النهاردة عملتلكوا الخبز البلدي المصري
نص كوب ماء دافي نحط فيه معلقة صغيرة خميرة فورية ونص معلقة سكر ونخليهم لحد ما الخميرة تفور او تخمر
ونحطها على 4 كوبايات دقيق ابيض و كوبين دقيق اسمر بالنخالة ( الردة )
وربع معلقة ملح وتقريبا كوبين ونص ماء او حشب نوع الدقيق لانه بيختلف ونعجنهم مع بعض لمدة ربع ساعة تقريبا
نسيب العجينه تخمر لمدة ساعه ونص
بعد ما اختمرت العجينه نقطعها لدوائر متساوية ونغطيها ونسيبها ترتاح نص ساعه تاني
بعد ما ارتاحت نرش شوية نخالة ونفرد العجينه بسمك مناسب
بعد ما فردنا كل العجين نغطيه ونسيبه يرتاح لمدة ساعه كاملة
نسخن الفرن على اعلى درجة وهي 270 درجة ونبدا نخبز العيش واول ما يرتفع نعرف انه استوى ونخرجة
ودة شكله داخل الفرن
وبالهنا والشفا على قلبكوا
