رابطة امهات واطفال مصر لشهر ذى الحجة ..كل عام وانتم بخير بمناسبة عيد الاضحى

*Om Mo3az*;10681299:
السلام عليكم
ازيكو وحشتوني اوي اوي يا وحشين يا اللي مش بتسالو
ايه اخباركو مع الجو الرخم ده والولاد عاملين ايه يارب تكونو بخير جميعا
انا بقى معاذ واخد دور برد تمام يعني ولازق فيا لازقة مهببة (بقول يمكن اكون حامل ههههههههههههههه)
ومتبهدل يا حبيبي مناخيرة على طول سايحة وكان سخن بس الحمدلله اشتغلت في الادوية والحمدلله انهرده بقى احسن وبدا يلعب زي الاول
ده كان نايم في السرير والله كنت بستغرب له اوي عمري في حياتي ما كنت بشوفه قاعد هادي كده وكنا نتغطى بالبطانية وهو يفضل نايم على صدري ولازم اكون شايلاه بس قاعدين عالسرير يعني وبيبقى صاحي بس نايم على صدري كده وماكنش بيلعب خالص
انا طبعا كنت حاباه اوي وهو هادي كده بس كنت بفضل اعيط واللهمن هدوئه ده وبيبقى نفسي ينزل من عالسرير ويلعب
وانهرده الحمدلله بقى كويس شوية والحرارة نزلت وبدا يعمل شقاوة تاني كان نفسي يفضل هادي بس من غير تعب يعني
يلا الحمدلله رب العالمين

toty858;10681426:
ازيكم يا ينات كلكم
عاوزة اطمن عليكو كلكوووووووو

أم حموودى القمر;10681631:
انا نزلت النهاردة مع حماتى اشتريت بقية هدوم محمود بتاعه الشتا وكمان تبقى هدية عيد ميلاده
بس ايه بقه حاجات تحف تجنن بس اسعاره موووووووووووت منهم طقم واحد بس ب370جنيه من تاكسى كيدز والباقى زيه او اقل شوية وان شاء الله ابقى صورهم وانزلهم

marool;10684022:
ازيكم يامامهات
انا الفتره الى فاتت دى صعبه اوى ولسه بردو ادعولى
حلا مجنانى فى موضوع النوم بليل لما بتخلص عليا ولا اعشاب ميلوبا نافعه معاها ولا حاجه معرفش هياا بتصهلل عشان بتنام بالنهار ولا عشان متشبعش ولا ايه
والى زاد بقا انى اليومين الى فاتوا صدرى كان واجعنى مووووووت لحد النهارده قل شويه الدكتورة قلتلى هاتى شفاط وشغلانه
المشكله انى حاسه ان الارهاق الى هيا بترهقهولى ده مخلينى مش عارفه اشد حيلى كده وابقا كويسه من بعد العمليه لسه الجرح بيوجع والمنطقه ال فوقه وموضوع صدرى كمل والسهر ليل ونهار ده مكمل عليا مش عارفه اعمل ايه ؟
جوزى فاكرنى هتحسن كده واشد حيلى وانا عند ماما لحد مانسافرله بس انا حاسه انى مرهقه جدااااا مش عارفه ايه الحل
ادعولى يابنوتات انتوا قلبكم طيب ربنا يستجيب يهديهالى ويتمم شفايا سريعا وعلى خير

عروووس جديد;10687052:
اسماء الف سلامه عليكى ياحبيبتى

روق ياجميل ليه بس الزهق؟ اقرى حتى شويه قرآن منها تعملى حاجه وفى نفس الوقت تروقى

أم عمرومنة;10686988:
السلام عليكم
ازيكم ازيك يا سالي مبروك حاجة حمودي يدوبهم في عرق العافية

أم عمرومنة;10687095:
ازيك يا سالي وازي حمودي وضروسه عاملة معاه ايه
جوزك ازي صحته دلوقتي والبنوتة الطعمة عاملة ايه