شحالكن يانسوان,,عساكن بخير وصحة وسلامة؟
المهم اليوم سويت (تشيز كيك بالفراولة),وللمعلومية هذي أول مرة بحياتي أنزل موضوع مصور,
يلا ندخل بالموضوع على بركة الله..
المقادير سهلة وبسيطة,والطعم لذيييييذ,ومرغوب فيه من الكل,,جربوا ومابتندمون.
المقادير:
اعتقد الصورة واضحة,لكن بعيدها من باب التأكيد.
حليب بودرة
علبتين زبادي روب
بيضتين
بسكوت شاي(بكتين)
اصبع زبدة
جبنة كيري
صوص الفراولة,(مةجود في السوبر ماركت,ب10 ريال تقريباً,وفيه أنواع كثيرة,وبصراحة ألذها الكرز,أو التوت الأحمر)
(1) نكسر البسكوت,ونضيف له 3/4 اصبع الزبدة,وبعدين نطحنه بالطحان حتى يصير ناعم.
(2) نحضر صينية تشيز كيك,أنا استخدمت أكبر مقاس بالطقم,وبعدين نغلفها بالفويل (القصدير),بتقولون ليه؟بقول: جربت عمل التشيز كيك أكثر من 10 مرات,وفكل مرة تنعدم الصينية وباخذ وقت عشان افكها بدون ما تتكسر,وجات هالفكرة فراسي وعجبتني كثير وريحتني,جربوها,وبتنبسطون.
هذي الصينية قبل ما أغلفها.
وهنا بعد التغليف.
(3)نجيب البسكوت المطحون بالزبدة ,ونصبه بالصينية,ونساويه بالملعقة.
(4)نجيب كاس تكون قاعدته متساوية,ونضغط على البسكوت زين حتى يثبت ويتماسك.
نحطها بالفريزر ساعة أو نصف ساعة.
(5) نجهز الأغراض اللي بنخلطها وهي:
اللي عن يمين الزبادي (1/2 كاس سكر)
علبتين زبادي روب
بيضتين
كاس ونصف حليب بودرة
8 أو 9 حبات جبن كيري
رشة فانيليا,بس عاد ماصورتها.
نخلطها أول شي خلط يدوي,بعدين في الخلاط.
بعدين نطلع الصينية من الفريزر,ونصب الخليط فوق البسكوت.
(6)نشغل الفرن السفلي على درحة حرارة متوسطة,ونحط صحن,أو صينية ونحط فوقه الصينية,حتى ما يحترق البسكوت,فهمتم السبب,وأبداً لا تشغلون من فوق,ولا تخافين بتستوي بإذن الله,اصبري من 30 إلى 60 دقيقة وإلا هي مستوية.
(7) بعدما تستوي نطلعها حتى تبرد,ونصب عليها علبة الصوص,ولا حظوا ان اللون من فوق ما تغير,بس الأطراف صار لونها بيج أو بني.
ندخلها الثلاجة مدة يوم كامل,أو 8 أو 7 ساعات حتى تتماسك زين,ويطلع طعمها زين.
(8) هنا بعد ما طلعناها.
هنا بعد ما طلعتها من الثلاجة.
وهذي قطعة لكم ياحبيباتي.
وهذي صورة أقرب.
بكذا أكون أنهيت عملي,وسويت الواجب,إن أعجبكم فهذا فضل من الله وإن ما اعجبكم اعذروني.