تجمع ورغي حوامل مصر لشهر ذي الحجة 1430 - كل عام وأنتم بخير يا حلوات

مورو سلامه حماكي ربنا يشفيه يارب
طيب سؤال هو ليه جي ياعد عندك ما يروح بيته؟

صوت العيون;10693654:
جوزى الصغير له اخ كبير وبعده بنتين

بصي يامورو انا عارفه اني كلامي انتي عارفاه لان باين عليكي بنت زوق
معلش هو راجل تعبان بكره يدعييلك وحماتك ده مهما غلست ماترديش لحد ماتمشي وامسكي عصابك
ولو قالتلك حاجه تنرفز قةلي في سرك استغر الله العظيم

ازيكوا يا احلى ماميهات وحشتونييييييييييييييي
انا جيييييييييييييييييييييت نورت البيت

والله بعمل كدا
بس هى بتقول كلام يفقع والله العظيم يفقععععععععععععععع
غير ان كل الناس كدا هتيجى تزوره عندى وبهدله بقا
وانا مفيش حيل اصلا
وحماتى دى لازم اقعد عنيا فى وسط راسى منها
ومعرفش ليه مرحش بيته صراحه
ولا حتى راح عند ابنه الكبير
حاجه صعبه والله
استغفر الله العظيم
حتى جوزى بيعملنى معامله زى الزفت بسبب تقويم امه طبعا عليا
وبتتحشر فى كل شئ ولو مردتش وسكت تعيد الكلام عشان ارد

مها ازيك يا قمر ومبروك الحمل ؟؟
مش انتي برده ال منزله صور لبس البييي على الفيس بوك

صوت العيون;10693543:
هو اصلا عنده القلب
وكان عنده زى نزيف داخلى وقعد تقريبا 10 ايام فى المستشفى وهيخرج بكره
وجاله فيرس سى
وهيخرج بكره ويجى عندى طيب مراته تيجى ليه معرفش
حاجه صعبه والله ربنا يستر يارب يارب يارب

اه على الاقل اخوه مراته مش حامل ولا حاجه
وكانت حماتى قاعده عند بنتها ايه بقا الى يجيبها عندى
مش عارفه
وهى لو بتريح نفسها وتبقى فى حلها لكنى مبحبهاش وربنا العالم
ربنا يستر
ولعلمك لو بيتمر كنت قلت اه لكن والله ابدااااااااا

انتو فييييييييييييييييييييييييييييييييييييييييييييييييييييييييييييين؟؟؟؟؟؟؟؟

الله يكون في عونك يا مورو احتسبي عند ربنا وحطي دايما في بالك انك بتساعدي حد مريض واحتسبي عند ربنا وربنا يكتبلك الاجر يااااااااارب
بس بلاش تردي علي حماتك عشان ربنا يكرمك ان شاء الله ويباركلك في نونتك يارب
وحطي في بالك حاجه هتهديكي
كل اناء ينضح بما فيه يعني انتي كويسه هتفضلي كوسه معاهم
هي وحشه سيبها هي كده ربنا يهديها وكل واحد علي ما اتربي

مورو الله يكون في عونك بس ان شاء الله كله في ميزان حسناتك بس مش تتكلمي واصبري

ايوه يا بسكووووووووووووته ازيك عامله ايه يا عروسه واخبااااااار الجواااااااز ايه هاااا فيييين الصور
؟؟؟

انتى حامل ولا ايه ؟

ما هو اصل لو جوزى يفهم كدا
لكن لا لو قلت يقولى انتى بتفهمى غلط
رغم انه كلام مباشر
فقلت يمكن لانى ساكته فبيداس عليا
وفكرنى ضعيفه مش عارفه والله

بس انا برده لغايه دلوقتي مش فاهمه هما ليه ميرحوش بيتهم
هما من محافظه تاني ولا ايه
ولا المستشفي مثلا قريبه منكم

ابدا المستشفى فى المنيل وبنتها ساكنه قريب من هناك
وانا فى حلوان وشقتهم فى حلوان تخيلى بقا هههههههههه
فمش عارفه

الله يكون فى عونك بقى يا مورو اعملى اللى تقدرى عليه ما يقدر على القدره الا ربنا وانتى حامل ولازم جوزك يقدر كده وانتى احترمى وجودهم وخلااص
الحمدلله انى بعيده لحسن انا مش ناقصه نفسى اصلالالالالالالا

يا بنتي جوزك مش هيقتنع بان مامته غلطانه مفيش راجل يفتكر كده بجد سيبك من تفكيره ومتقلوش حاجه خلي هي يشوف يعينه ومترديش وهو هيحس
او ردي مثلا كده بقمصه كده ومتقلولوش
ولا تفتحي الموضصوع معاه
هو حماكي هياعد اد ايه عندك

ربنا يستر ويمشوا علطول ان شاء الله معلش احتسبى المريض باباه ده

ما هو لو جوزى بيقدر وبيخاف عليا اقلك اه
لكن بيتعامل بجد معايا ولا كانى حامل ولا اى حاجه
عكس الخطوبه تماما
وحماتى نفسها بتعملنى بفترى
يعنى مره خرجنا وركبين العربيه وبنتها حامل
وهى قعده فى النص مبينا تجيب اى حاجه تحطها عندى وعلى رجليا ولا تحطهاش عند بنتها وبنتها تقلها هاتيها عندى واسع ولا الهوا
حسبى الله ونعم الوكيل

ههههه غريبه والله يعني حلوان بعيده عن المنيل
معلش ربنا يعدي الموضوع علي خير واهم حاجه انك تكبري

اصلا حسه لو بيتى اتخرب هيكون بسبب حماتى
لانها خنقه الجواز من الاول
فحسبى الله ونعم الوكيل فيها
يارب يارب يارب
عمتا لما مدخلش نت اديكوا عارفين السبب
هيقعد للعيد يا اما العيد مش عارفه
لما قلى اصلا اتصدمت فمركزتش