التجمع الثالث للحوامل اللاتي يلدن في شهر 5(مايو) 2010

حرم أحمد..
الحمدلله على سلامتج..
زين والله ان شاء الله دوم نشيطة ومفرفشة..
تصدقين أنا مثلج أستانس لين أتسوق وتتغير نفسيتي.. بس ويا الحمل العكس..
مزاجي ما يعدله شي ولا تسوق ولا شي.. ههههه

عليج بالعافية خيتو.. شنو شريتي؟
أكيد تسوقتي للعيد صح!

بنت الاصايل :rolleyes:
اسم الله عليج ..
ماعرف انتوا فالبحرين شلون نظامكم ،،
احنا الطوارئ عندنا وايد زينين ..بس انا ماعتمد على كلامهم 100٪ ..لازم اتأكد من دكتورتي ..اذا قالتلي نفس كلامهم امشي عليه ..بس اذا قالت وقفيه اوقفه ..
مااثق فيهم ..خبرج فالطوارئ اشكال وانواع من الدكاتره المناوبين ..واشك مرات ان هالدكتور يكون عنده خبره ولا توه متدرب ويتعلم علي..

كتكوتة..
اي مثل ما قلتي.. الدكاترة يجونج أشكال وأنواع!

بروحه هالدواء مو أي كلام.. سالفة ضغط هذي.. أروح ألعب في عمري مني والطريق.. بروح لدكتورتي أول أتأكد منها وبعدين يصير خير..
تصدقين مستانسة خفت عني أعراض الوحام.. يجيني الصبح بس ترجيع وبعدين الوضع أريح من الشهر اللي طاف.. الحمدلله رب العالمين.. أجر من الله..

دعواتكم لي خواتي

ايه والله حبيبتي تسوقت للعيد لي ولأولادي بس البيبي فديته ما شريتله شي امي ما ترضى نشتري قبل الشهر السادس تقول فال مو زين عاد تعرفي الحريم وسوالفهم .... لكن على طاري الحمل انا صارلي 3 شهور تعبانة حدي من الوحام وما طلعت ابدا وهذيك الفترة كانت كل الماركات عندها تنزيلات وطافني كل شي والحين يوم انا تنشطت شوية خلصت كل التنزيلات مولات دبي كلها وما تحصلي ولا سيل كله اشياء جديدة منزليين للعيد بس يالله الحمدلله لميت لأولادي تقريبا لكل واحد 25 تي شيرت ويمكن 6 بنطلونات وشورتات لان ما يحبوا يلبسوا بوانطيل غير جينزات . واشتريت لنفسي بجامات ودراعات للبيت قطنيات تهبل ورخيصة الواحد ب 30 درهم وفصلت عبايات ومخورات وبتجهز بعد اسبوع . والأهم من كل هذا حسيت اني مسافرة واستمتعت والحمد لله .

حرم أحمد..
أنا تصدقين ما شريت شي للعيد.. جايتني حالة ملل فظيعة من كل شي.. أقول لزوجي مابغي شي للعيد ههههه من صجي والله..
ثياب حملي الأولي للحين ما تغيروا جداد.. بس بعد مابغي أشوفهم.. ذكرياتهم مرة وياي.. اذا فكرت البس شي للعيد بشوف منهم شي مرتب وخلاص..
أما عصوم عندها كم قطعة مو ملبوسين بخليها تلبسهم، وأمي عندها محل فساتين بعد، باخذ لها حق أول يوم عيد من عند الوالدة الله يطول عمرها وانتهى الموضوع.. أصلاً جاهلة وش فهمها..!! >>>وايد ملانة خخخخ

تصدقين رحت مذركير الاسبوع اللي طاف ما عجبني شي.. بضاعتهم مو ذاك الزود وغضيت النظر عن الشراء!

أما حق البيبي.. توها الناس مو مستعجلة وايد!

حرم أحمد;10623075:
ايه والله حبيبتي تسوقت للعيد لي ولأولادي بس البيبي فديته ما شريتله شي امي ما ترضى نشتري قبل الشهر السادس تقول فال مو زين عاد تعرفي الحريم وسوالفهم .... لكن على طاري الحمل انا صارلي 3 شهور تعبانة حدي من الوحام وما طلعت ابدا وهذيك الفترة كانت كل الماركات عندها تنزيلات وطافني كل شي والحين يوم انا تنشطت شوية خلصت كل التنزيلات مولات دبي كلها وما تحصلي ولا سيل كله اشياء جديدة منزليين للعيد بس يالله الحمدلله لميت لأولادي تقريبا لكل واحد 25 تي شيرت ويمكن 6 بنطلونات وشورتات لان ما يحبوا يلبسوا بوانطيل غير جينزات . واشتريت لنفسي بجامات ودراعات للبيت قطنيات تهبل ورخيصة الواحد ب 30 درهم وفصلت عبايات ومخورات وبتجهز بعد اسبوع . والأهم من كل هذا حسيت اني مسافرة واستمتعت والحمد لله .

عليج بالعافيه حرم احمد ..
زين سويتي غيرتي جوو ...
انا بروح يكمن يوم الاثنين عقب باجر ..ماشريت حق بناتي شي حق العيد كنت ناويه اطلب لهم اون لاين لأن كللش مافيه شي فالدوحه ..بس ريلي يوم قرر نسافر قلت فرصه خل اروح دبي اتشرى لهم من هناك ،،
ماقلتيلي وين حصلتي القطنيات؟؟؟ ..افكر اخذ جلابيات قطن حق بعد الولاده من الحين اذا حصلت ..بس اغراض البيبي بعد الشهر السابع ،،
انا ماداني اروح ويكون فيه تنزيلات .لأني ماحصل شي ..كل شي يكون مخلص ،،اخر مره رحت فالصيف ماحصلت شي كلللش. لفيت محلات اليهال محل محل ماشفت شي عدل ..

انا اشتريت لبنت اختي من بمبكن باتش ما ادري اذا فيه بالبحرين بس بصراحه فساتين بنات تهبل ولشن ما عندي بنت فاشتريت لبنت اختي عمرها 3 سنوات وطلعت حرتي على امل ان اللي ببطني بنت ياااااارب . الله يحفظلج عصوم .. احس البنات محتاجين اهم شي للعيد ان الواحد يطقم لهم يعني فستان وردي مثلا مع جوتي ودلاغ وردي مع شباصة حلوة من نفس شكل الفستان وممكن اكسسوار بسيط مال يد يمشي مع الطقم سوالف الخرز اللي يبيعهم كليرز ويطلعون شي .

حرم أحمد..
اي البنات لازم سوالف اكسسوارات وجواتي وخرابيط ما تنتهي هههههههه..
أنا العيد اللي طاف كنت مسافرة سوريا وشريت كل شي من هناك..
بمبمكن باتش عندنا بالبحرين.. يمكن أطل اشوف اذا في شي..
في محل بعد اسمه H&M ساعات يجيبون اشياء حلوة بس الزحمة فيه مو طبيعية..

الله يعطيج بنت وتشوفين العبالة ويا التطقيمات ههههه

حتى في مسقط عندنا H&M ودايما اشتري الجينزات حج اولادي من عندهم نوعيتها ممتازة بس التي شيرتات احس قصة الرقبة مع الغسيل تتوسع فصرت اتفادي اشتريلهم من هناك بس تي شيرتات زارا وايد حلوة وما تخترب أبداً .

اي الجينزات مالهم نوعيتها حلوة..

الا بقول لج.. شلون الجو عندكم برد ولا بعده؟
هني يحير الجو عندنا كلش.. نشغل المكيف يصير برد، واذا طفيناه يصير حر.. والعالم كلها مرضانة من هالجو!
انا متحزبة للشتا ما احبه.. احس حركتي تتقيد وبس ابغي اتدفا وانام.. اصير كسلانة مرة هههه..
احلى شي بس تاكلين كستناء مشوي وتشربين وياه شاي أحمر.. برنامج خخخخ

مساء الخير شخباركم اليوم ان شاء الله بخيرررر

امس رحنا السعوديه مره ثانيه بس ويه خالاتي وولاد خلالتي حركيين كانو يلعيون وتجيني ضربه
على بطني اولشي ماحسيت بالم بعدين ماقدرت اتحرك من الالم ادا اقعد يزيد وادا امشي يخف وحسيت
ان جايني اسهال بعد مادري من شنو وهالصخونه ماتروح اووووف ويش اسوي كلشي مره وحده يجي
بس من الضربه حسيت البيبي يتحرك واجد ومن جينا البحرين ماحسيت بحركه الا واني بنام واليوم ماحس بشي
كلش وخايفه اوووووووووووووف وموعدي يوم الاربعاء شسوي انطر موعدي والله اروح اليوم ....

بنت الاصايل على طاري الكستنا انا البارحه شاويه لي و لاهل ريلي يممممممممممم لذيذ

وجدان ما فيج الا العافيه بس انتي رووحي اليوم تطمنين احسن لان الوحدة موو زين الها تقعد تفكر و توسوس.. انا من اشوووف الافرازات اخاف اقوول يمكن ماي البيبي و الله سالفة اربيعتي عقدت فيني

شكلي بس يقعد رجلي من النوم بخليه يوديني ان شاء الله اطمن عليهم الحلوين ويقر عيني فيهم يااااااااااااااااااااااااااارب

ان شاء الله فديتج... عاد طمنينا

بسالج وجدانوو حتى انتي تعانين من الافرازات و الا تحسينها عاديه انا ما احب البلل ابدا

اي الافرازات زايده سئلت ناس واجد قالو ان الافرازات في الحمل شي طبيعي اني بعد ماحب البلل كلحين ابدل

تخيلي انا اقوم بالليل بس اتغسل او ابدل حتى نوومي متقطع بسببها

بنت الاصايل قربي حياااج ويانا لا تمين ساكته افا عليج خخخ

وجدان..
ما عليج شر.. ما صار شي ان شاء الله روحي المستشفى وتطمني احسن

بنت امج وابوج..
اي الكستاء احلى ما بالشتا.. هههه
الافرازات عند الكل عادي.. ماي الجنين انا جربته وقت الولادة ما يوقف يسيل على الرجايل تكرمين كأنج تتبولين.. وايد يعني..
هالوسواس اللي ذابحنا

بنت الاصايل انا كله فبالي انج وياي ف الحمل ما اعرف ليش توووني انتبه للتوقيع انج قبلي ب 4 ايام