السلام عليكم ورحمة الله تعالى وبركاته
حبيت أحط لكم لوكي وأبي رايكم فيه
بسم الله نبتدي
في البداية غسلت ويهي وحطيت من هالكريم وهو كريم مغذي
عقبها حطيت الكريم الأساس والكونسيلر (نسيت أصور الكونسيلر)
وبعدين حطيت البودرة على ويهي وهذي صورتها
وبعدها حطيت هالبودرة على عظمة خدودي علشان إذا طاح شي من الألوان ما يخلي علامة
وهذي البودر ريحته روووووووعة وهو من أجمل
وبعدها حطيت هالإضاءة
على عظمة الحاجب
وبعدها حطيت هالدرجة من الأصفر
في بداية الجفن المتحرك
وعقبها حطيت هالدرجة من الأخضر
من بعد الأصفر لين قبل الثلث الأخير من الجفن المتحرك
وحاولت أدمج بينهم علشان مايبان بينهم خط فاصل
وبعدها اخترت هالدرجة من اللون الوردي
وحطيتها في آخر الجفن المتحرك وطلعت فوق الأخضر
وحاولت أدمج اللي بينهم علشان ما يبان أن في فاصل
وبعدين خذت الأسود بو لمعة (شريته من شارمل في الكويت)
وسويته على شكل خط في نهاية اللون الوردي
وحاولت ادمجه
لبست عدسات زرقا وحافتها الدخلية خضرا
وبعدين حطيت كحل سماوي داخل العين من كراجا وااااااااااايد حلو وكل من حط منه استخف عليه:cool:
وحطيت الأي لاينر والماسكرا
هذي العين بعد الكحل السماوي
وهذي بعد الآي لاينر والماسكرا
وبعدين علشان الديكوريشن حطيت حبة خال تحت العين على زاوية
وهالفكرة لطشتها من أختي :D يطلع المكياج شكله شي مع حبة الخال
عقبها شلت اللوس باودر(البودرة اللي كانت على عظمة الخد)
وحطيت هاللون من البلاش
وآخر شي حطيت القلوس وكان مكس بين 3 ألوان
(أحمر -دم الغزال-/ فوشي / وبيج)
واللون اللي مكسته طلع يشبه هذي
شلت الزايد منه وحطيت عليه قلوس شفاف علشان يلمع
إن شاء الله يعجبكم اللوك
اللي يعجبها تقيمني واللي عندها ملاحظات عليه تقول ملاحظاتها
أتقبل النقد بصدر رحب
أدري أني طولت عليكم
بس آخر شي حبيت أقولكم عليه
:mad:ممنوع أي وحدة تنقل أي موضوع من مواضيعي بدون ذكر اسمي واسم المنتدى:mad:
أتمنى أنكم استمتعتوا واستفدتوا وأهم شي التقييم لا تنسونه:D
(f)أختكم (f)
(f)أم نصوري ومرايم(f)
