نضربهم نهارا ..نبكي عليهم ليلا.

مشكوره اخت ام نجمتين عالموضوع
صحيح هذا الي يعاني منه الكثير من الناس
ونحن منهم
والاخوات الله يجزيهم خير كلامهم جميل في مكانه,,,,,,,,,,,,ومنهم نستفيد.

انه صراااااااااااااااااااااااااااااااااااااااااحة ولدي عبادي الله يحفظة يعاند بطريقة يخليج غصب تتنرفزين ولا يسمع الكلاااااااااااااااااام لا بطيب ولا بالخباثة واااااااايد حركي ولا يقعد في مكانن يضرب يتهاوش حتى مع اله اكبر منه وبالخاصة اذا نزلت بيت عمي تحت كنت في البداية اضرب فية وسب وحاله واقوم القيامة شفت هذا الشي ما ينفع معاه بالعكس يندمر ازيد قعدت اسهي بأشياااااااء مثل من اقعد في مكان تخيلووو اعطييه تلفوني يلعب فية بس بعدين بعد استملييييييييييييت من هالسالفة كلحين يبي تلفونج بلعب فية اله شار امخلص اله مخترب وحالة قلت حق ابووووووووووه خذ له قيم بوووووووووووووووي وصخييت فترة يعني سهى اشوي لكن وين الحركات مال الالعاب الضرب والحالة كلها يطبقها ويطلع تلفزيون وطبق بعد كله حركات خطيرة الله يهدية لكن اذا معهاه ابروحي والله مايسوي شي خير شر بس من يشوف مكان في ناس ويهال يشتغل وانه اشفت افضل حل لي واله من اشوفه امبدي بالهواش ولا شي اخذة واركب شقتي عن المشااااااااااااااكل والحين اشوي اصخ الصبح يروووح الروضة وااي تعبان ويرقد ويقد ويتغدى وطالع التلفزيون وادرسة واحول معاه اشوي ولا اطلع معاه وايي اعشية وارقدةةةة يعني اشوى بواييد ودائما ماالجأالى الضرب كل اصارخ ايييييييييي بس اضرب ما اقدر يكسر خاااااااااااااااااااااطري

انا مالومج لان فعلا بقاء الطفل مع امه لفترات طويله يسبب ضغط شديد وغصب تفقد اعصابها
بس انا في حياتي مامديت ايدي على طفل من اطفال الاخرين فكيف بطفلي الذي هو جزء مني ، ماعندي الكثير اضيفه لكن الاستغفار في لحظة الضعف تولد القوة تذكري دائما بأنه طفل لايفقه شيئا


خليتيني اتكلم فصحى من كثر مااثر فيني الموضوع ههههههههههه

حاولي ايضا ان تتركينهم مع احد فترات ولو بسيطه علشان يخف الضغط عليج هالطريقة تنفع وحاولي دايما تشغلينهم بتلوين رسم مشاهدة برامج مفيده والله يهديهم ورجائي الحار لاتضربينهم ترى الضرب وخصوصا على الوجه يذل الطفل ومكروه فبليز لاتأذين عيالج وادري ان مو من قلبج وانج تحبينيهم

عورني قلبي :cry:
حرام :confused:
بكرة نروح النار :(
لأن الله عطانا اياهم وليهم طريقة للتعامل وياهم ..
يعني الحين لين تشترين غسالة ولا تلفون موبايل مو وياه الوصف التوضيحي شلون تتعاملين اياه وكل هالاشياء واحنا نقرأ ونسوي كل اللى مكتوب ..ليش عشان مايخترب ويؤدي وظيفته على أكمل وجه.
بس هل بحثنا عن كتالوج التعامل ويا ابناءنا لأنهم أمانة ؟ ومن الممكن تطلعينهم ناس ناجحين فاعلين أو على أقل تقدير ناس أسوياء في المستقبل .
انصحش تقرأين عن خصائص النمو للطفل وتطالعين برامج تثقيفية واجد قد ماتقدرين تعالج الموضوع وتطلعين على الشق الديني لأن المسألة فيها يجوز ولا يجوز الى حد معين (الضرب المؤثر الذي يؤدي الى احمرار يوجب ديه) لأنهم عيال الله أولا وآخرا ومايصير نتجاوز حدودنا .

ثانيا: لازم نسأل هل الضرب اللى نضربه ضرب تأديبي ؟ أو "فشة خلق" على قولة اللبنانيين يعني تبريد حره أو "أطلع حرتي فيهم "نتيجة ضغط نفسي أني متعرضه ليه أقوم أصبه صباب على الطفلة ؟
اذا النوع الأول أوكي الضرب التأديبي مسألته سهلة اني أدور أسلوب غير الضرب للتأديب واتفق ويازوجي والمحيطين ونطبق لين ما نلاقي أفضل أسلوب .
واذا النوع الثاني >>>>>>>:sm2441:
:no:
يعني هذي "مشكلة مركبة" الأم عندها مشكلة مستقلة غير ومن تداعيات هذي المشكلة وتأثيراتها ضرب أولادها .. ما أقصد مشكلة نفسية بس يمكن في اختيارها لطريقة التنفيس عن ظغوطها اليومية غلط..
ان شاء الله فهمتين عليي..
ومسامحة على الصراحة لأن مشكلتش عورت قلبي ومو مهم نخطأ أهم ما نواصل الخطأ لأن من طرق التعلم التجربة والخطأ.
ولاتخافين احنا وياش
واذا تبغين اي شي حاضرين:15:

لو كنتين في قمة الغضب .. وفجأة دقت عليش صاحبتش أو جارتش الباب تزورش؟
وش بتسوين ؟؟
طبيعي بترحبين بها وبتنقلبين 180 درجة .. هذي اللى صار يدل على أن احنا قادرين على الامساك بأعصابنا وتوجيهها بالتدريب طبعا ..(f)
صراحة الموضوع أثارني ......عندي واجد حجي أقوله .. :)

خيو اني بالعكس ما اضربه في النهار لان عمره 6 شهور بس اطلع من طوري لاني ما اقدر اسهر عندي دوام ثاني يوم ساعات اعصب ما اشوف روحي الا الضربه نازله عليه مره ضربته وعورته الضربه وقعدت اصيح وياه قام ابوه واخده من عندي

وثانيا: الأم التي تضرب ترسل رسالة يومية لابنها مفادها "أن الضرب في العائلة مسموح"
و"الضرب وسيلة لحل المشاكل وللتعبير عن شعورنا":thumbs:

أنصح الأمهات بالتعامل مع "السلوك" وليس مع الشخصية تنتقد السلوك وتفكر في علاجه مباشرة ولا تنتقد الشخصية.

انا بنتي الوسطيه جذي تنرفزني تقولين لها يمين تقول لا يسار واذا قلتين يسار ترجع تقول انزين خلاص يمين , عشان جذي ساعات اقول الشي بالعكس اذا بغيت يمين اقول يسار عشان تسوي اليمين. وبصراحه وااايد تنرفزني وتخليني اضربها حتى من الصبح لي بتروح الروضه وبعدين قلبي يعورني عليها خصوصا اذا جفت دموعها . وحتى لو تعوذت من بليس بعد ما ارتاح الا اذا طقيت

وسعي بالك حبيبتي
وحاولي تمسكي اعصابك

انا لما كنت صغيرة كانت امي الله يحفظها عندها نظرة خاصة تموتنا انا واخوتي رعب
من غير حتى ما تتكلم مجرد نظرة نفهم اننا غلطنا غلطة كبيرة ونندم بعدها ونتاسف

وانا باذن الله راح احاول اتعامل مع بنتي زي الوالدة

آآآآآه آآآآه من ضرب الأطفال

واللخ مثل ما قلوا كل البنات والله حرام علينا ومثل ما قلتو توجب علينا دفع ديه

على فكرة لاحظت على الأمهات اللي يقولون ما يطقون اعيالهم ان عندهم طفل واحد بس

انا بعد لما كان حسون بروحه ما كنت افكر حتى اصارخ عليه بعد مو اضربه بس من صار المولود الثاني عندي بديت خلااص ما اقدر اتسوعب الو ضع الجديد عندي حسيت اني مو قد هالوضع وقمت في البداية اصارخ عليه وبعدين لما وصل الى الروضة اهني بديت اضربه علشان النوم ..

والحمد لله ان في بيت ابوي وبيت عمي قدامهم مو مسموح لي اني اضربهم يعني اضربهم بروحي >> مجرمة اعترف بعد

بس مرة حسون مرض له مرضة عدل وحسيته خلاص بيروح من ايدي حرمت اني اضربه ولما صار زين رجعت حليمة لعادتها القديمة ولا كأنه صاير شي وقد ما اقدر امسك اعصابي وفعلا الضرب مو وسيلة لتأذيب الطفل ومثل ما قلتون الاباء القبلين ما كانوا يضربونا قبل بس نظرة او خزرة منهم انخاف


احيانا انقول هالجيل غير مو مثلنا لما كنا اطفال وهو فعلا بحكم التطورات اللي اللحين عايشينها .. بس بعد الضرب مو وسيلة

وعجبتني ردود فجر القرآن وخصوصا لما قالت اشلون نتخيل واحد اكبر منا ب10 اضعافنا يضربنا صدق شي مرعب ..

يارب اهديني واهدي جميع الامهات

بس الامهات اللي اعيالهم على عمر الاشهر عاد حرام حتى اتفكرون اتخزونهم بعد مو تضربونهم لانهم يتأملون فيكم اللحين والله حرام

اللحين قاعدة اسمع دعاء الجوشن الصغير وان شاء الله راح اشغله كل يوم واسمعه لان فعلا يهدأ النفسية ...

مسزز عادل بانتظار موضوعش

الأم اللى تضرب على طول رايحة جايه تضرب على الشي اللى يسوى واللى مايسوى ..
أقول ليها حرقتين كل أوراقش من أول الطريق..البقية في حياتش ..!!
لأن الحين ماعندش ولا وسيلة واحده تعبرين فيها عن انزعاجش وغضبش من موقف مستقبلي قد يفعله طفلك في المستقبل يمثل خطورة فعليه وحقيقية عليه أو يتنافى مع قيم العائلة ويتجاوزها ويجب تربويا الرد الفوري والحازم للتأديب..الحين ويش بتسوين؟؟؟؟؟؟؟؟ .. بتضربين ؟؟ عادي...!!!! متعود وش بتسوين الحين الموضوع يحتاج رد حاسم وحازم ..واحنا لم تعد عندنا طريقة أو ردة فعل تناسب حجم التصرف الذي صدر منه ..!! ما باقي اللى نذبحهم :(

الضرب أو ردة الفعل القوية ندخرها الى مثل هذه المواقف التي تتطلب رد حازم وفوري أقصد الضرب التأديبي لتوصيل رسالة في موقف خطير...فلا تفرطوا فيها وتستخدمونها في الرايح والجاي (f)