شعر أصابعي ما ينشال

Error 07-11-2009 9 رد 18,579 مشاهدة
E
السلام عليكم

عندي مشكلة عويصة وياليت تساعدوني
انا جسمي حده مشعر
وفي اصابع رجولي يطلع لي شعر طويل وواضح
فمرة لما كنت مراهقة شلت شعر اصابع رجولي بالموس
على أساس انه كل ما يطلع اشيله وتنحل المشكلة
بس من شلته صار يطلع بشكل أكثف من قبل ويطلع سميييك وأطول
هذا غير اني لما اشيله تبقى حبوب مكانه وشعر تحت الجلد
فبعدين تركته واحيانا كنت اشيله بالموس على فترات متباعدة كلش
المشكلة ان الحين لما اشيله بالشمع (شرائط فيت)
ما ينشال
وحتى اصابع ايدي احاول اشيله وما ينشال رغم ان اصابع اليد ما شلتها قبل بالموس
المنطقة الحساسة بعد جربت عليها ومانشال الشعر
فاضطريت اني استمر على الموس للمنطقة الحساسة لكن قمت اضيف نشا قبل، وعقب ما اخلص اضيف زيت الزيتون
صار الشعر انعم بشوي من قبل وينمو ابطأ بشوي لكنه للحين خشن ونموه لا زال سريع
انا ما اشيل شعر جسمي لان عندنا البنت ما تشيل شعر جسمها الا لما تنخطب
بس جربت الشمع علي ايدي ورجولي مساحة صغيرة وانشال اوكي
لكن الاصابع عقدتي المشكلة انها تبين وانا افكر اشيل شعر جسمي كله عما قريب
المشكلة الثانية انه حتى اذا ينشال الشعر تبقى حبوب مكانه
ويبقى شعر تحت الجلد
شلون أحل هاي المشكلة؟؟
بلييز ساعدوني الله يجازيكم خير
خاطري اشوف جسمي نظيف ما فيه اثار الشعر، احسه مشوه وابي احس اني مثل البنات

ح
المشكلة سهلة وحلها بسيط

بس لية انتي ماتشيلين يدينك ورجلينك .؟؟؟

بالعكس انتي جربي مرة تشيلينهم وتشوفين نعومة جسمك بتستانسين وبتتركين سالفة انك ماتشيلين الا لمن تنخطبين

وبتشيلين كل شهر

اما سالفة اصابعك ..اول شي ابتعدي عن الموس نهائيا للاصابع..

بعدين خلي الشعر يطلع كامل في اصابعك وجيبي ملح الحليب وسوي تقشير ولو ماعندك جيبي الملح العادي الي بالمطبخ

وقشري هالمنطقة عشان يطلع الشعر الي تحت الجلد

بعدين يوم الي بتشيلين جيبي حلاوة سويت >>واخذي قطعة صغيرة وحطيها على صبع واحد وضغطي عليها بقوة مرة ومرتين وثلاث بعدين شيليها بقوة بعكس اتجاة الشعر

بتشوفين الشعر انشال من اول مرة واذا بقى شعر خفيف كرري الخطوة وبينشال كلة

واذا خلصتي ادهني المنطقة بزيت زيتون عشان يطول الشعر مايطلع
ع
جربي ماكينة براون
راس النتف الصغير مو الكبير
ا
حبيبتي كون انك ما تشيل الشعر لا بعد الخطوبه حلو لان الشعر والجسم يختلف من شخص لشخص بعضهم يخف الشعر مايطلع لها حبوب والبعض العكس فتخيلي يجون الناس يخطبو وانتي مبقعه خخخخخ فكذى حلو على الاقل يكون تفكيرك انك تشيل الشعر بس مو شعر وبقع شعر داخل الجلد الا اذى الشعر كثيف ويحرجك هذا شي ثاني
المشكله الثانيه
اهي انك تشيل الاماكن التي تتوقف عندها نمو الشعرويبقى الراس بالموس والسفرة الين يرجع الشعر على طبيعتها بعدها شيلي بالحلاوه او من جذوره وخلي كل 3 4 مرات موس بعدها نزع من الجذور بي اي طريقه تحبها
دمتي بجسم ناعم خالي من الشعر
E


مشكوورين على ردودكم

حلا2006
عندي مقشر ملح الحليب
بس ما جا على بالي استعمله قبل لا اجرب اشيل الشعر
يبي لي اسوي اللي قلتين لي عليه، مشكورة على النصيحة


عاشقة الشهاده
ما عندي آلة براون
فكرت اشتريها بس بعدين شلت الفكرة من راسي
وحدة قالت لي انها تشيل بس بقايا الشعر عقب الشيرة (الحلاوة)
صدق هالكلام لو تشيل الشعر وتغني عن الحلاوة ؟

اميره بدنيا حقيره
لا انا جسمي كلش مشعر، ما يناسب اخليه
كنت اقول بسوي مثل بنات العايلة ما يشيلون الا اذا انخطبوا
بس بعدين غيرت رايي، لان الشعر يفشلني قدام الناس
+ ابي اعود نفسي على اني اشيله يعني في البداية بتضايق بس مع الوقت بتعود
+ اجرب من الحين واعرف المشاكل وحلولها أحسن من بعدين

مشكوورين مرة ثانية على ردودكم (a)


ه
الة براون هي الي تشيل كل الشعر الي في الجسم
تحياتي
م
صح اختي انا اشيل بلبراون اصابع يدي ورجولي

وما في اي مشكلة

آلة لبراون تشيل اللي الحلاوة الشيرة ما تقدر تشيله

واشتري لج أي آلت براون


وابتعدي ثم ابتعدي عن الموس لانه يسبب سواد فاحم في المنطقة الحساسه يخلي المنطقة كل تحكج انا جربت مرة من المرات وادري شنو يصير وخطر لو تشقين روحج

فيا تاخذين لج مكينة صغيرة موجود منها في دايسو تقصص الشعر ما ادري اذا اهي موجودة احين او لا بس اهون من الموس بألف مرة ال وما تشقين روحج فيها ابدا

او اخذي لج كريم ازاله الشعر احسن بألف مرة لان يشيل الجلد الميت مو بس يشيل الشعر

وانا استخدم كريم ديبيلان الوردي امي لما تروح سوريا تجيبه لي من هناك والحمدالله السواد مو موجود بكثره بهالمنطقة نسبه قليلة بس

عكس قبل يوم كنت كل بالموس كان سوواد فظيع ييييع
E
مشكورين على ردودكم
بس عندي استفسار، آلة براون ما تسبب سواد؟
اذا ما تسبب باخذ لي وحدة وبشيل كل شعر جسمي فيها أريح لي
بالنسبة للكريم ما افكر فيه لان فيه مواد كيماوية وسمعت انه يسبب سواد

/

في حل للحب اللي يبقى عقب ما اشيل الشعر؟
لان شكله يشوه خاصة ان يكون لونه غير
وفي وجهي نفس المشكلة حب على خشمي ومسام الوجه واسعة
على قولتهم مثل البرتقالة !! هذا غير انه 24 ساعة يلمع جربت كل شي وياه وماكو فايدة :(
أفكر اسوي تنظيف بالبخار تتوقعون يفيد؟
ع
حبيبتي ماكينة براون
ابدا ما بتسود الجسم
وبتشيل كل الشعر مش شرط بعد الحلاة
بتشيل الشعر الطويل والقصير
وبخصوص المسامات الواسعه جربي مكعبات ماء الورد دايما على وجهك
وشوفي كريم للبشره الدهنيه يخفف افرازتها وينشف الحبوب
اعمليلك جوله بالمنتدى ما شالله عليهم البنات ما بقصرو بالوصفات
وانا رأيي من رأيك انك ما تتركي الشعر بجسمك لحتى تخطبي
لانه مو حلو شكل البنت وهي شعر جسمها كتير وتاركته بكون ملفت للنظر
وان شالله شوي شوي بتتعودي عالطريقه الي تريحك
وموفقه يارب
E
مشكورة اختي الله يجازيج خير
انا ماخذة حلاوة امس عشان أشيل بها قبل العيد
وان شاء الله عقبها اخذ لي براون واشيل بها
بس في سؤال جا ع بالي حتى المنطقة الحساسة وتحت الابطين عادي اشيل بها؟
/
وماحد عنده فكرة اذا في حل لاثار الشعر بالجسم (أقصد النقاط البنية مكان الشعر) ؟


X