رابطة امهات واطفال مصر لشهر ذى الحجة ..كل عام وانتم بخير بمناسبة عيد الاضحى

حد هنا يابنات

ممكن اسال 3 اسئلة ملهمش علاقة ببعض بس محد ش يضحك عليا

يابنات مين المختفى

طب 1 ازاى نغتسل من الجماع انا بستحمى واشاهد بس فى سرى معلش محدش يضحك عليا انا بتخانق مع جوزى هو مش مقتنع كدة فياربت حد يقولى الصح 2 انا بصلى اوى واتقرب من ربنا اوى وبعدين ابعد اوى3 ازاى نجدد حب ازواجنا لينا او نرجه اللهفة اللى كنا بنشوفها فى اول الجواز وكدة

معلش تلات اسئلة ملهمش علاقة ببعض بس ياريت ضرورى حد يفيدنى فيهم كلهم وبالات اول سوال يعنى انا بمنى اصح بطهر من الجماع زى الطهارة من الدورة كدة بالضبط

lifedrop;10801878:
مشكلتي بقي مع المادموزيل جوجو انها مبتنمش غير في الكاريكوت وبذأت تكبر عليه_أعمل ايه?
وهل الكارسيت يبقي بديل?

لايف!! و الله يا بنتي اول مرة اخد بالي انك جبتي نونو!! سمتيها ايه يا قمر؟ ربنا يباركلك فيها...بصي يا لايف جربي كدة يا بنتي الحاجات دي متجيش غير بالتجربة و مع الوقت و البهدلة هتعرفي هي بتحب ايه...حطيها في الكار سيت مع اني مفضلش كدة حاولي تعوديها علي السرير او المكان اللي هتنام فيه علي طول علشان متعانيش كل شوية تغير المكان و كدة

شهيدة;10801971:
واحشنى جدا

كل ما ادخل ملاقيش حد

حبيبتي يا شهيدة و الله انتي وحشاني جداااا يا بنتي المنتدي مغلق للتحسينات بس الاغلاق طول معانا حبتين :)

loly1;10802010:
طب 1 ازاى نغتسل من الجماع انا بستحمى واشاهد بس فى سرى معلش محدش يضحك عليا انا بتخانق مع جوزى هو مش مقتنع كدة فياربت حد يقولى الصح 2 انا بصلى اوى واتقرب من ربنا اوى وبعدين ابعد اوى3 ازاى نجدد حب ازواجنا لينا او نرجه اللهفة اللى كنا بنشوفها فى اول الجواز وكدة

و الله انتي نكتة بجد:) بصي يا بنتي الاغتسال ده انا عن نفسي بنوي لطهارة و خلاص بس جوزي برده قالي ده غلط انتي مفروض تغسلي المنطقة دي و بعدين تتوضي عادي و بعد كدة تاخدي الشاور عادي:)
بالنسبة للتقرب برده :) كل واحد مننا بيحصله كدة يا بنتي للاسف:( بس انا رايي الصحبة الحسنة بتعين جدااا يعني حاولي تتفئي مع حد منهم علي قراءة ربع جزء في اليوم...ده هيخلي لسانك و قلبك علي طول مع ربنا...او مثلا صلاة الفجر و السنة برده مفييييييدة جدااا بتخليكي تحاولي طول اليوم تفضلي مع ربنا :)
السؤال التالت بئة:) الله اعلم هههههههههه لا بجد بصي يا بنتي غيري في نفسك حاولي ترجعي البنوتة اللي عرفها في الاول:) يعني اهتمي زي الاول كدة باللبس و النظافة العامة و جو البيت خليه رومانسي شوية...بلاش يرجع يلائي البيت ريحته اكل مثلا او مش مرتب... حطي بخور و انتي البسي لبس شيك بنطلونات و بديهات و كدة و رتبي شعرك مع ميك اب خفيف و برفان يجنن :) و استقبليه بابتسامة حلوة كدة كل يووووووم:) و انتي هتلائيه هو كمان رجع زي الاول ان شاء الله

كل ما اجى ملاقيش حد كده نفسى ارغى معاكم

نهى انا زعلاااااااااااااااانه منك انتى وهدى وام معاذ
لولو انا برضه حاسه ان الاهتمام مابقاش ذى الاول مع انه بيقول ابدآ انه متغيرش وانا مهتمه بنفسى جدآ وهو بينبهر بيا علطول بس انبهار وقتى مش دايم ذى الاول

طيب تعرفى انا اصلآ اخت جوزى لسه متجوزه وكل ماكانت تجيب حاجه للدلع اروح اجيب زيها على اساس انى اظبط انا كمان بس مش ملحوظ يعنى جبت بودر بيدى لمعه للجسم بس والله مش بياخد باله منها الحمد لله

يل انا زعلانه جدااااااااااااااااااااااااااااا عاوزه اعمل صوره لزيزو فى التوقيع زيكم بس ترقريبا الموقع موش فرى انتوا عملتوا ازاى ولا هو كان فرى ودلوقتى بكريدت عاااااااااااااااااااااااااااااااا

كلمة وداع;10805816:
نهى انا زعلاااااااااااااااانه منك انتى وهدى وام معاذ
لولو انا برضه حاسه ان الاهتمام مابقاش ذى الاول مع انه بيقول ابدآ انه متغيرش وانا مهتمه بنفسى جدآ وهو بينبهر بيا علطول بس انبهار وقتى مش دايم ذى الاول

كلمة وداع;10805835:
طيب تعرفى انا اصلآ اخت جوزى لسه متجوزه وكل ماكانت تجيب حاجه للدلع اروح اجيب زيها على اساس انى اظبط انا كمان بس مش ملحوظ يعنى جبت بودر بيدى لمعه للجسم بس والله مش بياخد باله منها الحمد لله

زعلانة مني ليه بس يا بنتي!! هو انا بدخل اصلا و لا بشوف حد..:( ده انا اللي مش لئية حد فيكم خااااااااااااااااااالص و كل ما ادخل بئة وحيدة شريدة...انتي ازيك و لولو عاملة ايه

سالاد يا قمر السايت فري يا حبيبتي

ممكن يا نهى تقوليلى ارفع الصوره عليه ازاى اصلى كل ما اعملها ابلود كبتظهرش موش عارفه ليه

انا عرفت ان المشكله فى امتداد الصوره مع انى بغير امتدادها بس برده موش بتتحمل اعمل ايه

طيب يا سالاد ابعتيلي الصورة و قوليلي علي الشكل اللي عاجبك و انا اعملهالك يا قمر

ام حمزة ازيييك يا قمر:) اخيييرا في حد هنا معايا

اوكى يا روز انا عرفت احمل الصور اخيرا بس متشكره ليكى جدااااااااااااااا اصل تقريبا لان الكاميرا بتاعه الموبايل 5 ميجا الصور كبير لكن عرفت احل المشكله مرسى كتير يا قمر

هوبا في محلات حلوة في سيتي مول فعلا يصي عليهم

ينات انتو فين انا عايزه اتكلم معاكو فى امور كتير تخص البيبى انا لسه ام جديده وضاربه لخمه
تعالو بقى

العفو يا سالاد يا قمر ورينا صورة البيبي بئة

جوماااانة حمد الله علي سلامتك يا جميل طمنيني...جبتي ايه؟
انا هنا اهه يا جميل