بنات كرهت زوجي ما اطيق اطالع بوجهه ساعدوني أو بتطلق

اختي اللحين انتي سويتي كل هالسالفة وهالمشاكل لأنك شفتي في ايميلاته اسماء ونيكنيمات بنات!!!!


اولا انا ما اقول ان الامر سهل وبسيط بس بنفس الوقت يحتاج تفكرين ألف مرة وبعقل قبل لا تحكمين على شئ شفتيه على شاشة كمبيوتر لأن المظاهر احيانا تخدع.

مثلا اللحين انتي عندك ايميل وصديقاتك يرسلو لك واحيانا تعرفين لما صديقتك ترسل ايميل جماعي الاشخاص الثانيين يشوفون ايميلك من ضمنها فيحفظونه عندهم ويجلسون يرسلون لك بعد مع انك ما تعرفيهم ويمكن بينهم شباب بس انتي تشوفي وتطنشي لا تردي ولا شئ . هل هذا معناه لو زوجك فجأة شاف ايميلك وشاف هالاسماء الغريبة يعني انتي خائنة وتكلمي شباب !!!
هل فكرتي في هالاحتمال لما جيتي تتهميه ؟؟؟

او انه قبل الزواج كان متعرف على بنات بالشات او بالمنتديات وكانو يتراسلو بالايميلات وبعد الزواج هو ما صار يكلمهم بس هم يرسلون له ايميلات ممكن تكون عادية وممكن يسألون عنه وهو مطنش ما يرد . هل فكرتي في هالاحتمال ؟؟؟

او او او او ........... يعني عندك عشرات الاحتمالات ولكن انتي اخترتي اللي بالنسبة لك الاسهل وهو انه خائن.

لما قلتي ان زوجك ثقيل اعذريني قصدك ثقيل الوزن ؟؟ او ثقيل الدم والشخصية؟

يمكن هالشئ هو اللي يخليك ما تشوفين ايجابياته فما تحبينه.اذا كان صاحب وزن زائد انتي اوقفي معاه وشجعيه يخفف وزنه ويعمل رياضة ورجيم. واذا ثقيل الدم انتي بيدك تغيري طبعه باللين والحب .

اللحين انتي تنتظري ولد في الطريق. فحاولي تحلي المشاكل بهدوء واتفاهمي معاه واذا هو غلطان خليه يحس بالغلط وما يكررها. اما انك على طول تقولين اكرهه وهالسوالف فهذا يدل على ان عمرك صغير وما عندك نظرة واعية للواقع.