مستشفى الارساليه الامريكيه ( بنات البحرين ) ضرووري

هلا اختي انا بحملي هذا قررت اتابع بالامريكي لانه سمعتهم وااايد زينين بعكس التخصصي ما عجبني تعاملهم وياي في ولادتي
كنت اتابع عند الكا انجليزيتها اوكي وتعرف عربي بعد بس ما عجبتني لانها ما كانت تقول لي شي يعني ما تشرح وااايد بس زينه ولما اخذت اجازة حولوني على دكتورة لبنى والصراحه استانست وياها تشرح لج كل شي وبالتفصيل
المهم كل مرة ياخذون على تقريبا 17 ويا الحبوب
بالنسبة للولادة اذا تاخذين بكج بكون ارخص من اذا ما اخذيتي

هلا حبيبتي

انا اتابع با الأمريكي بس عن دكتوره هينا

وايد زينه وطيوبه كنت ابي الكا لأن وايد يمدحونها بس ما حصلت مواعيد عندها الا بعيده

فقالت لي الي تشتغل خذي موعد عند اقرب دكتوره وبعدين تقدرين تغيرين للي تبينهاااااااا

الأمريكي معروف بخبرته وبشطاره الدكاتره الي عنده

بخصوص فتح الفايل والمراجعه

انا رحت زيارتين

الزياره الأولى مع فتح الفايل 21 من دون ادويه

والزياره الثانيه مع الأدويه 20

والحلو انج تقدرين تختارين الموعد الي يناسبج صبح عصر او ليل وما تتأخرين هناك

والله يسهل عليج حبيبتي

اهلا اختي ..

مبروك الحمل و الله ييسره لك و يتممه بصحة و سلامة .

انا جربت بانو و ألكا و ارتحت من الثنتين .. لأنهم استشاريات مو مجرد دكتورة مثل جولييت او سوزان اللي هناك .

ألكا تتكلم انجليزي و كلش حليوة و طيوبة و تعطيش وقتش ، و معاها اللي تساعدها تكون بحرينية و لو حبيبتين تترجم لش .

الله يسهل امورج يا عيوني
انا لما كنت حامل بولدي كنت متابعه تسع الاشهر عندهم , معاملتهم حلوة و زينين
لكن ما ولدت في الامريكي , ياني الطلق بسرعه ورحت لأقرب مكان كان مستشفى جدحفص و الحمدلله كانت معاملتهم بعد حلوة و يساعدونج

اهليييين بحوورة

منوورة موضوعي والله

ان شاء الله الي الله كاتبه بصير

يارب يرزقج بالحمل الثابت

ويتمم لنا على خير

يارحمن يارحييييم