بيتزا حلوة .. لأ حلوة بجد :D جربوا مع كلاسيك

السلام عليكم ورحمة الله وبركاته
..~..~..~..~..~..~..~..~..


ازيكم يا بنات ؟

بقالي كتير منزلتش موضوع وكله من الكسل طبعاً :D :o

النهارده هي مش اكلة جديدة اكتر منها فكرة جديدة (i)

شوفتها ف التلفزيون وحبيت اجربها وطلعت حلوة وتجديد عن الروتين




المقادير :


المقادير لحجم صغير مقاس صوانى البيتزا



1 - العجينة








2 كوب دقيق


كوب زبادي


1\2 كوب زيت


خميرة مجهزة ف مية وسكر وخمرانه او خميرة فورية




2- التزيين







شيكولاتة خام + قطعة زبدة (بس نصيحة بلاش زبدة لأنها تقلت الطعم)

ممكن كمان نوتيلا او اى حاجة انتوا عايزين او شيكولاتة بالبندق

هتخلي الطعم تحفففففففة



قطع شيكولاتة انا كان عندي كادبوري قطعتها مكعبات


بسكوت بوريو مطحون




الطريقة:








نبدأ بكوب دقيق واحد ونخلط كل المقادير مع بعض

ونزود الدقيق لحد ما نلاقي قوام العجينة مناسب









شكل العجينة بعد ما اتعجنت ونسيب العجينة حوالي 1\2 ساعه تخمر








نسيح الشيكولاته ف حمام مائي









بعد ما تخمر العجينة نفردها ف صينيه مدهونة زيت او سمن

ومرشوشة بدقيق ونخرمها بالشوكة براحة








ندخل العجينة الفرن لمده حوالي 10 دقايق








نفرد الشيكولاتة







نرش البوريو وبعدين قطع الشيكولاتة


وندخلها الفرن


طبعاً ممكن نزود فواكة مجففه او مكسرات او اى حاجة

بس انا فضلت البوريو علشان يدي شوية قرمشة بس

خفيفة لآني كنت عايزاها كلها طرية مفهاش حاجة جامده زي المكسرات








هنا بعد ما طلعت من الفرن القطع دي بتكون دابت بس محتفظة بشكلها








وادي القطعة بتاعتي :D


بس دي تتاكل ف وقتها يعني مش تبات لتاني يوم

او لبليل حتى لأن الشيكولاتة بتحجر وتنشف

طعمها جميل زي اى معجنات بالشيكولاتة :)



يارب تعجبكم الوصفة ادعولي بقى دعوة حلوة :)(f)