مشاكل مع اهل زوجي

الكلام الطيب اهم شئ

والتطنيييييييييييييييييييييييش


طنش تعش تنتعش:p

أختي هندوانه

كان الله في عونك ، المشاكل الأزلية مع أهل الزوج ما تخلص بس العاقلة هي اللي تقدر تحتويها وما تخليها تأثر على حياتها

شوفي عزيزتي اذا انتي ساكنة معاهم وما عندهم أحد يهتم فيهم غير زوجك الله يعينك لأني بصراحة ما أقدر اقول لك اطلعي من البيت ، بس لو عندهم من يعيلهم اقنعي زوجك بضرورة الاستقلال بحياتك وحاولي ما تحسسيه انك متضايقة من أمه أو خواته لأن مافي رجال مهما كانت درجة حبه لزوجته يرضى على أهله واللي مافيه خير في أهله مافيه خير لأي أحد ، لو كان خيار الانتقال صعب حاليا عندك كم طريقة عشان تخففين من حدة المشاكل وكسب ثقتهم وحبهم

* حاولي اشراك اخوات زوجك وأمه في نشاطاتك اليومية يعني يوم روحوا السوق مع بعض ، روحوا مطعم ، تمشوا

* اشتري هدية لأم زوجك تكون على ذوقها يعني شي يعجبها ، ملابس ، شي للبيت

* شجعي أولادك على التعامل مع أهل ابوهم بكل احترام وحب ومهما كانت المشاكل بينكم لا تخلينها تأثر على علاقتهم بجدهم وجدتهم

* بين فترة والثانية سوي لهم عشا في شقتك واعزميهم وبعدين حطي لهم شريط زواجك أو تذكروا أي مناسبة حلوة مرت عليكم

* حاولي تساعديهم في شغل البيت ( لو كانوا هم اللي يشتغلون ) خاصة في وقت الزحمة والعزايم حتى لو ما سويتي شي كثير على الأقل مساعدة

* دائما امدحيهم في حضورهم وحتى في غيابهم أمام من تعتقدين انه راح يوصل لهم الكلام ( لا تقولون نفاق ) امدحيهم في شي هو فعلا فيهم وانتي تحبيه

* كوني في صفهم ( لو كانوا على حق ) ودافعي عنهم بحرارة

* شجعي زوجك على التواصل مع أفراد اسرته بشكل مستمر يعني يسأل أخواته وأخوته عن اخبارهم في الدراسة والعمل والحياة اليومية

* احضري كل مناسباتهم يعني في الفرح والحزن

اختي عندي نصايح كثير بس اتمنى انك تطولين بالك معاهم خاصة لو ما تقدرين تتركين البيت والله يعينك

تحياتي لك وقلبي معاك

اهم شي حياتك مع زوجك والمشاكل لابد منها بهاراااااااااات بس انت حاولي تكوني الافضل دايم وترفعي عن الخرااااااابيط اللي يثيروها وان ما كان في فايده خلي زوجك يواجهك معاهم وكل واحد يقول الي بقلبه والله يعين.

بسم الله الرحمن الرحيم

الله يكون في عونك أختي ......

احترام أهل الزوج وتقديرهم له أثر كبير في حياتك بس مو اللحين تحسين بالأثر ....أحسني معاملتك معهم مهما أساءوا لك لأنك في النهايه أنت الرابحة إنشاء الله مهما طال الزمن ....واحتسبي الأجر في كل شيء ..

وزي ما قالوا الأخوات الهدايا لها تأثير كبير يقول الرسول صلى الله عليه وسلم (( تهادوا تحابوا)) ..مساعدتهم في المنزل له تأثير كبير ...

أنبهكِ على نقطة مهمه : أطفالك لا تحاولين أنهم يفهمون المشاكل اللي بينكم لأنهم راح ينشؤن على كره أهل أبوهم ....ومهما صار ربيهم على حبهم وتقديرهم ..

بالنسبة لزوجك صعب أنك تواجهينه وتقولين له عن أهله كذا لأنه ماراح يرضى فيهم ... وقدري موقفه أنه راح يكون محتار بين أهله وزوجته وصعب يخسر الأثنين ...

أخيراً : حبيبتي عليك بقيام الليل والتضرع إلى الله والحي على الله في الدعاء ..وادعي الله أن يألف بين قلوبكم ويصلح ذات بينكم ...فأن الله سبحانه وتعالى يصيب المسلم بالمصائب حتى يسمعه وهو يناجيه ...فعليك بمن يفرج الهموم والكروب سبحانه وتعالى فأنه خير معين ..

أسأل الله العظيم رب العرش الكريم أن يألف بين قلوبكم ويصلح ذات بينكم وأن يجمعنا في الفردوس الأعلى من الجنة ...

اختى الله يعينك ويصبرك..
بس حاولي انك تتغاضين عن بعض الامور اللى تصير..
واهم شيء الكلمة الطيبة ..لانها هي مفتاح القلوب..
وما اقول الا الله يهديهم ان شاء الله..

اختي الغالية مافي في هالدنيا بيت وما فيه مشاكل من كل نوع و كل لون





والخوات الغاليات اللي في المنتدى اعتقد انهم ماقصروا وياج و الله وياج

السلام عليكم
طبعا الخوات ما قصروا في الرد لكن انا بضيف شيء انا مجربته شخصيا لكي أتحاشى المشاكل والزعل مع أي أحد بشكل
تدرين شنو؟؟؟؟؟؟؟؟؟؟


أذكار الصباح والمساء
وخصوصا ((حسبي الله لااله الاهو عليه توكلت وهو رب العرش العظيم ))
سبع مرات

الله بوفقك ان شاء الله

مشكوره خواتي ما قصرتوا
وزي ما قلتوا أهم حاجه للمره مع ريلها

وطنش تعش تنتعش

الله يوفقج اختي ويصبررررررررج ويعينج والله هاي السالفه متكرره في كل بيت وماخفي اعظم بالنسبه لي ولغيري والله يعينا جميعا

سلاااااااااااااااام

الله يكون في عونك

عزيزتى اذا ظروفكم تسمح انك تطلعون في بيت الاحسن انكم تطلعون

لان الوحدة ماترتاح الا في بيت لوحدها هيه وزوجها

وبعدين أناااا الحظ اذا أحترمتى أهل الزوج ركبوا على راسك واذا طلعتى

لسانك الكل أحترمك وعمل لك ألف حساب

الافضل ان تنتقلى لمسكن خاص و اشترى دماغك

عزيزتي انا بقولك على طريقتي مع اهل زوجي
اني ما اتدخل كثير بخصوصياتهم (( مع العلم ان ساكنه معاهم بنفس البيت ))
وانا مقتنعه تمام الإقتناع انه اذا هم قالوا لي okاسمع لكن اذا ما احد قال لي عن اي شيء يصير في البيت ما اتدخل ولا اتكلم ولا اعطي رأيي لأنه ممكن بنقلب ضدي ويقولوا فلانه قالت

علشان كذا انا احاول قدر الإمكان اني اكون بعيدة كل البعد عن المشاكل
لكن هذا ما يعني اني اسفههم ولا اتكلم معاهملا بالعكس انا اجلي معهم واشاركهم الحديث لكن في امور عامه مثلا نسولف
لكن مشاكل داخلية بينهم لا مستحيل اني اتدخل وصدقيني صار لي 6 اشهر عايشة في بيتهم ولا حد تكلم عني بسوء

هم يقولوا اني انا ما ادخل في شؤوونهم واعتقد هذا المفروض اللي مفروض يصير
لأنه زوجة اخوه كثير تداخلت معاهم وصارت مشاكل لا لها اول ولا تالي


وانا دايما اردد بنفسي المثل التالي :

الباب اللي يجيك منه الريح سده واستريح

فليش افتح النار على نفسي وعلى زوجي وعلى حساب استقراري النفسي والعاطفي مع زوجي

علشان كذا انا بقولك
انه حاول يانك ما تتدخلي بامورهم كثير وخليكي في وضع المراقبة من بعيد لبعيد
وبكذا تسلمي من شرهم
وان اساؤوا لك احتسب الأجر عند الله ولا تروحي وتقولي لزوجك
امك قالت كذا واختك سوت كذا
لا حبيبتي طنشي ولا توغري صدر زوجك على اهله ترا السالفة بعدين تنقلب ضدك

والله يعينك