تجمع ورغي حوامل مصر لشهر ذي الحجة 1430 - كل عام وأنتم بخير يا حلوات

السلام عليكم ورحمة الله وبركاته..

شحالكن خواتي؟عساكن بخير..

يمكن أطول عليكن فالرمسه استحملوني شو أسوي مقهوره ومالي حد أشكيله غيركن يمكن حقي اتنازلت عنه قانونيا بس رب العالمين مب غافل عني ويمكن اذا طلعت اللي فخاطري أرتاح..
أنا طيحت توام فالشهر الخامس كنت أتريا اسبوع بس وبدخل السادس بخطأ طبي حسبي الله ونعم الوكيل..
كنت أحس بويع فظهري وفبطني مثل العرج ينقزلي بس كانت الوالده اتقولي يمكن غازات ولا شي وانتي حامل بتوم ولازم تحسين بثجل..يومين أحس بالويع بس كنت أدهن عمري بزيت زيتون ولا شي يخفف عليه..وعقب ماشفت ان الويع ماقمت أستحمله سرت (مستشفى الوصل)طوارئ كانت الساعه ثمان ونص تقريبا المغرب..دخلوني ع دكتوره مواطنه ووياها دكتورتين عراقيه وهنديه..على طول يتني المواطنه وسوتلي سونار..راوتني نبض الجنين الأول وقالتلي جوفي ينبض بس الثاني أحسه مب طبيعي أنا قلت لها هيه أدري قالولي قبل ان الياهل الثاني مابيعيش بس ان شاء الله مابيكون فيه ضرر ع الياهل الثاني لأن الحمدالله صحته زينه..مسكت بطني قالتلي بطنج وايد يابس..قلت لها ادري وأنا صدق تعبانه من بطني بس قالولي الماي وايد وشي طبيعي يكون فالتوام جي الماي..قالت بكشف عليج من تحت أنا قلت لها مابغي وهي سارت تلبس قفازاتها وأنا نزلت ثيابي وكنت بنش بس ماخلتني قالت لازم أكشف قالت مايستوي لازم أشوف..وأنا كان أول حمل لي وماأعرف لهالسوالف قلت دكتوره وهي أدرى بشغلتها وخليتها وشوي وأشوف ماي فضيع ينزل أنا هني تخبلت ماعرف شو أسوي متت وحييت وهي خافت اتقولي ها بول اصبري بجيك يوم جيكت جان اتشوف انه ماي وأنا أصرخ والدم خيس عباتي وثيابي والسرير كله ماي ودم..وعلى طولت قالت لهم ودوها غرفت الولاده أنا أحس الدنيا اسودت فعيني خلوني فتره طويله طايحه ع الفراش بدمي والماي وساعه لين يحطون ابر المغذي والله العظيم مثل فار التجارب أربع مرات يغرزون فجسمي وماتضبط معاهم ومن غير الثلاث ابر اللي حطو فيها مال المغذي ويشفطون عني الله يعلم كم غرشة دم والقهر ان السستر ماسكه الغرش فايدها وانجبت الغرشه على الفراش وأنا أصيح من القهر أحس بويع والدم بالحسره يظهر عني وبعد ينجب عنهم ويشفطون..ودخلت غرفة العمليات وقدر الله ماشاء فعل وحسبي الله ونعم الوكيل فكل من لعوزني حسيت بكل لحظه فغرفة الولاده وخاصتا ان ابر البنج كانت بالهبل فوق الابرتين وبعد أحس بالويع..وربيت فالاول وطلعت روحي وبعد فتره بالثاني وعقب بعد يوم بيطلعون المشيمه جني حامل بثلاث توائم مب اثنين..حالت ريلي تحطمت وأنا حالتي أخس..صحيح ماخذت حقي قانونيا وماتكلمت بس الله كريم وبيرد حقي اذا لي حق..شو بقول حتى لو اتكلمت وقلت شي مابرجع بناتي اللي خسرتهن..ادعولي لو بصدوركن محتاجه دعواتكن..والحمدالله ضمنت طيرين فالجنه ايدخلونا أنا وابوهم ان شاء الله..