قصة ولدتي باحلى حمودي..!

هلا بامهات عروس..

هذه قصة ولادتي بالقمر حمودي..
الي عطوني المستشفى اولد فيه بتاريخ 24-11-2009..لكني ولدت بتاريخ 26-10-2009
تاخرت يومين!..
مع اني ببداية التاسع شادة فيها مشي ومسهلات كنت ابي اولد بسرعة واكثرية الحوامل يبون يولدون من اول مايدشون التاسع من الثقل والتعب..خصوصا ولادتي الاولى كانت ببداية التاسع..والاتصالات الي تجي لك ها ماولدتي للحين هههه
لكن امي الله يحفظها تقول الطفل مايجي الا بموعده..

المهم

بعد ماطوفت يوم خلاص ..
امي اتصلت فيني تقول لي روحي المستشفى يسون لج تخطيط يمكن يجيك الم مادري منو قايل لها..
انه ماكذب عليكم صادني احباط قوي وكل الم ماصدقه انه ولادة ابدا وهذا الي صار
بتاريخ 25-11 جاني الم طلق بعد ما استحميت يزيد بانتظام وانه اراقب الساعة ومتاكدة ان الالم يجيني منتظم بس بعد قلت مابقول طلق واتفشل ويطلع مو ولادة!

استمر الالم فقلت لزوجي وزوجي وقتها ماكان مصدقني قال لي النه بروح انام اذا كان فعلا طلق عشان اذا زاد اخذ فترة راحة شوية واخدج المستشفى..حسيته انه ياخذني على قد عقلي! يمكن لاني طولت وحاسني اتخيل اني بولد

طول الليل مانمت افتر في البيت ..لان الالم مو مخلني انام..تركت زوجي نايم ..ووقت ماصار الصبح تذكرت كلام امي قلت ليش ما اروح اسوي تخطيط بالمستشفى يمكن يكون الم طلق صج..قلت بتصل لمرت اخوي قبل اسالها لان مترددة اروح ولالا ..قالت لي انتي بعدج تفكرين مطوفة موعدج يومين وكل هالالم ومنتي حاسة ولادة ولالا انه مو عارفة اي كثر تتالمين بس طول ما انج تتالمين وانتي مطوفة موعدج هذا طلق

رحت قعدت زوجي وقلت له خلاص ودني المتشفى حاسىة انه ولادة صج لان عن جد اتالم بقوة وقتها..خذينا علاوي لبيت عمي..قالت لي عمتي قعدي عندي لاتستعجلين يمكن مو ولادة لان محد متاكد اني بولد..قلت لها بروح خلاص كنت ذاك الوقت مو قادرة اتحمل
ورحنا المستشفى علطول وكنت وقتها الدكتورة بعد مافحصتني طلع التوسع 5 سم فقالت لي ولادة علطول ودخلوني غرفة الولادة..وكل مايزيد الالم امسك يد زوجي
لماصار التوسع 8 سم ..خوفوني قالو لي ان كل ما يجيك الطلق الطفل يقل تنفسه واحتمال نسويج قيصرية فخفت وايد وقعدت اصيح دموع بدون صوت لان ماقدر اطلع صوت وقتها
جت لي امي وطمنتني وماخفي عليكم لما كانت امي معاي حسيت براحة تامة وطمانية فوق ماتصور وكل ماتمسح علي براسي احس الالم يخف سبحان الله
قالت لي ساعديهم ومحد يقدر يولدج قيصري غصب ساعديهم عشان تولدين طبيعي وكل ما يجيني الطلق صرت اتفس بقوة
وسبحان الله نزل راس البيبي وماولدوني قيصرية صار لازم وقتها يولدوني طبيعي وطلع احلى حمودي ..
للمرة الثانية اناظر ولد من احشائي..
وللمرة الثانية اشوف دموع الفرح تنصب بعيون زوجي الغالي حبيبي ونور عيني وهو يجي يباركلي ويبوس راسي
فرحة ماتصورونها ..ولا اقدر اصورها بالكلام..
الحمدلله ان الله سلمني وسلم البدر حمودي..
والله يخليه لنا يارب ويجعله من الذرية الصالحة واخوه

والله يرزق كل محرومة يارب ويعطيها ماتتمناه يارب..
والله يسهل لكل حوامل التاسع..ويثبت حمل باقي الحوامل..