تجمع ورغي حوامل مصر لشهر ذي الحجة 1430 - كل عام وأنتم بخير يا حلوات

انا بعمل سويت وبكره عايزه اعمل ربنا يقويني

miramiro;10681485:
انا بخاف اعمل بالسيلكابيل
ياترى هى احسن و لا جيليت؟
انا بعمل بجيليت بس حاسه ان تحت الجلد فى نقط سودا

و بحس ان الشعر بيطلع بسرعه

حبيبه مادو
انتى بتعملى بسيلكابيل براس بتاعت المناطق الحساسه و لا حاجه تانيه؟

احسن حاجة و انضف حاجة السوييييييييييييييييت :thumbs_up:

ايوه يا ميرا بالراس الصغننه بتاعه المناطق الحساسه

حبيبه مادو;10681466:
عاوزه اعرف السويت غلط فى الحمل ولا ايه يعنى المنطقه بالسيلكابيل وكده ولا فى حاجه على الحمل؟؟؟؟؟؟؟؟؟؟

انا بعمل البيكينى لاين بالسيلك ابيل و المنطقة تحت شيفنج و باقى جسمى سويت عادى

CuTie KaTkOoTa;10681477:
بنات دلوقتي احنا اتغدينا حواووشي وكنت عاملة تومية وسلطة خضراء فيها بصل والحواووشي بحط عليه جبنة رومي كمان، فكان كله حوادق، المهم ونمنا بعدها ومحلتش، من ساعة ما قمت بقي وانا عطشانة جدا وريقي ناشف وطعم بقي مضايقني اوووووووي وحاسة بشعور رخم موووت، وعمالة اشرب كل شوية مش بتضيع نشفان الريق ده، واكلت رمان وطماطمتين صغنين مسكرين ومفيش فايدة طيب اعمل ايه بقي، اكل حاجة حلوة ولا اعمل ايه :'(:'(:'(:badly:

اشربى مياه مش غلط بالعكس مفيدة

أجمل ايام العمر;10681483:



انا كنت بعمل سويت عادى جدا طووووووووووووووووول الحمل


بس كان الدكتور قاللى بلاش سيلكابيل عشان الذبذبات بتاعة الكهربا ;)

يا راجل !!:confused::confused::confused:
ذبذبات الكهربا تعمل ايه دانا بعمل بيها البيكينى لاين:thumbs_down:

انا هنا مش عندى سويت بعمل بالسلكابيل هى فيها ضرر على البيبى لما اعمل من تحت بيها

أجمل ايام العمر;10681511:
كلى خيارتين ساقعين وراهم واحدة زبادى هتتظبطى ان شاء الله






انا اختلف معاكى فى الراى

لييييييييييييه...؟؟؟

لو انتى عملتى طول الحمل شيفينج هتيجى وقت الولادة و تبقى مضطرة تعملى سويت عشان الشعر يتاخر فى الظهور و متتبهدليش فى فترة النفاس عشان الدم

و هيكون صعب قوووووووى بعد 9 شهور شيفنج تعملى سويت عشان الشعر هيكون تقل و بقى كثيييييف

ممكن فعلا يا هدي خلاص نمشيها شهرين كده وشهرين كده :):)

miramiro;10681512:
كتكووووت
بالف هنا و شفا

بس ممكن اسال عملتى الحواوشى ازاى؟:o:o

الله يهنيكي يا مرمر، بصي هو مش حامي زي بتاع بره وكمان انا بزود حاجتين عن بتاع بره فيعتبر شبيه الحواووشي مش هو بالبط بس جوزي عاجبه جدا وكمان طعمه احلي، بصي يا ستي الاول بحط البصل يتحمر شوية في الزيت بس مش يدبل اوي يعني وبعدين احط عليه التوابل بتاعتي بهارات وقرفة وملح وفلفل واي حاجة عايزاها، وتقلبيهم شوية وتسيبهم وبعدين بقي تحطي اللحمة المفرومة عليهم وتقلبي وتسيبيها تستوي وقبل ما تستوي في النهاية كده بحاجة بسيطة، بحط عليها طماطم مقطعة صغير خالص، واقلبهم واسيبهم شوية مش كتير عشان الطماطم متتدبلش اوي، وبس اطفي وبعدين اكون محضرة العيش وفتحاه حتة صغيرة، واحشي بقي وبعدين بقطع جبنة رومي واحط علي الحشو جوا العيش، ولما اخلص ببل ايدي بشوية مية خفيفة خالص وامسح بيها علي الرغيف كده من وشه وضهره وبعدين احط عليه زيت خفيف بردة ادهنه به هو الصينية، واحطهم في الفرن شوية لما وشه يتحمر ويبقي زي ما انا عايزاه اقلبه علي الناحية التانية وبس كده.

Princess_miro;10681538:
انا بعمل البيكينى لاين بالسيلك ابيل و المنطقة تحت شيفنج و باقى جسمى سويت عادى


اشربى مياه مش غلط بالعكس مفيدة


يا راجل !!:confused::confused::confused:
ذبذبات الكهربا تعمل ايه دانا بعمل بيها البيكينى لاين:thumbs_down:

هو قاللى بلاش و بس :)

وعلي فكرة يا مرمر انا جربت عملت التومية اللي كانت قايلالك عليها ندي وطلعت حلوة اوي بس انا زودت كام نقطة ليمون عليهم وقللت الزبادي عشان كان فاضل علبة واحدة عندي اصلا :lol::lol::lol:

أجمل ايام العمر;10681566:
هو قاللى بلاش و بس :)

طيب يا دودو متنسيش تبقي تسأليلي الست بقي وتبعتيلي الرقم في اي وقت لما تفضي خالص ولولي تكبر شوية كده وانتي احوالك تروق انا مش مستعجلة، لسه قدامي 3 شهور بحالهم :lol::lol:

بتعملى التوميه والحواوشى ازاى يا كتكوووت

أجمل ايام العمر;10681528:
احسن حاجة و انضف حاجة السوييييييييييييييييت :thumbs_up:

اكيد طبعا يا هدى
بس للاسف السويت مش بتشيل الشعر الصغير اول ما يطلع
انتى بتعملى فيه ايه؟

حبيبه مادو;10681585:
بتعملى التوميه والحواوشى ازاى يا كتكوووت

الحواووشي كتبته فوق اهو والتومية ندي هي اللي كانت قايلة عليها وده كلامها اهو:

"التوميه بئا يا ستي تجيبي بطاطسايه صغننه تسلقيها
وفص توم وعلبه زبادي ونص ونقطتين زيت بسيط ورشه ملح خفيفه
وتضربي ده كلو في الخلاط هتطلع عندك سلطه توميه كده المه ممتكونش سايله تبئاا ماسكه نفسها وطخينه عشان كده متكتريش الزبادي"

وانا زودت علي كلامها شوية ليمون مش كتير خالص، كام نقطة كده.

CuTie KaTkOoTa;10681522:
:lol::lol::lol: لا والله يا هوبا لما باكل طماطم بعد الاكل برتاح بس يظهر اني اكلتها متأخرة كتير فمعملتش نتيجة :lol::lol: كله من جوزي كان مستعجل ينام وانا كمان كنت بصراحة بطني مليانة مقدرتش اكل حاجة مرطبة بعدها، والزبادي عندي خلصان دلوقتي كمان هو العصاير مفيش غير تانج وده مش بيساعدني اوي زي العصاير التانية، والشاي والنسكافيه ماليش فيهم خالص كان ايام المذاكرة وخلاص، وكمان دول ينشوفه اكتر ما هو ناشف :D:D

ادعولي طيب بقي يروح وخصوصا قبل النوم عشان لو فضلت كده بقعد اقلق كل شوية ومش ببقي مرتاحة وببقي عايزة اقوم اشرب وزوري مضايقني :'(:'(

بصى العطش ده احساس بييجى لما كمية الملح اللى فى الجسم تزيد و علاجها هو شرب الميا و متاكليش حوادق بقى
اشربى ميااااااا و دايما على الكومود جنبك ازازة مياه بجد انا بصحى اشرب و انام
عارفة فى الشهر التالت كان عندى مغص بردو و الدكتور قالى اشربى سوايل كتير و مش كنت بقدر علشان الغثيان بس جيت على نفسى و فعلا المغص راح كان نقص سوايل خلى بالك
و كده كده المياه مفيييييييييييييييدة لكل حاجة فى جسمك

يا بنات السلام عليكم

عاملين ايه
انا الحمد لله امبارح حللت وطلعت حامل الحمد لله

ادعوا لى يا بنات ربنا يثبتهولى المرة دى يارب لاحسن مرعوبة من الاجهاض اللى فات
وبكرة ان شاء هروح للدكتور
صحيح يا بنات هى اول زيارة للدكتور بيعمل فيها ايه؟

Princess_miro;10681600:
بصى العطش ده احساس بييجى لما كمية الملح اللى فى الجسم تزيد و علاجها هو شرب الميا و متاكليش حوادق بقى
اشربى ميااااااا و دايما على الكومود جنبك ازازة مياه بجد انا بصحى اشرب و انام
عارفة فى الشهر التالت كان عندى مغص بردو و الدكتور قالى اشربى سوايل كتير و مش كنت بقدر علشان الغثيان بس جيت على نفسى و فعلا المغص راح كان نقص سوايل خلى بالك
و كده كده المياه مفيييييييييييييييدة لكل حاجة فى جسمك

اه انا فعلا ساعات كتير بحط ازازة جنبي وانا نايمة بجد، عارفةانا صحابي اساسا مسميني ايه وخصوصا في الصيف لما بنكون بره، جمل :lol::lol: من كتر ما انا بشرب مية، كل شوية ابقي عاملة زي الطفلة الصغيرة، واقعد اصوصولهم واقولهم عايزة اشرب عايزة مية واقف اشتري بقي كل شوية واشرب كتير، وفي الاغلب كمان كنت باخد معايا ازازة في العربية :D

وبحب العصاير جدا بس خلصت، جوزي بقي مالوش فيها خالص بيقولي بحس اني في مستشفي ممكن يشرب انواع معينة وبقين كده وخلاص.

انا الدكتوره قلتلى الميه نصيحه منى ليكى من اول حملك لغايه ولادتك مهمه جددددا

دينا حمدى;10681616:
يا بنات السلام عليكم

عاملين ايه
انا الحمد لله امبارح حللت وطلعت حامل الحمد لله

ادعوا لى يا بنات ربنا يثبتهولى المرة دى يارب لاحسن مرعوبة من الاجهاض اللى فات
وبكرة ان شاء هروح للدكتور
صحيح يا بنات هى اول زيارة للدكتور بيعمل فيها ايه؟

الف مبروك يا جميلة ربنا يتمملك علي خير يارب للنهاية.

بصي انا بالنسبة لما رحت اول مرة ورتها التحليل وكده، سألتني شوية اسئلة كده عادية عن السكر والضغط والتوائم والحاجات دي ، وبعدين عملت سونار واتوزنت وقاستلي الضغط وكشفت عليا في السريع كده بالسماعة وايه كمان تقريبا بس، وادتني الفوليك اسيد طبعا وكتبتلي بردو علي دوا الغثيان والترجيع وقالتلي وقت اللزوم لو حسيتي بيهم، وكتبتلي علي شوية تحاليل اعملها.

دينا حمدى الف مبروووووووووووك الحمل يا قمر ربنا يثبتهولك الدكتوره اول مره مش هتعمل حاجه غير ممكن تقيس الضغط والوزن وهتديكى الفوليك اسيد تاخديه اول 3 شهور وممكن تديكى حاجه للغثيان او لو عندك مغص وبسسسسسسسس فى نص الشهر التانى هتعملى سونار بقى تطمئن على كيس ا لحمل ودقات قلب الجنين ان شاء الله وتحاليل كده

CuTie KaTkOoTa;10681584:
طيب يا دودو متنسيش تبقي تسأليلي الست بقي وتبعتيلي الرقم في اي وقت لما تفضي خالص ولولي تكبر شوية كده وانتي احوالك تروق انا مش مستعجلة، لسه قدامي 3 شهور بحالهم :lol::lol:

يارب افتكر و اكلمهالك الصبح ان شاء الله

miramiro;10681593:
اكيد طبعا يا هدى
بس للاسف السويت مش بتشيل الشعر الصغير اول ما يطلع
انتى بتعملى فيه ايه؟

بصى يا ستى بستنى لما يطول شوية و اشيله بالسويت انا فى اول الجواز قعدت جوزى و خيرته قللتله عندك خيارين:

1-: اشيل بالسويت و المكان يكون ناعم و الجلد ميغمقش و الشعر يطلع بعد مدة و ميتقلش بس العيب ان هنستنى شوية عشان اعرف اشيله تانى

او 2-: اشيل بالشيفنج اول باول و المكان يخشن و يسود و يبقى مقرررررررف

وهو اختار السويت :D

حبيبه مادو;10681627:
انا الدكتوره قلتلى الميه نصيحه منى ليكى من اول حملك لغايه ولادتك مهمه جددددا

فعلا الدكتورة بردو اكدت عليا ، عشان في مرة رحتلها من كام شهر، كانت نسبة المية عندي قليلة شوية بسيطة في التحليل، فقالتلي زودي عن كده وفي العصاير، بس بعد كده بقت تقولي كويس اوي الحمدلله والمية وحوالين البيبي كويسة بردو