تجمع ورغي حوامل مصر لشهر ذي الحجة 1430 - كل عام وأنتم بخير يا حلوات

هوبا حبيبى ازيك وازى ندى والنونو القمر

loveway;10772681:
وعليكم السلام ازيك يا كاتو وازيك يا ام منه

عاملين ايه

ازيك ياكتكوته تعبتي من وقفه اييه؟؟؟؟

قطة اخر الليل;10772686:
كتكوته يا قلبي تعبتي ما قلتلك معلش ربنا معاكي اقعدي او ريحي شويه وارجعي تاني

loveway;10772692:
هي كتكوته بتعمل ايه واقفه لية ؟؟؟؟؟؟؟؟؟؟ اقعدي طيب

:badly::badly::badly:
عشان العزومة بعمل الاكل وبجهزه، والصينية اللي حاطة فيها قالب الكريم كراميل تقيلة بالمية وزهقت وانا بدخلها وبطلعها وكمان الحر بتاع الفرن، وعصجت اللحمة خلاص بتاعة الجلاش، وعمالة برص طبقات الجلاش نفسه بقي ودوخت منالوقفة وانا بعمله وجيت اهو عشان اكلمكم شويةو واريح.

مالكو بقا وانا اللي جيت هنا قلت افوق معاكوا انا والله من امبارح متخانقه معاه برضوه عشان الخروج بالله عليكو روقوا بقا وقولولي ها اخر مره سرحتوا شعركوا امتي وحطيتو ميكب كده وكنتو موزز

ماشاء الله يابسبس انتي هتقري علي نفسك الله اكبر خلي البيبي ياكل متجوعهوش

ربنا يقومك بالسلامة يارب وتشوفيه علي خير يارب


اه صحيح العزومه انهارده ربنا يقويكي يابنتي عملتلهم اكل ايه ؟؟؟

ميرو متتخانقيش مع حد استهدى بالله كدا وقومى اقفى فى البلكونه شويه وخلاص وبكره ابقى اتمشى او قوليله تعالى نستغل ان العربيه بتتصلح وتعالى نتمشى انا وانت على رجلينا كدا اهو منها عشان الولاده ومنها عشان احس انك جمبى وادلعى عليه شويه كدا وخليكى اموره

الف هنا يا بسبس ومالو يا حبى لما تاكل خلى بالك من نفسك ومن البيبى ربنا يكملك ع خير يارب

قطة اخر الليل;10772711:
كتكوته واقفه يا قلبي عشان عندها عزومه ربنا معاها هي اللي جابته لنفسها ربنا يعينها يارب

المشكلة كمان اني نفسي انام اوي، وجوزي كمان يا عيني هيموت وينام في الشغل عشان نمنا متاخر، كنا بنروق الشقةوبنضف، وللأسف جينا متأخرين غصب عننا، ورحنا جبنا الطلبات اللي ناقصاني عشان الاكل.

صحيح يا دودي انا مطلعة القشطة تفك من الساعة 11 مثلا ولغاية دلوقتي زي ما هي تقريبا، اعمل ايه بقي.

ليه انتي منكوشه علطول هههههههههههههههههههههههههههههههههه

معلش يابنتي

\\ربنا معاكي يا كتكوته هما جيبنلك الساعه كام؟

قطة اخر الليل;10772678:
كيكه باليووسفي دي يا دودي ولا ايه ايه رايكوا انا شوفت في موقع تاني سمبوسه محشيه وفوقها شوكلاته ايه رايكو ممكن تكون حلوه

أه يا قمر دى كيكة يوسفى

هتعملي ايه بالقشطة؟؟؟؟؟؟؟؟؟؟؟؟؟؟؟؟؟؟؟


يابسبس زهقت من القعده بجد يابنتي والله

انا طلعت فى دماغى امبارح وعملت ميكب روزات كده بس طلع حلو الحمد لله وكمان جربت تسريحه كده فى شعرى طلعت حلوه برده الحمد لله المهم العمليه قلبت معانا بشرب شاى هههههههههههههههههههههه

قطة اخر الليل;10772724:
مالكو بقا وانا اللي جيت هنا قلت افوق معاكوا انا والله من امبارح متخانقه معاه برضوه عشان الخروج بالله عليكو روقوا بقا وقولولي ها اخر مره سرحتوا شعركوا امتي وحطيتو ميكب كده وكنتو موزز

في الخروج وبس لكن البيت نووو، بس مرة كنا متخانقين ومكنتش طيقاه من فترة كده، فقمت بقي مسيبة شعري وعاملة فورمة سيمبل خالص وبس عشان اغيظه، فدخل عليا وعجبته اوي وقاللي ايه ده اشمعني وحلوة اوي وكده وانا عملت نفسي تقييييييلة جدا في ردي :lol::lol::lol:

loveway;10772725:
ماشاء الله يابسبس انتي هتقري علي نفسك الله اكبر خلي البيبي ياكل متجوعهوش

ربنا يقومك بالسلامة يارب وتشوفيه علي خير يارب


اه صحيح العزومه انهارده ربنا يقويكي يابنتي عملتلهم اكل ايه ؟؟؟

رز معمر وصينية بطاطس وجلاش باللحمة والجبنة والزيتون وصينية فراخ بالبطاطس في الفرن وبطاطس محمرة وسلطة خضراء وممكن تومية وكفتةلحمة.

loveway;10772715:
طيب يعني مخلصه حالك ياست بسبس علشان كده قاعده وهتقومي تعملي شوربه دلوقتي ليه هو جوزك بيرجع امتي؟؟

هههههههههههههه والله ولا مخلصه حالى ولا حاجه انا اصلى بصحى الصبح كل يوم اعمل شاى باللبن وبعدين اجيب ورقه وقلم واكتب كل اللى المفروض اعمله انهارده وبعدين اقوم بقى اعمل كل ما اخلص حاجه اشطب عليها فا بحس انى بنجز اوى وبحس انى بعمل حاجه فى البيت وبتشجع انى اكمل وكدا

وهو البيت مش بياخد غير نص ساعه والفراخ البانيه يا دوب غسلتها وتبلتها وسيباها منقوعه وبس


المكرونه بقى هعملها كمان شويه عشان متبقاش منظرها بايت لما يجى ياكلها وهو بيجى على 5 كدا انهارده او 6

هدهد حبيب البى ازيك يا قمر يالى مش عبرتنى وازى البيبى يارب تكونو بالف خير يارب بوسيهالى بوسه كبييره اوى

هاقوم خمسه كده اكمل الغدا وافطر العيال واجلكم ان شاء الله

CuTie KaTkOoTa;10772754:
في الخروج وبس لكن البيت نووو، بس مرة كنا متخانقين ومكنتش طيقاه من فترة كده، فقمت بقي مسيبة شعري وعاملة فورمة سيمبل خالص وبس عشان اغيظه، فدخل عليا وعجبته اوي وقاللي ايه ده اشمعني وحلوة اوي وكده وانا عملت نفسي تقييييييلة جدا في ردي :lol::lol::lol:



رز معمر وصينية بطاطس وجلاش باللحمة والجبنة والزيتون وصينية فراخ بالبطاطس في الفرن وبطاطس محمرة وسلطة خضراء وممكن تومية وكفتةلحمة.

ايه بوفيه البطاطس دا كله يا بنتى سيبك بلاش بطاطس محمره ملهاش لزمه وصينيه بطاطس وصينيه فراخ بالبطاطس ليه؟؟؟ معندكيش خضار غيره يا بت سهلى على نفسك شويه

loveway;10772732:
ليه انتي منكوشه علطول هههههههههههههههههههههههههههههههههه

معلش يابنتي

\\ربنا معاكي يا كتكوته هما جيبنلك الساعه كام؟

هههههههههههههههههههههه :thumbs_up: طبعا يا بنتي انا انسانه مش فاضيه هههه

loveway;10772732:
ليه انتي منكوشه علطول هههههههههههههههههههههههههههههههههه

معلش يابنتي

\\ربنا معاكي يا كتكوته هما جيبنلك الساعه كام؟

loveway;10772750:
هتعملي ايه بالقشطة؟؟؟؟؟؟؟؟؟؟؟؟؟؟؟؟؟؟؟


يابسبس زهقت من القعده بجد يابنتي والله

كل حد فيهم هايجي لوحده، بدل ما يستنوا بعض ويأخروا بعض، حماتي هاتطلع من الشغل عليا من بره بره، واخواته بقي كل واحدة هتخلص شغلها او كليتها وتيجي علي هنا وهو بيجي علي 6 او 6 وشوية.

القشطة للزر المعمر.

كوباية مايه;10772773:
ايه بوفيه البطاطس دا كله يا بنتى سيبك بلاش بطاطس محمره ملهاش لزمه وصينيه بطاطس وصينيه فراخ بالبطاطس ليه؟؟؟ معندكيش خضار غيره يا بت سهلى على نفسك شويه

:lol::lol::lol::lol: كنت مستنية التعليق ده عشان كده قصدت اكتب بالتفصيل :lol::lol::lol:
لا هلغي البطاطي المحمرة اه ممكن فعلا ملهاش لزمة.
بس اصل كلنا بنحب البطاطس بكل انواعها زي الاطفال.
وعشان لو حد مش بيحب صينية البطاطس اوس ياكلها بطريقة تانية، وكمان البطاطس اللي تحت الفراخ دي مش بتبقي كتيرة يعني ومجرد بتدي طعم وتاخد من الصوص بتاعها، لكن الاساس الصينية اللي بالصلصة.