:: ميزانية السفر ... هُنا ::

انا سافرت امريكا ( اورلاندو ) وبعد رحت 5 ايام كرروز .. رحت مع زوجي وتبرطحت وسويت كل اللي في خاطري
بس ما اخترنا افخم الفنادق! كانت فنادق 4 نجوم بس تكون نظيفة وزينة

وجلسنا فيها اسبوعين ( مع الكروز ) ..

كلفتنا السفرة على بعظها تقريبا 30000 ريال سعودي

وان شاء الله اكون فدتكم

بدر البدور;10816883:
انا سافرت امريكا ( اورلاندو ) وبعد رحت 5 ايام كرروز .. رحت مع زوجي وتبرطحت وسويت كل اللي في خاطري
بس ما اخترنا افخم الفنادق! كانت فنادق 4 نجوم بس تكون نظيفة وزينة

وجلسنا فيها اسبوعين ( مع الكروز ) ..

كلفتنا السفرة على بعظها تقريبا 30000 ريال سعودي

وان شاء الله اكون فدتكم

سلام يا عرايس

الموضوع قديم بس بالمشاركة مالتي بخليه جديد مع السنة الجديدة

البلد الى سافرت لها : تايلند
تاريخ السفر: 18 مايو 2009 الى 5 يونيو 2009
عدد الافراد المسافرين : 3 ( اني و زوجي و بنتي عمرها 3 سنوات )
سعر التذاكر : 200 دينار للفرد و 150 للبنوته

سبب الزيارة: الاستجمام و الاستمتاع بطبيعة هالبلد و كذلك للتسوق....تايلند زرتها سنة 2005 و كان شهر العسل لمدة اسبوع فقط بحكم اني كنت طالبة بالجامعة و بالعزر عطوني اجازة...........حسيت اني ما فريتها عدل و بعدين ظليت بالبحرين ولا سافرت لحد 2009 يوم اشتغلت و قررت اسافر عشان اخذ اجازتي

السفرة جت فجأة من غير مقدمات ولا تفكير قلت لأبو نوراء و الله خاطري اسافر و الحين انتهت الجامعة و نوراء صارت كبيرة و كورس الشغل اللي كانو عاطيني اياه مدته 6 شهور انتهي شهر مارس............خلنا انسافر........بعد الرجال ما عطل سيدة قال لي اي مو مشكلة شوفي وين تبين اتروحين و رتبي الاماكن و كلشي و بنروح

قلت ليه بس على شرط............شنو؟؟؟........ابغي في هالسفر ولا مكان ما اروحه ............ابغي اسوي كلشي فيها...........استجمام مغامرات و شوبينغ..........يعني افتل في السفرة

ففكرت في بلدة اتحقق لي هلاشياء ووقع الخيار على تايلند

لو بقول لكم السفرة كم كلفتني ما بتصدقون ............بس اني السعر اللي خديته وياي مبالغ فيه لاني فيني طاقة مكبوته و ابغي افرغها...........كان عندي المبلغ بعد قطع التذاكر 7960 دولار يعني تطلع تقريبا 3000 دينار الا اشوي

ماراح اكمل عشان راح اكتب التقرير لسفرتي عما قريب

موضوع حلو...والبنات ماقصرن

مشكورة على الطرح