تجمع ورغي حوامل مصر لشهر ذي الحجة 1430 - كل عام وأنتم بخير يا حلوات

DodyCat;10764756:
لما أروح أشوفلك أسمه بس انا ناوية أكملهم 6 او 8

اوكي يا دودي، انوس بردو قالت هتجيب تاني منهم.
قوليلي انتوا رحتوا لأنهي دكتور فيهم في الاخر.

شوفي اكتر اكل هما بيحبوه اية ؟؟؟


ممكن تحشيلهم فراخ صغيره كل واحد فرخة ولا مبيحبوهاش؟؟؟؟؟؟؟ او حمام

CuTie KaTkOoTa;10764716:
كنت مع واحدة صاحبتي امبارح هي حامل في التاسع الحمدلله ، هتولد في اخر الشهر ده ، المهم الدكتور اكد عليها انه من اول الشهر السابع ممنوع تاخد اي ادوية للبرد او غيره مش زي الشهور الاولانية كان ممكن ناخد بنادول مثلا او حاجات خفيفة كده تنفع للحمل، لا دلوقتي مينفعش خالص فعشان كده تبعد عن اي حد عيان وتاخد بالها كويس اوي عشان المشيمة دلوقتي بتبقي واسعة عن الاول والفلتر بتاعها بيبقي اقل فاي حاجة بتتاخد بتبقي مؤثرة بشكل كبير عن الفترة الاولي، وقالها لو جالك برد لا قدر الله في التاسع هولدك فورا :|:|

انا باخد بنادول بس بيجيلى صداع بشع برقبتى وكتافى
وقست الضغط دلوقتى فى الشغل الدكتورة قالتلى 130/80 وقالتلى لو طبيعة ضغطك واطى يبقى هو كده عالى وقالتلى اتابع مع دكتورة النسا الزلال واى ورم فى ايدى او رجلى

انا رجلي وارمه جدااااااا ومعنديش زلال الحمد لله يبقي ده من ايه

وشريان رجلي بتوجعني من كتر الورم

ده ايه من تقل البيبي ولا اية؟

loveway;10764775:
شوفي اكتر اكل هما بيحبوه اية ؟؟؟


ممكن تحشيلهم فراخ صغيره كل واحد فرخة ولا مبيحبوهاش؟؟؟؟؟؟؟ او حمام

تسلمي يا ميرو، لا بيحبوها بس طنط بتعملها عالطول وانا عايزة اتميز عليها :lol::lol:
اه نسيت اقولكم صحيح وقلتله كمان ممكن اعمل صينية فراخ في الفرن اللي بيبقي معاها خضار دي هو بيحبها اوي بردو وبيحب الصوص اللي بينزل منها في السوا.

DodyCat;10764779:
انا باخد بنادول بس بيجيلى صداع بشع برقبتى وكتافى
وقست الضغط دلوقتى فى الشغل الدكتورة قالتلى 130/80 وقالتلى لو طبيعة ضغطك واطى يبقى هو كده عالى وقالتلى اتابع مع دكتورة النسا الزلال واى ورم فى ايدى او رجلى

ربنا يخفف عنك يا دودي يارب.

CuTie KaTkOoTa;10764765:
اوكي يا دودي، انوس بردو قالت هتجيب تاني منهم.
قوليلي انتوا رحتوا لأنهي دكتور فيهم في الاخر.

د. حازم اللى من غير حجز ده الدكتور يعينى أتخض من شكلى وتقريبا كان بيطمنى انا مش جوزى وبيوجهلى انا الكلاه :D

نسيت اقولكم صاحبة صاحبتي زادت في حملها 25 كيلووووووووووووو بس الحمدلله نزلتهم بعد الحمل من المجهود ومش فاكرة ايه تاني:confused::confused:

loveway;10764788:
انا رجلي وارمه جدااااااا ومعنديش زلال الحمد لله يبقي ده من ايه

وشريان رجلي بتوجعني من كتر الورم

ده ايه من تقل البيبي ولا اية؟

البيبى ضاغط على الشراين بس بردو كلمى الدكتور

خلاص اعمليها ياحبيبتي طالما هو بيحب الحاجات دي

والحلو اعملي كيكه ارز باللبن كريم كرميل كده يعني

بسبس هنا ولا عفريتها

هي مش بتتكلم ليه البت دي

بسبس يابسبس

DodyCat;10764800:
د. حازم اللى من غير حجز ده الدكتور يعينى أتخض من شكلى وتقريبا كان بيطمنى انا مش جوزى وبيوجهلى انا الكلاه :D

:lol::lol::lol: انا بردو رحتله مع مامتي مرتين بس مكنش باين عليا اوي، بس هو طيوب كده ومريح ومرح وهادي وبيكلمك بالراحة وياخد وقت كويس اوي معاكي صح، وبردو لما بيتكلم بيبقي ذوق اوي وبيكلم الاطراف اللي موجودة كلها ، بيدي اللي بيكشف حقه يعني من الاخر، ايه رأيك في العيادة، هي فيها دكتور تاني بردو بس نفسي اعرف بتاع ايه من المرة اللي فاتت اصله كان لابس شيك اوي وبدلة وبتاع وحاطط برفيوم تحفففففففففففففففة، خرج من اوضته ثواني الريحة فحفحت في العيادة كلها :lol::lol::lol:

ولله يا بسبس معرفش اول واحد كان صوته عالى كده وبيخض وكتبلي على برشام جيت اقرا النشرة الداخليه لقيت مكتوب فيها مش مستحب يتاخد اول 3 شهور وانا كنت في الشهر الاول :confused: وبعد كده رحت لواحد تانى خالتى قالت عليه بس جوز عمتى دكتور ومشكرش فيه وكزا حد يقولى طب اشمعنا ده وانا فعلا مكنتش مرتاحاله وكل ما اساله على حاجة يتريق عليه وكان كاتبلي حديد من الاول بردو والفوليك اسيد بنسبه كبيرة اوى كنت باخد ف اليوم 9 ملليجم وكل ما اقوله كده كتير يقولى انتى عايزة النونو يطلع غبي زى حسنى مباارك :-# اوعو يابنات يكون في هنا حد امن دوله :D المهم اصلا انا اعرف ان حمض الفوليك مالوش علاقه بالزكاء هو بس بيقلل نسبة تشوهات الجنين لاقدر الله المهم كمان والسونار بتاعه الشاشه في ضهري ومش بشوف النونو وماما نظرها ضعيف ومبتشوفش حاجة هى كمان , المهم جوز عمتى الدكتور وفيه دكتور صيدلي جنب بيتنا قاللنا على ده اللى انا معاه دلوقتى ولسه رايحاله من اسبوعين وهروحله الخميس الجاى تانى وربنا يستر واكمل ممعاه بقى عشان انا زهقت :mad::mad: معلش رغييت كتير

loveway;10764809:
خلاص اعمليها ياحبيبتي طالما هو بيحب الحاجات دي

والحلو اعملي كيكه ارز باللبن كريم كرميل كده يعني

صح ممكن كريم كراميل وحشني، شطورة يا ميرو

كتكوته يا بنتي متتعبيش نفسك دلوقتي اعملي حاجات خفيفه وريحي نفسك انتي كده في السابع صح خلي بالك من البت بل اكل بلا بتاع ولا اقولك عشان خاطر ابو جودي اعملي فراخ في الفرن بتبقي توحفه انتي بتعمليها ازاي مع خضار فهميني منكم نستفيد والحلو افتكسي من هنا حاجه لذيذه وسهله في حاجات لذيذه نا في المنتدي وجديده

كتكوته ممكن تعملى صينية فراخ بالطماطم والبصل بتبقى روعه
بتجيبى بصل مبشور او مضورب فى الكبه خشن وطماطم مبشورة او مضروبة خشن وتوابل فراخ وكلح وفلفل أسود وسيبيها متبله شوية وبعدين حطيها على
النار من فوق تغلى مره وبعدين دخليها الفرن

ازيك يا ميرو عامله ايه يا بطه ايه اخبارك واخبار الولاده ايه؟

دودى والله جوزى جننى فى الاكل فعلا كل شويه اكل عيانين

كتكوته بصى يا ستى انا بحب العزومات دى تترتب بانتظام عشان تعرفى هتعملى ايه بصى مبدئيا ممكن تعملى جلاش باللحمه المفرومه او رقاق باللحمه المفرومه

وبعدين يا ستى ندخل على الطبق الرئيسى ممكن تجيبى فرخه كبيره امهات وتسلقيها وتحمريه فى الفرن وتحطيها فى وسط السفره بتبقى مدياه هيبه كدا كأنها ديك رومى

ممكن تعملى اى نوع محشى سهل واسها حاجه فى رأيى هى الكرنب او الكوسه وفلفل وبتنجان بس لاش ورق عنب عشان قطم وسط

لو مش عايزه تعملى محشى ممكن تعملى مكرونه بالبشاميل او نجرسكو بتبقى لطيفه خالص

لو مش عايزه تعملى ولا رز ولا مكرونه ممكن تعملى فريك وانا لو عايزه تعمليه ممكن اقولك طريقه تحففففففففففه هتخليهم يتهبلوا عليه بجد انا بعمله رووووووووووووووووووووعه

ممكن تعملى بقى بوفتيك كمان عشان تبقى عملتى فراخ ولحمه او ممكن تعملى صينيه لحمه فى الفرن ومعاها فراخ بانيه واى صنف نشويات من اللى قولتهوملك فوق

السلطات بقى سلطه خضرا ومخلل

الحلو بقى خليه خفافى واعملى جلاش بالمكسرات او فاضى بالعسل بيبقى رووووووووووعه ومعاه بيبسى وبس

CuTie KaTkOoTa;10764820:
:lol::lol::lol: انا بردو رحتله مع مامتي مرتين بس مكنش باين عليا اوي، بس هو طيوب كده ومريح ومرح وهادي وبيكلمك بالراحة وياخد وقت كويس اوي معاكي صح، وبردو لما بيتكلم بيبقي ذوق اوي وبيكلم الاطراف اللي موجودة كلها ، بيدي اللي بيكشف حقه يعني من الاخر، ايه رأيك في العيادة، هي فيها دكتور تاني بردو بس نفسي اعرف بتاع ايه من المرة اللي فاتت اصله كان لابس شيك اوي وبدلة وبتاع وحاطط برفيوم تحفففففففففففففففة، خرج من اوضته ثواني الريحة فحفحت في العيادة كلها :lol::lol::lol:

صح هو ماشاء الله مريح وباين عليه شاطر
والعياده يا ستى شيك قوى واتهبلت على الحمام لدرجة قررنا انا وجوزى نعمل حمامنا زيه:D

انا مش عارف اعمل اكل ايه

بسلق دلوقتي لحمه اللي هي الريش قولت اسلقها نص سليقه وبعدين اعملها صنيه بالبصل
ولا اعملها اازاي واعمل معاها ايه حد يقولي؟؟؟؟؟؟؟

بنت من الزمن ده;10764823:
ولله يا بسبس معرفش اول واحد كان صوته عالى كده وبيخض وكتبلي على برشام جيت اقرا النشرة الداخليه لقيت مكتوب فيها مش مستحب يتاخد اول 3 شهور وانا كنت في الشهر الاول :confused: وبعد كده رحت لواحد تانى خالتى قالت عليه بس جوز عمتى دكتور ومشكرش فيه وكزا حد يقولى طب اشمعنا ده وانا فعلا مكنتش مرتاحاله وكل ما اساله على حاجة يتريق عليه وكان كاتبلي حديد من الاول بردو والفوليك اسيد بنسبه كبيرة اوى كنت باخد ف اليوم 9 ملليجم وكل ما اقوله كده كتير يقولى انتى عايزة النونو يطلع غبي زى حسنى مباارك :-# اوعو يابنات يكون في هنا حد امن دوله :D المهم اصلا انا اعرف ان حمض الفوليك مالوش علاقه بالزكاء هو بس بيقلل نسبة تشوهات الجنين لاقدر الله المهم كمان والسونار بتاعه الشاشه في ضهري ومش بشوف النونو وماما نظرها ضعيف ومبتشوفش حاجة هى كمان , المهم جوز عمتى الدكتور وفيه دكتور صيدلي جنب بيتنا قاللنا على ده اللى انا معاه دلوقتى ولسه رايحاله من اسبوعين وهروحله الخميس الجاى تانى وربنا يستر واكمل ممعاه بقى عشان انا زهقت :mad::mad: معلش رغييت كتير

ههههههههههههههه ايه الدكاتره الغلسه دي طيب انا ممكن اقولك علي اتنين بحبهم ااوي بس للاسف انا بتابع مع واحد منهم بس عسل اوي وكنت حكيت حكايتي مع اللي بتابع معاه هو طيب ودايما مبتسم وبصراحه لذيذ اول الحمل بقا يقولي علي الاعراض كل ما اقوله اه فعلا بيحصلي كده يقولي شوفتي انا عارف ازاي اصلي كنت حامل قبل كده بس انتي ساكنه فين عشان هما هنا الاتنين في الحلميه

عندى مكرونه اسباجتى من أمبارح أعمل جنبها ايه
وزهقت من اللحمه والطبيخ ومعنديش مفروم خلص

كتكوته الحلو أعملى رز بلبن بالأيس كريم وبعد ما تغرفيه فى الأوركبال حطيه تحت شواية الفرن عشان الوش يتحمر بيبقى روعه انا حمايا أتجنن عليه وجوزى عايزنى أعمله كل يوم