تبنين بيت , تاثثين , تغيرين ديكور تجمع بنات الخليج العربي

تجمع .. اسعار الاثاث .. نبني ونوفر
بنات خل نستفيد من بعض

اللي تعرف سعر الاثاث تذكر اسم المحل والاسعار التقريبية
وكذلك اسعار المطابخ والصبغ والمغاسل و ومن كل شي ..
وطبعا اخواتنا الشاميا والمصريات مو تزعلون يا قلبي بس لان في الخليج اسعار الاثاث قريبة وفروعنا وحدة صايرين شبكة
ولا تنسون ديكوراتنا نراعي فيها ظروف الجو والحرارة مو مثلكم ما شاء الله بيوتكم مفتوحة وجوكم وش زينه ..

وطبعا نبي مراسلة من الامارات ضروري لان اثاثكم غريييييييييييب ورهيب .. والبحرين ما استغني عنكم لانكم صايرين ديرتنا الثانية لي حبينا نتمشى رحنا لكم وقطر والذوق الفخم لازم تشاركون .. والكويت طبعا غنية عن التعريف مسلسلاتكم ورتنا كيف بيوتكم
راح ابدى اول شي
ksa
في الشرقية



المكان .. هوم سنتر ( سنتر بوينت )

اسعار غرف النوم .. تلاقين ب 8,000 ريال سعودي الى 14,000ريال سعودي

كفرات الاسرة الكبيرة .. 700 ريال سعودي الى 1000 ريال سعودي طبعا يعتمد على عدد القطع


اسعار المطابخ
المكان ايكيا طبعا الكل يعرف اسعاره يعتمد على حجم المطبخ
لكن السعر التقريبي ل مطبخ 4×3 امتار قد يصل الى 7,000 ريال سعودي


المطابخ الخشب الامريكي مطبخ 4×3 تقريبا 20,000 ريال سعودي

مطابخ الالمنيوم مطبخ 3×4 تقريبا 12,000 ريال سعودي

طبعا فيه اغلى وفيه ارخص بس هذا متوسط الاسعار





الارضيات ( الملحم , الدهان , جمكو ) على طريق الخبر السريع
هناك المعارض الكبيرة
الاسعار للارضيات السيراميك من 25 الى 100 للمتر

الجرانيت العادي 70 والفخم يوصل الى 200 للمتر الواحد

اسعار بلاط الجدران للحمامات والمطابخ

من 15 ريال للمتر الى 100 هذي السيراميك
ومن 45 وطالع للجرانيت

طبعا الجرانيت اغلى لانه اقوى


ويالله تعبت اتمنى نفيد ونستفيد من بعض

اذا شفت تفاعل راح اكمل الاصباغ والسجادات والكماليات من المفارس الى اكسسوارات المطابخ