بنات البحرين بغيتكم دلوني على محلات كيك عيد ميلاد

بنات يريت تخبرونا عن الاسعار اذا ممكن

من أم حسام ما أذكر السعر بس هذي " فروت أكبر حجم " + اللي تحت شكولا أصغر حجم أعتقد ب 32 دينار





أختي سوت كيكة عيدميلاد بنتها في ليلو ب 100 دينار ... أنا أحب كيك ليلو بس الكيكة كان طعمها عادي جداً لكن شكلها روووووووعة ومتميز

أخواتي جربوا لأكثر من عيدميلاد كيك بارسا في عالي وكان الطعم والشكل روعة ما عندي غير صورة فيها ولد أختي فما أقدر أعرضها وصورة للميني كيك




بس للأمانة من يومين أخذت من عندهم كيك وكلش ما حبيته ما أعرف هو فعلا كيكهم تغير او أنا ما كنت حابه آكل حلو لأن تصير معاي ساعات أحس كل شيء حلو طعمه سيء وما اتقبله

Hanadi_Hussain;10589385:

وجربي clever cupcakes وحدة تسوي كيك في الرفاع الغربي اشكاله حلوة بس الصراحة ما جربته..

وبعد swirl cpcakes صاحبته تسويه في البيت

ماقلتي لنا في وين يصيرون هالمحلات؟؟

هلا أختي عندج أم حسام بالدرجة الأولى وبعدها حلويات قيصر عجيب هذلين جربتهم كيكهم خفيف وحلو وسعره معقول أحسن من غيرهم

بصرراحة اني اتعامل وية المنار كيكهم حلو وخفيف وسعرهم ولا اروع

وام حسام سعرها مو على الكيلو على الحجم يعني ما تمشي بالكيلو
اختي سوت عندها بنفس سعر المنار الي 3 كيلو طلعت صغيررة وااجد عن المنار الي ب3 كيلو

:Dليلو وبس

الاول : ليلو

الثاني : لوشوكولا

الثالث : مايا في السيف والستي سنتر

صراحة المخبز الشرقي في المنامة وبس كيكهم ما عمري اكلت مثله واسعارهم مناسبة جربيه وماراح تندمين

ومنكم نستفيد
متابعة جيدة للموضوع

dle3o0o;10595455:
صراحة المخبز الشرقي في المنامة وبس كيكهم ما عمري اكلت مثله واسعارهم مناسبة جربيه وماراح تندمين

وين يصير هالمخبز بالضبط وشنو عن أسعاره بالكيلو ؟

dle3o0o;10595455:
صراحة المخبز الشرقي في المنامة وبس كيكهم ما عمري اكلت مثله واسعارهم مناسبة جربيه وماراح تندمين

خيو كليت من كيكهم قبل فضيع خفيف ويسوون على كستر لا بس ممكن توصفين ليي وين يصير محلهم بالظبط

بقولكم نبذة عن المخابز والمحلات اللي جربتها ::

باسكن روبنز :: وايد حلوة بس تذوب بسرعه لانه فيها ايس كريم واسعارهم تبتدي من ستة دينار ونص و14 دينار حسب حجم الكيكة

ديري كوين :: حلوة ومثل باسكن روبنز

ليلو كيك عنده فرع في العدلية :: كيكتهم لا يعلى عليها بس اسعارهم غاليه شويه الكيلو على ما اعتقد ب 15 دينار واني جربتها في مناسبات خاصه مثل عيد الزواج او عيد ميلادي او عيد ميلاد زوجي يعني لو تأخذين منهم كيلوين او ثلاث معقوله

المخبز الاوروبي(( العدلية )) :: كيكتهم وااااااايد عجيبة ويسوون اشكال روعه حق الاطفال والكيلو عندهم بعشرة دينار

مري (( الرفاع _ البوكوارة )) :: حلو ستاليهم ومشابه حق المخبز الاوروبي والكيلو بعشرة دينار

مخبز المنار :: حلوة كيكتهم بس شويه ثقيلة من الكريما والكيلو ب 6 دينار

سعد الدين :: عجبتني كيكتهم بس ما ادري عن السعر جم لاني جربتها بعيد ميلاد صديقتي

أم حسام :: يقولون حلوة كيكتها قلت بجرب من عندها بس ما حبيت تعاملها ويا الناس .. !!

مخبز الشرقي :: روووووووووعه كيكتهم من ناحية طراوة الكيك والكريما كلش خفيفه واسعارهم تمام الكيلو بستة دينار واني احصل تخفيض يعطوني الكيلو ب 4 دينار

جواد :: حلوة بعد كيكتهم والفروت عجيب وفرش وبعد احصل تخفيض واحصل الكيلو بخمسة دينار


مخبز الشرقي فيه فرعين الاول في المنامه شارع سوق الذهب في صفته مكتبة الديري وقبل مأتم الصفافير

والفرع الثاني في ميناء سلمان

واذا تبغين شي اني حاضرة

كلمة الحياة;10593276:
ماقلتي لنا في وين يصيرون هالمحلات؟؟

ممكن اضيف وصلات؟

swirl cup cake
clever cupcake bahrain
موجودين على الفيس بوك والانترنت..
بتلاقين ارقام تلفوناتهم .. هما شغل بيت..
clever cupcake : في الرفاع الغربي تقريبا لما اتوصلين اشارة التقاطع بين عالي والمستشفى العسكري لفي كانه بتروحين عالي بعدين لفي يسار على اول اشارة تلاقينها وواصلي على طول الطريق حتى توصلين الدوار اللي جنب مسجد الشيخة حصة لفي يسار رقم المنزل 1176 الافضل تتصلين في المرة اول

جربتوا كيك مخبز البستاني جربته في الشغل واحد من العملاء يابه للموظفين وايد خفيف عجبني على العلبه مكتوب انه في جد علي بس ماعرف عن اسعاره بس كان وايد انواع من الكيك

نور العمر;10597435:

مخبز الشرقي فيه فرعين الاول في المنامه شارع سوق الذهب في صفته مكتبة الديري وقبل مأتم الصفافير

والفرع الثاني في ميناء سلمان

واذا تبغين شي اني حاضرة

في وين بالضبط في ميناء سلمان؟؟؟

Hanadi_Hussain;10598181:
ممكن اضيف وصلات؟

swirl cup cake
clever cupcake bahrain
موجودين على الفيس بوك والانترنت..
بتلاقين ارقام تلفوناتهم .. هما شغل بيت..
clever cupcake : في الرفاع الغربي تقريبا لما اتوصلين اشارة التقاطع بين عالي والمستشفى العسكري لفي كانه بتروحين عالي بعدين لفي يسار على اول اشارة تلاقينها وواصلي على طول الطريق حتى توصلين الدوار اللي جنب مسجد الشيخة حصة لفي يسار رقم المنزل 1176 الافضل تتصلين في المرة اول

مشكووره حبوبة وان شاء الله اجربة
تفضلوااا
http://forums.3roos.com/t494065.html

ليلو لذيذ كيكهم
سعد الدين بعد
ام حسام

قيصرفي وين يصيربضبط؟
بارساالي في عالي وين بضبط؟

كلمة الحياة;10601010:
في وين بالضبط في ميناء سلمان؟؟؟



مشكووره حبوبة وان شاء الله اجربة
تفضلوااا
http://forums.3roos.com/t494065.html

هلا خيوو تدخلين ميناء سلمان

وتروحين سيدة على الشارع نفسه بتلقينه على يدج اليمين مكتوب في الجدار جم محل فاين فود و مخبز الشرقي يصير مقابل اسواق مترو

هلا اختي ام حسام احلى كيك بصراحة