قصه ولادتي بحبيب قلبي وروحي (فيصل)

الف مبرووووك

والحمد الله على السلامه

الحمد للة على سلامتج ومبروك الولد عليكم ربي يخليه لكم وتفرحون فية

وربي ييسر ولادتنا يارب لا تنسونا من دعواتكم

ههههههههههه اول مرة اسمع قصة ولادة مافيها رعب هههههههه الله عطاج على قد نيتج والحمد لله على السلامة الله يسهل انشاء الله على الباقي ويتربى في عزكم...

الحمدالله ع السلامه ويتربى بعزكم

ماشاء الله تبارك الله

ولادتج سهله والحمدلله يارب كل ولاداتج وولادتي وولادة كل حامل يااااااارب

انا مب بكريه .. هاي ثالث حمل لي ... بس عانيت وااااايد فولاداتي السابقه ..

الله لايقول ان نفس الشيء

مبروك حبوبة ويتربى فعزج فيصل وعز ابوه

الله يخليه لج يارب والحمدلله ع سلامتج

يتربى بعزج فصول وحمدلله على سلامتج
مع سوال البنات .. بأي مستشقى ولدتي؟

مبروك
حمدالله على سلمتك

ألف مبروك الولادة والمولود

وربي ارتحت من القصه

الحمدالله نفسي اوولد اليووم عشان اشوف البيبي

يااااااااااااااارب يريحك زي ماريحتيني>>>>>طالعه من قلبها الدعوووه

حمدالله ع السلامه يا قلبي

ماشاء الله

حمدالله على سلامتج ويتربى بعزكم

طمنتيني لاني بكريه وخاايفه من الولاده
الله يثبت حملي وكل الحوامل ويقر عينا بشووفته

مبرووووك
ويتربي في عزكم
^_^

مراوي;10636733:
مبروووك مره ثانيه بنت الدوسري

انتي وين ولدتي ؟ لان صادني لبس

يوم قلتي ممرضه بحرينيه قلت يمكن السلمانيه

بس يوم قلتي الممرضات يصفقون لك و يقولون شاطره مستحييييل السلمانيه الا اذا صايره معجزه ذاك اليوم :)

لا انا ولدت بالمستشفى العسكري

مشكوووورين بنات على ردودكم الحلوه ودعواتكم الطيبه

والله يرزق كل وحده محرومه بالبيبي السليم المعافى اللي يملي عليها البيت

ويسهل ان شاءالله على كل وحده جريب موعد ولادتها او حامل

ومثل ما قلت لكم بنات كثرووووووو من الجمااااااااااااع والمشي اهم شيئين اثنين

واكيد قبل كل شي الدعاء والاستغفار وان شاءلله بتتسهل من رب العالمين

انا مثل ما ذكرت من قبل ولدت في المستشفى العسكري وكانو ما شاءلله وايد طيبين ومتعاونين وياي

وانا بعد كنت اسمع كلامهم .. اي شي يقولون لي اسويه

حتى اهمه من نفسهم قالو لي انتي وايد ممتازه ومتعاونه ويانا وان شاءلله بتتسهل ولادتج ياربي

وفعلا تسهلت ولادتي بفضل رب العالمين:)

على فكره بنات انا ولدت بروحي امي ما رضو يدخلونها وياي كانت مسكينه تنتظر برع وتدعي لي وكانت وايد على اعصابها :(

وزوجي كان يطل علي بين فتره والثانيه يخفف عني شوي وكل ما يشوفني اتالم واصيح يصرخ علي يقولي :mad: شفطي الاكسجين خخخخخخخخ

السخيف انا اتالم واهوه يصرخ علي >>> فديته حبيبي كان وايد ميود اعصابه ومتوتر

بس يوم انفتح الرحم عشره سانتي طلعوه برع ولدت بروحي مع الممرضات وعقب ياتني الدكتوره خيطتني

موغي;10638011:
حمد الله على سلامتج


ماشاء الله ولادتج تساهيل والله اني خايفه واحاتي الله يهون علي وتطلع ولادتي نفس ولادتك انا لاعندي ام ولا عندي حد فوق راسي الله يعين بس

لا تخافين ولا تحاتين الله وياج ان شاءلله وبتتسهل امورج ياربي

حتى الممرضات ان شاءلله ربي يحنن قلبهم عليج ويتحملون فيج باذن الله :)

bent.aldossary;10636366:
بسم الله الرحمن الرحيم

الصلاه والسلام على افضل الانبياء والمرسلين محمد صلى الله عليه وسلم

الحمدالله على تمام النعمة واكتمال المنة

بتاريخ 10-11-2009 ولدت ولدي البكر فيصل

والحمدالله تره الولاده يا بنات كلها تساهيل من رب العالمين ولا عليكم من قصه ولادت فلانه ولا غيرها ... تره كل وحده تختلف عن الثانيه

خصوصا البكر بليييييز بنات لاتشوشون افكاركم بكلام وقصص مالها داعي تره كله تخويف وتهويل واحس من كثر ما قريت ما عندي سالفه

حلاته الوحده تروح على ويها والله بيسهل لها امورها كلها يارب

الحين بقول لكم قصه ولادتي

انا ماعطيني موعد ولادتي تاريخ 15-11-2009 بس انا سبقت عن موعدي خمسه ايام

وكنت من اول مادخلت التاسع وانا كل يوووووم امشي كيلوين في ممشى عالى وامشي مشى سريع واكون فاتحه ريلي يعني مو امشي وانا صاكتها عشان يساعد انه يوسع الرحم وينزل البيبي في الحوض

وكنت اكل عسل قبل ما انام واشرب حليب وتمر ... وكثرو من الجماع بنات في التاسع اعتقد اهوه اللي سهل لي ولادتي بعد رب العالمين طبع ا:)

المهم..

يوم الثلاثاء 10-11-2009 الفجر يلست الصبح واحس فيني الام خفيفه في بطني مثل الام الدوره في بطني وظهري

وكان الله يعزكم وياه اسهال وكان ينزل علي دم بس مو وايد لا دم قليل..

المهم انا ماكنت ادري شسالفه عبالي مغص ولا بوادر طلق كاذب مثل ما يقولون البنات

لانه اول مره احس فيه طول فتره حملي من دخلت التاسع ماكنت احس باي شي

المهم هذي الحجي كان ساعه 4 ونص الفجر عقب رحت نمت في الصاله عشان لاني كنت كل دقيقه ادش الحمام الله يعزكم

يلس ريلي من النوم الساعه 6 عشان يروح الدوام.. عاد ياني متخرع الصاله يقولي شفيج !! :rolleyes:

قلت له مادري بس بطني يعورني من الصبح وينزل على دم خفيف ..:(

قالي اوديج الدختر !! قلت له لااااااا موبي اروح يتحوسون فيني بس بتصل حق امي قالي انزين

وكلمت امي في التلفون خخخخخ وجان امي تختبص وتقولي لا مالج قعده بنروح الدختر وخلي زوجج اليوم ما يروح الدوام هذي ولاده ...

انا ماصدقت امي لانه ماكنت احس بالم واااايد كان الم خفيف واقدر اتحمله.. قلت لها مابروح المستشفى لين ينزل علي الماي مال الياهل >>>> خخخخخ تره كلش ماعندي سالفه

قالت لي امي بعطيج لي ساعه 8 عقب على طول المستشفى .. قلت لها انزين

تميت شوي الا ما اشوف الا امي طق على جرس الشقه وتقولي قوووووومي امشي بنروح البيت عشان تحت عيني اشوفج .. قلت لها انزين وبرزت شنطتي واغراض البيبي وركبت امي في سيارتها وجدمت راحت البيت وانا ركبت مع زوجي السياره

يوم وصلت بيت امي الا تقولي يله المستشفى مالج قعده هني في البيت المستشفى احسن اانا هني ماقدر اسوي لج شي >>>> قصت علي يعني خخخخ لانه انا ماكنت ابي اروح المستشفى

يوم قالت لي المستشفى على طووووول دموع وسناسين خخخخخخ اقول لها لا موبي اروح بيتحوسون فيني بيغربلوني :confused:

قالت لي لا اهمه احسن يهتمون فيج ومن هالحجي


المهم وصلت المستشفى ودخلوني غرفه الولاده وماكان عندهم احد يولد الا انا ابتدو فيني

وصلت المستشفى ساعه 7 ونص ولبسوني ملابسهم مالت الولاده وخلو علي الجهاز عشان يجيكون نبض البيبي وقوه الطلق

الا تقولي القابله انتي فيج الم ؟؟ قلت لها لا شوي مب وايد .. الا تقولي انتي مافيج ولاده بنطلعج بعدين

المهم تمو عطوني وقت جذي بعد نص ساعه وردت جيكتني تقولي لا مافي طلق ..

انا استانست قلت اشوه ماتحوسو فيني بروح البيت :D

عقب ياتني ممرضه بحرينيه قالت بشوفج من تحت جم سانتي

قلت لها لا موبي اخاف يعور :confused: الا تقولي لا ما يعور بس انتي رخي ولا تشدين.. قلت لها انزين:(

وكشفت علي وحمدالله تره الكشف ما كان يعور وايد خلكم بس مرخين اعصابكم وبتتسهل اموركم ان شاءالله

الا تقولي لاااا انتي اليوم ولاده الرحم منفتح 4 سانتي ما شاءلله

انا هني ما صدقت روحي:eek: !!! الا تقولي ساعه 12 ان شاءالله ولاده

المهم بعدين عطوني حقنه شرجيه الله يعزكم عشان اطلع كلشي في بطني

وبعدين ياتني دكتوره وفتحت ماي البيبي وعطوني ابرتين في فخذي عشان يخفف الالم وعطوني الاكسجين

وهني يبتدي الالم يزيد ويزيد ويزيد ويزيد ويزيد وانا ولا احس في الوقت من الم وكل مازاد علي الالم اشفط الاكسجين ...

كان يخفف.... يعني بنات تره اذا زاد الم عليكم لا تصارخون لانه بتروح طاقتج كلها ولابتصير فيج قوه بعدين حزت الولاده

المهم يوم صارت الساعه 44: 12دقيقه قالو لي الممرضات يلاااااااااه سوي بووووووووش بووووووش

تره البوش بنات كانج بتسوين العوده :tongue:

وسويت بوش بووووووووش والممرضات يصفقون ويقولون يلاه شاطره عفيه عليها ... يلاه اكو طلع الراس .. اكو شعره اخر مره بووووش

وبعدين طلع فصولي حبيبي وسمعت صياحه وعطوني ياه وشفته وبعدين كل الالم رااااااااااااااح سبحان الله من اول ما يطلع البيبي خلاص كل شي يروح

وبتدو يخيطوني..... وضربوني ابره وخيطوني من داخل وبرع

والخياط تره بنات ما يعور وايد بس تحملو شوي كانه نقزات ابره

واهيه اصلا بتضربج ابره بتخدرج عشان ماتتالمين وايد :)

والحمدالله بعدين طلعوني الغرفه ونمت على طوووول من التعب



هذي قصه ولادتي ... وكل شي تساهيل من رب العالمين

وصلى الله وسلم وبارك على افضل الانبياء والمرسلين محمد صلى الله عليه وسلم

والله يخلي لي ولدي ويحفظه واشوفه معرش وافرح فيه ياربي :15:(f)

الف الحمدلله هلى سلامتش ومبروك ما جاش ويترى في عزش
في اشياء مثلي اتوقع كثر الجماع في يسهل الولاده عشان جدي ولدت في نهاية الشهر الثامن ( اتقشمر لاني ولدت بسبب درج الشغل كان متعب)
واللي تقولينه من تولدين يروح الالم صدق والله خصوصا من تشوفين البيب ي كانش سويتينها وبس وما كنت مصدقه بس دي الولاده اللي اصارخون فيها
والخياط ما حسيت فيه بس بعدين الم السيم والقعده تنزل الدموع
اختي عكسي ولدت عقبي 4 شهور بالضبط لانها تنست على زوجها ما تشتهيه طول شهورها يعني جماعهم قليل تعبت في الولاده وحتى السيم حست ليهم وهم يخيطونها تقول حتى البيبي حست ليه وهو يطلع