رابطة امهات واطفال مصر لشهر ذى الحجة ..كل عام وانتم بخير بمناسبة عيد الاضحى

رغم ان سلمى لسه مكملتش 4شهور بس عصبيه جدا وبتقعد تعيط وتشد فى شعرها

وترمى نفسها من على حجرى ههه بتخلينى اصوت فى وشها والا بقى لما اغيرلها بتبقى حرب

والمشكله بعد ماازعق تقعد تضحك وتفتكرنى بلعبها اعاااااااااااا

ازيك انتى يا قمر
انا نهى وعندى حسن 3سنين ونص وسيف شهرين ونص

ههههههههه ربنا يباركلك فيها يارب
سيف كمان بيشد فشعره مش عارفة ايه العيال دى؟! مستعجلين على شد الشعر من دلوقتى

السلام عليكم ورحمة الله وبركاتة ازاى الامهات الموزز والعيال الاوزز

وعليكم السلام يا لولى

فيروز والبرج اليسر وام معاذ وعرووس جدبدة عاااملين اية

ماشاء الله يانهى ربنا يباركلك فيهم يارب

ازيك يالولى عامله ايه ياقمر

الحمد لله بخير

شوفتو اللى حصل فى السودان؟
بيضربوا المصريين حتى بعد ماخسرناوفى ناس كتير مصابين :(

انا الحمد لله يا عرووس

ربنا يخليكى يا عروس
ماشاء الله تبارك الله سلمى زى القمر وشكلها دمها خفيف ماشاء الله
شبهك ولا شبه باباها؟

أنا جيييييييييييييت
معاذ فضحني ازل ما جبت سيره النوم وقعد يعيط وماسك في اخويا واخويا عاوزينام
في الاخر اخدت معاذ بالعياط وضلمت الاوضة واخيرا الحمدلله نااااااااااااااااااااااام

لولي ازيك ايه اخبارك وسما عاملة ايه
اهلا يا نهى منورة انتي وحسن وسيف ربنا يخليهم لك يارب
عاملة ايه معاهم الولاد اشقية اوي
ربنا يهديهم يارب

اهلا بيكى يا قمر
عندك حق تربية الولاد صعبة موووت ربنا يعينا ويهديهم يارب
حسن مجننى وغيران جدا من سيف وكل شوية عايز يبوسه
بس بوس بعنف هههههه هايفطسه

هههههههههههههه
لسة ماتعودش عللا وجوده ولا ايه
اول ما ولدتي كان بيتعامل معاه ازاي بقى اصل كل الناس بتخوفني من الموضوع ده عشان عاوزة احمل يعني ومعاذ عنده سنة و8شهور بيقولو لي صغير
ده غير ان معاذ كمان لما بيشوف طفل بيضربه بس بيبقى فاكر انه كده بيلعب معاه مش قصده بمعنى الضرب يعني

حسن بردو فاكر ان الضرب ده لعب:)
بس الحمد لله مضربش سيف هو بس بيبوسه جامد لدرجة ان خد الولد بيحمر ههههههه
على فكرة ماما قالتلى ومن تجارب ناس كتير لما يكون الطفل صغير مش بيغير زى الكبير
وان شاء الله ربنا يكرمك بالحمل قريب ويهدى معاز
مش عارفة حرف الزال مش بيتكتب ليه؟

فعلا ماما برضو قالت لي كده لما ييجي طفل تاني والطفل الول صغير مش بيكون عنده غيره زي الطفل الكبير شوية
ربنا ييسر يارب ويرزق كل اللي بيتمنى ان شاء الله

هههههههههههه عادي حصلت معايا مرة برضو حرف الذال كان معلق بس عملت ريستارت للجهاز واتظبط على طول

ربنا ييسرلك الخير
وعلى فكرة لما يكون الفرق صغير بين الاخوات احسن
بيتربوا سوا وبيكونوا اصحاب

انتى ولدتى معاز قيصرى ولا طبيعى؟

لا ولدت طبيعي الحمدلله
وبقى لي ييجي سنة عاوزة احمل بس في الاول جوزي كان رافض ولما وافق وشلت اللوب لسة ماحصلش نصيب
ربنا ييسر يارب
ودي برضو وجهة نظري انهم يتربو مع بعض
لان معاذ بيزهقني جدا على طول زهقان ومش بيلاقي حد يلعب معاه خصوصا ان مافيش احفاد غيره عشان كده نفسي اجيب له نونو

يارب يكرمك بالحمل عاجلا غير اجل ويرزقك باللى تتمنبه
بقالك قد ايه شابة اللولب؟
يا حبيبى فعلا الولاد بيبقو عايزين اطفال من سنهم يلعبوا معاهم وينسونا شوية ههههههههه حاسة بيكى والله
ربنا يهديه يارب

اه والله يا نهى معاذ طول اليوم لازق في ديلي لما بيخنقني
ده غير اني عاملة زي الاراجوز طول اليوم وانا بلعب معاه
شوية بالدباديب بتاعته وشوية بالكورة ودي اكتر حاجة بيحب يلعب بيها وشوية نجري ورا بعض
طبعا ببقى مبسوطة انه بيلعب ومبسوط بس بزهق جدا وبهبط ببقى نفسي اقعد ارتاح شوية واول ما اقعد يبدا الزن والعياط ويفضل يزق فيا عشان اقوم العب معاه تاني
ربنا يكرم ان شاء الله بس الشهر ده مش باين لاني حاسة ان ايام التبويض هي اليومين دول وانا عند ماما هههههههههههه

انا بقى لي تقريبا اربع او خمس شهور شايلة اللوب