تجمع ورغي حوامل مصر لشهر ذي الحجة 1430 - كل عام وأنتم بخير يا حلوات

صباح الخير يا قطة
السلام عليكم ورحمة الله وبركاته

صباح النور يا قمر ازيك النهارده واخبار الضغط ايه معاكي واول ما تحسي بالضغط عالي خلي معاكي كركديه ناشف وحطيه تحت لسانك شوي وان شاء الله هتدعيلي

صباح الخير يا بنات، مالك يا دندن

دودي انا كتبتلك الطرق امبارح، استني احطهالك تاني.

دارين كانت بتولد امبارح محدش يعرف عنها حاجة.



انا بقي حلمت حلم غريب، اني لما رحت اعمل سونار تاني جديد بس كان تقريبا 3d بردو في الحلم، اولا البيبي كان واضح اوي وفاتح رجله خالص غير اي مرة بقي، والدكتور صدمنا وقالنا ولد، قلناله ازاي ده كان بنت، وقعد يقرب ويورينا ويأكدلنا وكده، المهم وبعدين كمان قاللي انتي محتاجة تعملي عملية بسرعة اليومين دول عشان من غيرها هايبقي فيها ضرر للبيبي، مش فاكرة هي كانت عبارة عن ايه بالظبط بس حاجة زي تقوية ليا يعني.

صينية الفراخ:

مفيش الاول بفرش في الصينية ورقة فويل كبيرة تكفي كل اللي هايتحط فيها عشان مفروض تبقي متقفلة كويس عليهم طول فترة التسوية، وبحط في ارضيتها زيت بسيط، وبعدين برص البطاطس المكعبات والبصل والطماطم تحت وممكن اتبلهم بالملح والفلفل بردو وبهارات وممكن لا لأنهم كده كده بياخدوا من الصوص اللي بينزل وبيتشربوا منه الطعم، بس امبارح خليت الطماطم علي الوش وبس مش تحت معاهم، وبعدين بتبل الفراخ علي الجلد وتحته، حطيت بقي ملح وفلفل وكمون وقرفة نونو وزعتر وليمونة وخل بسيط وايه كمان كل اللي نفسك فيه يعني وبعدين رصيتها فوق البطاطس جنب بعض في دايرة كده لازقين في بعض، وبعدين حطيت فوق الطماطم علي الوش وشوية بصل بردو ورشة زيت عليها كلها، وممكن تشوحوا الفراخ قبل ما تحطوها او تتبلوها وممكن تتحط نية زي ما هي كده، انا جربت دي ودي، وحسيت انها من غير تشويح كانت احلي او يمكن صدف بقي وكده كده الشواية بتظبط الدنيا في الاخر خالص، وبعدين بقفل عليهم الفويل كويس مخليش اي حتة مكشوفة، وادخلها الفرن ساعة مثلا او ساعة إلا، انتي طلعيها وافتحي كده شوفي استوت ولا لسه بس متفتحيش إلا متأخر عشان تكون قربت خلاص او خلصت وتستوي كويس بالبخار المكتوم ده، ولما تخلص اكشفي الورقة من فوق بقي وافتحي الشواية شوية هتحمر وتبقي حلوة اوي وفقط لا غير.

الكريم كراميل:

الكريم كراميل بقي، حطيت ربع كوباية سكر علي النار لوحدها من غير اضافات لغاية ما تسيح وتبقي كراميل لونه بني فاتح مش غامق، وبلحق اصبها في القالب بسرعة عشان لو استنيت شوية بتجمد بسرعة اوي وبتزلق، وبعدين ضربت في الخلاط 6 بيضات ورشة فانيليا وكوبايتين لبن وربع كوباية سكر بردو، وبعدين حطتهم فوق الكراميل، وبعد كده بحط القالب في صينية اكبر وبحط فيها مية، وادخلهم الفرن ساعة كده، ولما بطلعه اشوفه خلص ولا لان بغرس سكينة فيه ولو طلعت نضيفة يبقي تمام ولو طلع معاه سائل لسه يبقي بسيبه شوية كمان، وبعدين بسيبه يبره خالص وادخله التلاجة بقي، ولما اجي اطلعه واقلبه بحطه في حمام مية سخنة بردو وبعمل بالسكينة الحواف والجوانب كده من فوق عشان ينزل معايا بسهولة ويتظبط.

طيب حلمتي امتي قبل الفجر ولا بعد الفجر والولد كان باين اووي يعني ولا لا ولو بعد الفجر يبقي اطغاث احلام وسوري تفي علي شمالك ثلاث مرات وقولي اللهم لا ياتي بالخير الا انت ولا يمنع الشر الا انت انك علي كل شيء قدير

كتكوته جزاكى الله خيرا الوصفات تجنن
دندونه مالك فى ايه قلقتينى

صباح الخير
ايه يا عمنا الوصفات الجامدة دى تسلم ايديكى

صباح الفل

على فكرة يا ايمى انا حلمت حلم قرييييييييييييييب قوى من الحلم بتاعك و انا حامل و متخافيش جبت بنت

كتكوته الأحلام من الشهر السادس مقولكيش كوابيس ههههههه
كل يوم بصحى جوزى مفزوع او احيانا بتبقى احلام كده دوشه مش لازم كابوس بس أحداث كتير كانه فيلم
ده طبيعى عموما مع الحمل

فتافييت السكر;10784311:
ماشاء الله الاكل شكله روعه بس انا لما بعمل الرز المعمر بيكون ليه قشره كده من فوق

ما انا مفروض كان يعمل كده بس بقولك الفرن مكنش مساعدني لأني كنت حشراه ومكنش فيه نفس وكمان ملحقتش اعمل للقشطة حمام مية، بس هي كانت طرية وفكت بس مش سايحة فمعرفتش ادهنا كويس، حطيت حتت متساوية كده علي كل النواحي، وكمان كنا مستعجلين فطفيت عليه بس كان استوي خلاص.

قطة اخر الليل;10788699:
طيب حلمتي امتي قبل الفجر ولا بعد الفجر والولد كان باين اووي يعني ولا لا ولو بعد الفجر يبقي اطغاث احلام وسوري تفي علي شمالك ثلاث مرات وقولي اللهم لا ياتي بالخير الا انت ولا يمنع الشر الا انت انك علي كل شيء قدير

والله يا بنتي مش فاكرة بس تقريبا بعد بس مش متأكدة، وكان باين اه بس كنت عمالة اقاوح مع الدكتور واقوله بس الشكل غريب شوية يمكن بنت بس متضخم ولما يكتمل النمو يبان وكده ويتظبط.

أجمل ايام العمر;10788716:
صباح الفل

على فكرة يا ايمى انا حلمت حلم قرييييييييييييييب قوى من الحلم بتاعك و انا حامل و متخافيش جبت بنت

صباح الورد والياسمين علي فكره الحلم بالولد ملوش دعوه هتجيبي بنت ولا لا اصلا الحلم بالولد اوقات بيبقي نكد لا قدر الله او زعل يعني ربنا ما يجب حاجه وحشه

وربنا يباركلك في لولي يارب االلي مسهراكي

انا هرجع بيتى بكرة ان شاء الله هتوحششوووونى

اعااااااااااااااااااااااااااااااااااااااااااااااا

اتسرقت امبارح في الشركة تخيلوا هموت من القهرة حسبي الله و نعم الوكيل

miko85;10784536:
اصلي علشان اخويا ياميرو وجوزي وزهق ال هنا
وكمان سمعت عن التلفيزيون ان الختان بياثر علي البنات

يا بنتي هو انتي مالك باللي سمعتيه هتختلف من واحدة للتانية ده اولا، وكمان يعني انتي بنفسك اهو تقدري تحكمي هو بالكلام اللي يتقال وخلاص، مش انتي في الوضع نفسه يبقي خلاص، جوزك اشتكي ولا انتي حاسة بحاجة، مادام مفيش يبقي تضايقي نفسك ليه كل ده علي الفاضي.

كوباية مايه;10784554:
ميرسى يا قمره جدااااااااا هو اصلا مش ليا دا لاخت جوزى يا بنتى

ما انا جمعت كده في الاخر :D:D

DodyCat;10788708:
كتكوته جزاكى الله خيرا الوصفات تجنن
دندونه مالك فى ايه قلقتينى

Eng. BoB;10788709:
صباح الخير
ايه يا عمنا الوصفات الجامدة دى تسلم ايديكى

ميرسي يا بنات يارب تعجبكم بقي لما تعملوها كمان.

أجمل ايام العمر;10788716:
صباح الفل

على فكرة يا ايمى انا حلمت حلم قرييييييييييييييب قوى من الحلم بتاعك و انا حامل و متخافيش جبت بنت

يارب يا دودو عشان قمت متضايقة ومستغربة اوي من الحلم.

dandona we bas;10788738:
اتسرقت امبارح في الشركة تخيلوا هموت من القهرة حسبي الله و نعم الوكيل

ازاي يا دودو بس حد من زمايلك يعني ولا من العمال ولا ايه واتسرقتي فلوس؟؟

dandona we bas;10788738:
اتسرقت امبارح في الشركة تخيلوا هموت من القهرة حسبي الله و نعم الوكيل

بعد الشر عليكي من القهره وسكتلم مقلتيش ليه واخدتي حقك وازاي تتسرقي ازااااااااااي مشوفتيش الهنود اللي عندك ليه والناس اللي عندك في المكتب ده حقكك :mad:

كوباية مايه;10773828:
ايه يا هدى معقول لسه كل دا بتغيرى على الجرح؟؟؟ انا لما كنت شايله الكيس بتاع الرحم دا وكنت فاتحه زى القيصرى بالظبط بس على اصغر سنه صغنونه هو اسبوعين والدكتور قالى سيبيه للهوا بقى وادانى كريم كدا بس عشان ميشدش فى البرد وكانت خياطه عاااااااااااا

اصل الجرح بعد ما طان كويس التهب و شد عليا تانى الحمد لله على كل حال :)

قطة اخر الليل;10788730:
صباح الورد والياسمين علي فكره الحلم بالولد ملوش دعوه هتجيبي بنت ولا لا اصلا الحلم بالولد اوقات بيبقي نكد لا قدر الله او زعل يعني ربنا ما يجب حاجه وحشه

وربنا يباركلك في لولي يارب االلي مسهراكي

فعلا هو كان نكد نكد نكد و لازال الحمد لله

اهم حاجة على رايك ربنا يباركلى فى لولى اللى مسهرانى و مجننانى :)

dandona we bas;10788738:
اتسرقت امبارح في الشركة تخيلوا هموت من القهرة حسبي الله و نعم الوكيل

معللش يا دينا قووولى الحمد لله محدش عارف الخير فين

ربنا يعوض عليكى يا حبيبتى

دودو عامله ايه يا قمر ولولى

احنا الحمد لله يا دودى و لولى على ايدى اهى بتسلم عليكى