ξღღღҳ̸Ҳ̸ҳالم من أختياريҳ̸Ҳ̸ҳღღღمتصفح خاص

كلمة لكل من أصرت علي باأكمال مافاتني من دروس الدورة لكِ أحصل على وسام أجتياز الدورة
اقوووول وشنو يعني وسام ؟!! اصبح لايعني لي شيء بعد ماكنت متحمسه جدا له

وأذا فقدته شنو راح يصير؟؟ انا فقدت من لايعوض غيابه شيء آخر ..فقدت اللي عمر أوسمة الدنيا ماراح تعوضني عنه
وأذا تقدرون أخذوا كل الأوسمة اللي عندي بس ردوا اللي فقدت ..فقدت أغلى وسام وأنبل وسام وأشرف وسام كان على صدري
واضعته بلحظة غباء ..أو وفاء..أو حسن نية..
كنوز الأرض واوسمتها لاتعوض ماقد فقدت ومهما تكلمت عنه اشعر بخجل كلماتي وتقصيرها في التعبير عن عظم وهول مافقدت !!
اللهم يامن رددت يوسف على يعقوب
وموسى على أمه
رده لي ردا جميلا عاجل غير آآآآجل...اللهم آميين

بالاسفل رابط موضوع شدني جدا عنوانه وكأن الله اعثرني عليه حتى يكون دافعاً لي لكِ أزداد انا صلابة أيضاً

انصحكم بالمرور عليه
حفاظاً على حقوق صاحبته ولانها من تعبت عليه اكتفيت بالرابط فقط بعد أخذ الموافقة منها

[MARK="#000000"]حالة سكر[/MARK]

كل ليله في غيابك ( ألف عام )
............... وشاعرك من غبت ، ماعنده نظر
صار فيني شي مو قادر أنام !!
............... هذا هو [ الحب ] أو هذا [ سحر ] !!
بين حيرة وشك وأشواق وملام
............... تنقطع بسكات ! ـ لا حس وخبر !!
ماحطبتك .. لين شفت الإهتمام ،
............... ليش تتركني وحيد ... بْلا شجر !؟
رحت مثل الحلم لحظات المنام
............... وجيت مثل " الموت " للّي يحتضر
أفقدك : مثل الطفل وقت الفطام
............... وأعشقك : عشق بدويٍ للـ مطر
أذكرك : وأذكر تفاصيل الكلام
............... وأسهرك : يمكن تمر / وما تمر
ليش تسرق قلب في عز الظلام ؟
............... ليش تقتل شخص لك عنده قدر ؟
جيّتك .. مسك ( البدايه و الختام )
............... جيّتك .. عندي مثل : فكره بكر
راضي لو مره تجي في كل عام
............... كنّي طفل وشوفتك [ عيد الفطر ]
لأني من شفتك أحس إنّي : تمام
............... كنت صاحي وقلبي في حالة سكر
كانت أجمل ليله كانت ( يااا سلااام )
............... ليله وحده بـ العمر تسوى العمر

[MARK="#000000"]...مــوَّت غيـــاابك ســـوالف !...[/MARK]

تدري وش سوَّى غيابك ؟!
مـوَّت غيابك سوالف ..!

ما يخوِّفني زماني
بس من فرقاك خايف ..!

فجأه أصحـى ومـا أشوفك ..
لا تهددني ... ظروفك

إعتبرني .. حلم / واقع
وإلاَّ ظلٍ ما يطوفـك

ضاميٍ عطشان .. جيتك
لا يعشمني سرابك ..!

تسمح بكلمه ؟! بغيتك
قبل لا تبدي غيابك ..!

/
/
.
.
تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!
تبْدي ضحْكاتي هلابكْ
وفي وداعكْ
ما ينامْ الجَرحْ بدْري
وإنتْ كيفكْ
شوفْ وشْ ناوي عليـه
هاكْ قلبي وهاكْ سيفكْ
وسوْ فيني اللــي تبيه!
لا تحاتيْ
صفّحْ بكيفكْ جروحي
وإشْطبْ آمالي وطموحي
وإعْتبرْ قلبي كتابكْ !!

/
/
.
.
تدري وشْ حطّم غيابكْ
مرْكَبْ بداخلْ شعوري
منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني
وصارتْ الدنيـا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر
منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا
يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني
والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!

/
/
.
.
تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟
ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !
إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي
عشت وافي لدنيتك
وبموت وافي ..
ما اخونك لو تجافي
ما هو آنا اللي إن ضاقت
علي الدنيا / خنت

[MARK="#000000"]كمِّل جميلك ..![/MARK]
شي يخصك باقي عندي " قلب " من غيرك وحيد !
ما يبي يبقى بدونك .........! يا أجيلك / أو يجيلك !
يسألوني الناس عنِّي ! [ ليه ما أكتب : قصيد ] ؟!
قول .. لا تسكت .. تكلَّم .. وش أجاوبهم دخيلك ؟!
إختلفنا . . . . . وماعرفنا ، شنهو الراي السديد ..
يا تضحِّي في عنادك ..! أو ، أضحِّي في سبيلك !
ليه كل عيد إنتْـفارق ؟! صرت أكرَه ، كل عيد !
وإنتْـ فارق في [ غلاتك ] .. وقلبي ما عنده مثيلك !
المشاعر من غيابك . . يا دفا إحساسي , جليد !
طحت من عيني لـ قلبي وصرت ما أقدر أشيلك !
يشهد الله .. من رحلت وفي حياتي ، لا جديد ..
وكل ما ألمَح سرابك .. أرتِبِك ، الله وكيلك !
حالتي صعبه / ولكن .. كيف حالك ؟ يا بعيد . .
أشتكي منِّك إليك .. ومن جروحي , أشتكيلك !
والله ما قصرَّت فيني بس .. . ودِّي لو تزيد !
يعني " إذبحني " وكمِّل يا بعد قلبي / جميلك !
أدري إني دايم أخطي .. وفوق كل هذا عنيد
وش تسوِّي هذا حظِّك رغم زلاتي [ خليلك ] ..!
أقتلك .. لا من خطيت ويا عسى ، عمرك مديد !
و أعذرك .. لو كنت قاتل لأنه : يستاهل قتيلك .!
ويلي منِّك لو نسيتك . . . والزعل طبعاً " شديد " ..
ولو أحس لحظه بـ أنِّك منشغل عنِّي ؟! يا ويلك ..!
كل عاذل جاك بَعْدِي .. وقالـ لك إنِّي : سعيد . .
- ما صِدَق ! وين السعاده ! والحزن شيَّد رحيلك !
وكل عاذل قال عنِّي شي .. - إحساسه بليد !
ما قدر ياخذ كثيرك .. صار يطمَح , في قليلك !
وكل عاذل إن عطيته وجه .. - ورَّااااك المزيد !
لو يقول إنَّه : يبيلك خير !! والله ما يبيلك !
جيتهم طيِّب ....... . وأدري في زماني ما يفيد !!
وش حصيل الطيب فيهم ؟ ومن فراقي , وش حصيلك !
بترك الدنيا ( عشانك ) ! دام هذا ما تريد ..
ويا عسى كلمة " عشانك " تشفي يا روحي غليلك !!
الدليل إنِّي أحبك : صرت أحسِّك بـ [ الوريد ] !
وأدري في قلبك يحبني . . دون ما أسمع دليلك !
في عيونك صرت ( شاعر ) واصل القمَّه / فريد !!
وصرت تسوى في عيوني كل بَني جنسك , وجيلك ..
مثل قلبك ما ألاقي ..! ومثلي ما تلقى أكيد !
يعني ما عندك بديل ومستحيل ألقى بديلك ..!
يا غزالٍ . . . . . شُوف قلبي ما يبي غيرك يصيد
ولا بغيتك ..أدري وينك أسمعك , وأتبَع [ سليلك ] ..!
إجلس بْـ عرش الفؤاد ولك ، أحاسيسي عبيد
وإعتبر قلبي النهار , وقمرةٍ .. تضوي في ليلك !
ياللِّي شيَّعت المفارَق ....., إشرَب وصالي ، و زيد ..
خذ دفا إحساااسي و " إدفا " كان بردك هد حيلك ..!
يا أجيلك
أو تجيني !
هذا هو : الحل الوحيد ..
وإنتَ قرِّر يا حبيبي ..
يا تجيني
يا أجيلك !

[MARK="#000000"]صـداقهــ[/MARK]
إحنا ما ننْفَعْ نكمّل . . كل واحد له طريق
نخْتلفْ في ألف نقطه وحيل واضح الإختلاف
عيشي من غيري حياتك وإحسبيني لك صديق
مالنا في بعضْ قسمه , وهذا هو حد المطاف
المحبه نهرْ صافي .. وقلبْ إحساسه رقيق
وإنتي تمليك القساوه و نهْر يمليه الجفاف
ليه أحبك وأدري إني في بحر غدْرك غريق
وليه أتصفّح حياتك ؟ دام عذّبني الغلاف
إن عشقتك صدقيني كني عاشقْ لي حريق
الحَطبْ عمري .. وناركْ بس تاكلْ ما تخاف
قلبي إختارك , وجيتك طايرٍ حرٌ طليق
ما ملا غيرك عيونه .. وياما في دنياه شاف
إحتمل قلبي وجودك وإحترى يصبح عشيق
ما لقا فيك المزايا وإسمحي له , الإنصراف
أدري القصه قصيره لكن .. الكاتب دقيق
فصّل الموضوع كله وما على القصه خلاف
إسمعي هذي القصيده صدْرها قافه بـ إيق
وإفهميها يا لبيبه .. عجْزها صعبٍ بـ آف
دام باقي للمعزه درب .. فينا لا يضيق ,
خلْ نخليها صداقه .. ولا نفكّر بـ الزفاف

[MARK="#000000"]ودِّي أموتــ اليوم وأعيش باكر ..[/MARK]

ودِّي أمُوتْ اليُوم ... وأعيش [ باكر ]
ـــــــــــــــــــ وأشوفْ مِنْهو .. بعد مُوتي فقدنِي ..!
ومِنْهو حَمَلْني لِين .. ذِيكْ .. " المقابر "
ـــــــــــــــــــ وأشْكرْ أنا .. كِل مِنْ دِفنِّي و كَرَمْنِي
وبشُوفْ .. يرثيني أنا كَمْ [ شاعر ] ..؟
ـــــــــــــــــــ ومنهو [ يذم ] فيني .. ومِنْهو [ مِدَحْنِي ]
شِخصٍ تعنَّى لي .. مع إنه .. مسافر
ـــــــــــــــــــ وشِخصٍ قِريبٍ ، في طعونه ، خَذلنِي
وشِخصٍ يمثِّل دمعِتَه .. ما هو قادر !
ـــــــــــــــــــ وشِخصٍ تِطيح دموعه كِلْ ما ذِكَرنِي
ومِنْهو مِنْ أهلي فـ العَزا كان حاضر
ـــــــــــــــــــ ومِنْهو دعى لي في " صلاته " ورحَمنِي
ومِنْهو بنى [ بإسمي ] سبيل ومنابر
ـــــــــــــــــــ ومِنْهو يفز قلبه .. ليا مِنْ [ لِمَحنِي ]
ومِنْهو عشاني : طُول الأيام ساهر ..!
ـــــــــــــــــــ ومِنْهو ثلاث أيَّام .. راح / وتركنِي ..؟
ومِنْهو يرتِّب .. غرفتي .. / والدفاتر
ـــــــــــــــــــ وإن شاف لي ( صوره ) بكى قال : شِفنِي
يالله عسى تعلّمني .. عن هالمشاعر
ـــــــــــــــــــ منهو : رُبَح موتي . . ومنهو : خسرنِي ؟
خايف يروح العُمْر .. وأكُونْ خاسر
ـــــــــــــــــــ وإن طار طيري .. يخلف إللي وعدنِي
وخايف يجيني وقت : أكْسِر خواطر
ـــــــــــــــــــ إن دارت الدنيا .. وزماني .. كِسَرنِي
ومدام هذي الدنيا .. صارت مظاهر
ـــــــــــــــــــ وكِلْ مَنْ على كيفه ، وجوّه ، نصحنِي
[ صحيح مُسلم لكن : الهَم كافر
ـــــــــــــــــــ والوقت قصّر ، والبَخَت ماخِدَمنِي ]
الضيق : وافي . والحزن : حيل وافر
ـــــــــــــــــــ والجرح : أكثر شي شفته ، يحبنِي !
عايش وميِّت بين .. ماضي وحاضر
ـــــــــــــــــــ والصبر [ مفتاح الفرج ] ماشملنِي
قل وش تبي وتتركني ياحزني : آمر ؟
ـــــــــــــــــــ مسكين فرحي ، تصدِّق إنَّه : وحشنِي !!
( شاعر ) ولكنِّي .. ماني بـ [ شاعر ]
ـــــــــــــــــــ ودِّي أموت اليوم .... باكر صدمنِي !!

[MARK="#000000"]+.. بالسلامـهــ ..+[/MARK]
لا تِطالع سَاعِتِكْ هالوقت " طامه "
مِنْ أشوفك مَرْ في سرعه وبروق
جيت عِندكْ شايلْ عتاب وملامه
وقلب مُغرم فِيكْ عالشُوفه شفوق
كان غيري حقَّقْ بوصلِكْ مرامه
هَمْ أنا , في شوفتِكْ عندي حقوق
الفُضَا قلبي .. وشُوقِي لِكْ ( حمامه )
ما تطُبْ الأرض . . دُومْ إطِّير فوق
في غيابي أوَّل .. تقوم القيامه
تقلب الدنيا .. تِدوِّرني / بشوق
تسْرقْ إحْسَاسِي وحُبي بإبتسامه
وإن زعَلْ قلبي رضَاه تبُوقه بوق
نايمْ بليلِكْ .. وليلي مــا أنامه
أنتظر شمس اللِّقى تبدي الشروق
مِن غيابكْ جسْمي ما تِشيله عضامه
ياللِّي تِشْرَبْ راحِتِي .. خَلْنِي أذوق
وش تغيَّر؟
قلبي يسأل في ندامهـ !
ليه " قلبك " صار عالفرقا يسوق ؟
ليه غايب ؟
ليه ناسي ؟
وش علامه !!
قلبك اللِّي إشتاقْ لِي وشوقي يفُوق!!
:
:
رحتْ عَنِّــي وقلبي ما كَمَّلْ كلامه
سَاعتِكْ .. . ما عِندهَا تقدير وذوق
بالسلامهـ ..
وأدري ما فِيها سلامه
مِنْ يفارقْ عينكْ (الحِلوَه) ويروق !!

ـــــــــــــــــــــــــــــــــــــــــــــــــــــــــــــــــــــــ