامل مصر لشهر ذي الحجة 1430 - كل عام وأنتم بخير يا حلوات

كلها اربع شهور واتم 24

kitty_kity;10814189:
ينفع اقول انا كمان ياجرينا؟؟؟؟
انا كملت 22 سنة من شهرين تقريبا

يا خلاصي يا كيتي منورانا، صغنتوتة.
انا 25 وداخلة في ال 26

دموع اشتياقي;10814193:
قوليلي يا ايمي الطريقه ارجووووووووووووكي

قطة اخر الليل;10814197:
ههههههههههه البت دي عسل والله وهتطلع عسوله جدا وشقيه كده ولمضه انا متاكده ان شاء الله
بان كيك اي كتكوتي ممكن تقوليلي ايه مواصفاته

:lol::lol:يا بنتي ما هي الطريقة اللي كانت في دلعي جوزك بالفطار ده، المهم هي كانت :
افصلي صفار بيضتين عن البياض واضربي الصفار الاول مع معلقتين سكر ورشة فانيليا وبعدين تضيفي عليهم بقي 1/3 كوباية دقيق وجبنة فيتا او نوع يكون طري وسهل كده، واخلطيهم ببعض كويس، وبعدين تكوني ضربتي البياض لوحده لحد ما زاد واتنفخ كده ضيفيه عليه بقي، وبس حطي سمنة او زيت في الطاسة ونزلي الخليط عليها ومش بتاخد وقت ، عارفة هي شكل البيض الاومليت كده، يعني لما تجمد وتحمر من ناحية اقلبيها علي الناحية التانية بردو وبس.

ممكن انتي بقي تغيري في المقادير لو عايزاها مسكرة اكتر مش عارفة، بس احنا جربنا حطينا عليها مربي في الاكل ومرة جبنة ومرة قشطة ومش فاكرة ايه تاني وكانت حلوة معاهم.

العمر كله يا ساره يارب

ماشي يا ايمي هجرب واقولك الاخبار

قطه ايون لازم كده الرجاله مابتجيش غير كده.. ياختى انا بعد ماكنت شغاله صيدلانيه الله ينور :D قعدنى فالبيت وخروجات مع صحابى مفيش .. طييييييييييب اشطه استحمل انت بقا.
هو شغال ظابط قوات مسلحه فاطول النهار بقا قاعدين الصيادله ملهمش لزمه .يعنى ياخويا الظباط هما اللى حررونا القدس :D
وكده هايجييييييييب منين وقت يخرج ويسيب المناكفه فيا لمين :D
دى حتى لما بيسافر اى حته لشغله كنت بروح معاه فكان بيرجع طبعا يقعد معايا بعد الظهر لتانى يوم . دلوقتى انا قاعده عند ماما فالمنصورة عشان الحمل وهو شغله فى كايرو بيروح وييجى عليا كل يوم.
هو لازم كده يتعبوا ويتهدوا علشان يحسوا بالمسئوليه :D

ببببببببببببخ

ميرسي ياكتكوته
ازيك ياقمر وازي نونتك

جرينا
للاسف غالبا مش هلحق السنة الجاية مع جوزي دي هههههههههههه
ممكن الي بعدها بقى
هو واخدني وانا بنت 17 هههههههههههههههههههه ومش هنتجوز الا وانا بنت ال24 سنة
يارب صبرني

بعد اذنكم بقا يا جماعه. جوزى زمانه جاى اقوم الحق اضرب اى حاجه فى خلقتى :d
هاييجى يلاقينى كده هايقعد يقولى بقا اانا جايلك ومسافر وسايق ده كله علشان الاقيكى قاعده عالنت..وانا مابحبش كده ... احنا نذل اه . نتذل لاء :D

اه صحيح حد يعرف حاجه عن hoba
ياريت يطمنى علشان انا من زمان مادخلتش ومشفتهاش النهارده

هى كويسه الحمد لله بتدخل كل فتره

السلام عليكم
ازيكم انتو عارفين اني اكتشفت الحمل من شهر بس لاني برضع المهم روحت الاول لدكتور جنبي قالت لي ان عمر الكيس 6 اسابيع و3 أيام وبعدها بيومين روحت لدكتور بتاعي ووراني الكيس وقالي بعد اسبوعين شفنا النبض بس ولما سألته انا كدا حامل في قد ايه قالي شهر و 10 أيام يعني 5 اسابيع وكام يوم ازاي وانا قبلها باسبوعين كنت 6 اسابيع اتلخبط الصراحه ورحت امبارح عملت سونار بس في مركز تاني طلع ان عمر البيبي 10 اسابيع وباين ماشاء الله كبير وكمان بيتحرك وسمعتني النبض مش عارفه اعمل ايه مستغربه من الدكتور بتاعي ازاي ميكشفش كويس ويشوف البيبي ده بس وراني النبض وكمان مقسش عمر الكيس قالي كدا من غير اي حساب اني شهر و10 ايام

حد يقولي اعمل ايه ؟؟ وياريت اللي يعرف دكتور او دكتورة شاطرين في اسكندرية وقريبه من سيدي بشر يقولي

http://forums.3roos.com/showthread.php?p=10814338#post10814338

يا بنات ماري مفروض ميعاد ولادتها بكرة بس هي مش بتدخل بقالها فترة غير كان خمسة كده وتخرج، ومحدش فينا تقريبا يعرف اذا كانت ولدت خلاص ولا هتولد في ميعادها ولا بعده، ربنا يطمنا عليها يا رب.

http://forums.3roos.com/showthread.php?p=10814514#post10814514

انزل هنا ازاي صوره من الكمبيوتر

السلام عليكم

مورو وكتكوته وكل الى هنا عاملين ايه وازى بيبيهاتكو

ازيك يا هوبا اخبارك ايه

ام ملك متقلقيش يا حبيبه البى السونار بيختلف من دكتور للتانى ع حسب نوع الجهاز نفسه انا برده فى الحمل ده اول دكتور رحتله شاف كيس الحمل وطمنى بعد كده قلت اتابع عند دكتوره قريبه من البيت ورحتلها ماشفتش الحمل من اساسه لدرجه ان انا عملتلها تحليل لهرمونات الحمل عشان تصدق وتتاكد والحمد لله خلى بالك انتى من نفسك ومن البيبى وخليها على الله يا قمرى

حبيب البى يا دموع الحمد لله انا كويسه بفضل الله ربنا يسعد ايامك ويقومك بالسلامه

قوليلي يا ايمان يا جميل