// خطيبي يبغي يتباعد عنييييي !! //

هلا خيوووو

اول شي اتوقع المشكله مو عيون ولا حسد ..
اتوقع لانه كان متضايق من اصراخش عليه .. حتى لو تكلمتين معاه وبين لش ان مو متضايق
بس اتاكدي ان هالشي اللي مضايقنه .. وهو كان ما يرد عليش اذا اتعصبين عليه لان ما يبغي يكسر بخاطرش وامش محد فهذا يضايقه اكثر واكثر >>> حطي نفسش مكانه احد يصرخ عليش وانتي تسكتين وماتردين بس عشان ماتكسرين بخاطرة

فانتين الحين اعتذري منه بهدية حلو باقة ورد حطيها في غرفته وانتي متاكده انه موموجود هناك في الوقت اللي بتودينها

وثاني شي ..
ذكرتيني ببداية خطوبتنا .. زوجي كان نفس الشي .. من اول ما خطبني 24 ساعه ويايي .. حتى يوم الحنه والخطوبة ماكان يطلع من عني الا وقت الصالون والعزومة .. بعد استمرت هالعادة فترة سنتين تقريبا
والحين عادي الحمدلله يطلع ويسهر للصبح مع ربعه .. بس للحين يحبني ..
وصدقيني يوم اللي يسهر مع ربعه للصبح ويرجع واني ابتسم في وجهه واسولف معاه عن طلعته .. يوم ثاني ما يعرف ويش يسوي عشان يعوض عليي
فانتين لا تتضايقين اذا قال بيطلع ولا تخافين لان اذا يحبش مستحيل يبتعد عنش واجد
الا هي فترة وتعدي

والله لا يفرق بينكم يارب

اختتتي يمكن عنده ضغوط عمل او اشياااء ماديية فانتي تركييه ..ولازم تعرفين الريال مايتم متجنن على زوجته طووول العمرة بسي فتررة اول الخطوووبة بس بعديين يصيرونعادي

مرحبا أختي

يقولج المثل إن عرف السبب بطل العجب ..

اختي خطيبج بشر يعني مهما تحمل واخذ منج ... مب معناه تحطين الحره فيه مهما بلغت فيج الظروف النفسيه ..

معلش امج ..اهلج مشاكل اهلج على عينا وراسنا بس .. ان تدخلين خطيبج في مطباتج النفسيه .. هالشي مب زين لج ..ولا له ولا لحياتج ..

المفروض يااختي اول ما تحسين بتغير مو تطيرين على الكتاب بس .. كان الاحسن انج تغيرين اسلوبج وتعاملج وتعرفين ان هالاسلوب ما ينفع مع الريال ابدا .. مهما طال تحمله ..
بالنهايه يفيض منه الكيل .. وينفجر ..

وبعدين يااختي الريال عموما اغلب الاوقات اول ما يخطب تشوفينه مثل الي ( مدلوق) على خطيبته ومتخرع عليها ولازق فيها مع الوقت والزواج يتغير .. ويخف مو ( مايحبها او قل حبه ) بس مثل ما تقولين .. شوي ( ركد ) وتعود على زوجته ..

فيا اختي تلاحقي عمرج ..وعدلي من نفسج قبل لا تبتدين تشوفين عيوب زوجك ترى حتى كثر الاعتذار يصير شي ممل ,, وغير مرغوب من كثر تكرار نفس الاخطاء ونفس المشاكل
يعني معلش اعتذرتي على اخطائج بس وارد انها تكرر مع تكرار مشاكل ثانيه

فالاحسن الواحد يحسن روحه ويعدل من نفسه ..

الله يصلح الحال ويعدل من بينكم

ام جنى

اختي العزيزة..
أنا بقول لج على حاجة.. انتي أحد الأسباب في المشكلة ولا تلوميني على هالعتاب.. بس في البداية انتي استغليتي حبه لج وتدللتي زيادة.. خطيبج طيب ويحبج وانتي تعودتي حتى لو انتي الغلطانة هو يجي ويراضيج.. وهالشي مو من مصلحتج.. لأن يوم ويومين بيحس نفسه ذليل يمج حتى لو كان يحبج.. انتي اذا دلعتيه وسويتي اللي يبيه خير وبركة.. بس الرجال دووووووم كرامته فوق كل شي.. يعني مرة ومرتين بيجيج وبيتسامح منج بعدين بيقول ليش هي بعد ما تعترف بغلطها وتعتذر.. واللي أفضل من انج تعتذرين له انج ما ترفعين صوتج عليه ولا تضطرين من أساس للاعتذار عقب.. أنا أكلمج نصيحة اخت لأخت ولا تاخذين كلامي بحساسية.. لأن انا زوجي بعد كان جذي مثل زوجج.. يدلعني حتى لو كنت الغلطانة وقمت أتمادى شوي شوي.. وبعدين شفته يتغير عليّ والحمدلله عدت هالأزمة بخير..
انتي كانت نفسيتج تعبانة لما سافرت أمج ولج حق تزعلين.. بس هو ما له ذنب تخلين حرتج فيه.. يعني ما لقيتي الا هو تفرغين حرتج فيه.. عندج كتاب الله يفرج همج وينسيج اياه كله.. "ألا بذكر الله تطمئن القلوب" .. اذا انتي تحبينه صج .. بتخافين تزعلينه صح؟ وهالشي انتي اللي بتسوينه في الأيام الجاية..
ثانياً خيتو..
خلي في بالج الحين هو في أزمة بناء وتعديل .. وهالشي احنا ما نحس فيه كثر الشباب.. لأن يحاتون واجد..
فخلي في بالج حالته النفسية هو بعد.. مثل ما انتي تمرين بأزمات.. هو بعد يمر بأزمات حاله حالج.. مو تصرين عليه وتضغطين عليه عشان يقول لج هو اشفيه.. لأن اليوم اللي عنده شي يحس ان يبي يقوله لج بيجي بنفسه بيقوله..

ثالثاً
كل المخطوبين تجيهم فترة يتعلقون ببعض في البداية وبعدين تصير الامور عادية يعني مو طول عمرهم بظلون نفس الاول ولهانين على بعض وما يتفارقون.. الحياة تحتم على كل واحد التزامات معينة وانشغالات تخليه غصب تفتر علاقته بالطرف الثاني.. بس مو معناها ان الحب يقل او يتضاءل.. بالعكس ويا العشرة راح تحبون بعض أكثر وأكثر.. ولين جاكم عيال بعد بتحسون نفسكم أبعد عن بعض بس حبكم أكثر وأكثر وأكثر..!!

اهم شي ادعي ربج دوم ان يحليج في نظره وما يشوف غيرج..
والله يهديه ويسخره لج..

الله يردكم لبعض واحسن من قبل يااارب
بس لا تطول فترة الملكه... اكثري من الدعاء والإستغفار

واحد تصارخ عليه وحده شيء طبيعي انه يتركها اذا اولها كذا وش عاد تاليها

فما بالك اذا كانت اكثر من مره

الله يوفقكم ويسعدكم..

{ نور ال ع رب };10646513:
ما أختلفنا .. هو طبعاً كل شي في البداية يكون حلو لان الواحد توه متحمس ومتشوق ومتلهف
بس بعدين يستقر وضعه مع الحبيب لان يحسه معاه ومابيفارقه
مو معناته اذا ماجلس معك طول الوقت يعني نقص حبه لك وقل
بالعكس هو الحين يمر في مرحلة الاستقرار وحبه ماتغير
وانتوا بعدكم خطايب .. لما تتزوجون بالخير وتعيشون مع بعض راح يتغير الوضع ويصير يحبك ومايقدر يستغني عنك
لاتخافي :)

صحيح انا مع اختي في كلامها 100%

بما انه قال قعدي عند امج هي محتاجه لج معناها انه انسان عنده احساس وهذا شي حلو
ويمكن هو فكر بينه وبين نفسه او هو سأل احد عن مشاكلكم وقاله من اللصقه الزايده

وانتي لا تلزقين فيه خلاص عطيه فكه ... ويمكن من زود العصبيه حس ان كرامته شوي انهدرت
يمكن حس بغلطته يمكن الناس قامت تعايب على زيادة روحته وجيته

وبعضهم هم طبعهم كذا يا يلزقون في الوحده او يبتعدون مره وحده مايعرفون الوسط
وبما انه قاعد يجهز لعش الزوجيه ويقولك احبج صدقيني تطمني
ويمكن احسن لكم عن الخلافات ..


وماله داعي الدنيا تدرين عن جنونه فيج مو زين عن الحسد
والحسد مايجي بس من الي يكرهونج حتى الي يحبونج طبعا من غير قصد منهم

الله يخليكم لبعض

حبيبتي لا تكبرين الموضوع يمكن ان فيه عنده ضغوط مالية شوي وهو يجهز الشقة وغيره

مضغوط شوي فأنتي كثري من الحب والحنان له وحاولي انك ما تهاوشينه ولا شي

حق تخففين عنه لان الرجال من ينضغط يصير اهدأ وأبرد مخلووق على وجه الارض

كل يحس الدنيا فوق راسه وان نهاية العالم من تتوقف عند هالمشكلة

ولا ان عنده مشاكل في الشغل حاولي تسألينه قولي له حبيبي شخبار امو الشقة ماشيه تمام ولا فيه مشاكل؟

وشخبار الشغل كل شي تمام مرتاح؟

والله لا يغير عليكم و يخليكم لبعض

عادي حبيبتي الرجال يصير فيهم هالسوالف وايد يعني الي مكتوب في الكتاب صح
لان الرجال بطبعه ملول حاولي انج ما تكلمينه كل يوم او حاولي تثقلين عشان ما تحسسيه بالملل
وبعدين هو راح يشتاق لج ويرجع لج والله كريم