CuTie KaTkOoTa;10735969:
بصي اولا انا مش عندي قشطة فهدهنه سمنة من علي الوش وبس.
انا هعمل كوبيتين رز ان شاء الله وعليهم 3 كوبيات لبن إلا ربع او زي ما بتعملي الرز العادي بتاعك، فيه ناس بتعمل كوباية لبن وكوباية شوربة بتخلط الاتنين سوا، المهم لما تغسليه سبيه شوية كده ربع ساعة مثلا ولا حاجة في المية وبعدين صفيه ووقلبي معاه حتة سمنة صغنونة بردو او قشطة وحطيه في الطاجن بتاعك بعد ما تكوني دهنتيه سمنة ولو عايزة تحطي لحمة في وسطه او كبد وكلاوي اي حاجة، بس اللحمة تكون مسلوقة يعني تبقي طبقتين رز والحشو مش باين ، واغلي اللبن بقي وحطي عليه الملح والفلفل وبعدين ضيفيه عليه، وحطيه في الفرن وبعدين شوية لما اللبن يتشرب طلعيه وادهني وشه بالسمنة او القشطة بردو وسيبيه بقي لغاية ما يخلص سوا.
انا بعمله زيك بس انا بحط قشطه من جوه كمان بيكون تحفه