التجمع الثالث للحوامل اللاتي يلدن في شهر 3 (مارس- اذار) 2010

قلب البتول;10607257:
اة سكتي انا بعد الموعد الجاي قاعده احاتي وزني كثير لان هالشهر مو مخلية شيء اصير في خاطري كل شيء اشتهيه اكلته واللة يستر

وانا مثلج موعدي بيكونبعد العيد تقريبا بأسبوع اما لو اروح وما يبين جنس الجنين في نفس الاسبوع اروح خاص عشان اعرف خلاص ما عاد اقدر اتحمل الفضول واصل لخشمي هههههههههههه

قلب البتول;10607286:
لا ان شاء اللة ما بتحتاجي انتي اللحين كم نسبة دمك انا اخر زيارة لي ارتفع وصار 9.7

Daloo3t_Obooy;10607026:


لوليكي
ليش ماحكوا لك شنو جنسه؟ يعني ماكان باين والا مايبون يقولون لك؟ الموعد كثير بعيد احس وبالنسبه عن الوزن عادي انا هالشهر لقيت نفسي زايده 2 ونص وهالشهور الجايه الزياده تكون اكثر من البدايه الله يستر، اكلي زين وكثري من الاكلات اللي فيها حديد نبي نشوف البيبي مليان هالمره ...

شقوره;10607528:
لوليكي اهتمي بلبروتينات وكثري من اللحوم الحمرا عشان يرتفع الدم

دلوعة ابوووي انه مهدده زوجي قلت له هل معاش تاخذ لي هلموسده ضروري يااااي صج عجيبه انه ابي هلون ويقولون بعد مفيده للرضاعه تسهل عليج حتى للبيبي بعدين اذا للحين مااسطلب فلقعده تخلينهى حوله يعني مفيده انه شفتهى فلكاتلوج مال مذركير الاصلي

بخصوص الاحلام وااااااي انه احلامي كان احلام بيبي تخيلو يوم احلم بديناصور ويوم باسد كاني الس في بلاد العجائب ههههههههههههههههههه


انه استخدمت من قبل كريم للدبه من عند مذركير الاصلي بس حسيته صج خاااايس ماحبيته عطيته رفيجتي من جذي هل مره فكرت في فازلين لاني شميت ريحته عاديه مو خايسه

لوليكي;10608378:

مابعرف شكلها هي مابدها تحكي هون بستغربوا ليه احنا بنهتم بمعرفة جنس البيبي بدري قال لسا صغير.ناويين يجيبولي الجلطة بتصرفاتهم.امي بتحكيلي بفلسطين ببين الجنس من الثالث وبالرابع عالاكيد.هون عملولي قصة عالوزن قهرونييييييييييييي.امي كمان حكتلي هيك وخايفة ييجي البيبي صغير.

الحلم الأزرق;10609340:

بس مو مشكلة أنا بصير أحسن وبسأل عنكم وبعلمكم بأخباري

أمس كنت حدي تعبانة لسخونة وصلت 38.4 وزكام وتكسر جسمي تكسر ومثل ما توقعت رحت المركز الحكومي وقالوا بسون لي فحص إنفلونزا الخنازير بس بعدين هوني وعطوني دواء مال الإنفلونزا ومضادات وبندول وخفت وما شربت إلا البندول بس أمس السخونة ما خفت علي وخفت على البيبي واجد بس المدلله اليوم إشوي صرت أحسن بس أحس جسمي يألمني

الحلم الأزرق;10609387:

اليوم كان موعدي بالأمريكي تطمنت على البيبي الحمدلله

بس اليوم طلعت زعلانة من دخلت قالت لي بسوين فحص الشهر الخامس إهني أو محل ثاني قلت لها شنو هذا فحص الشهر الخامس قالت فحوصات دقيقية للبيبي قلت لها اليوم يعني قالت لا لازم تاخذين موعد قلت لها أوكي بسويها أهني فقالت عجل اليوم بسمعش دقات قلب البيبي بس قلت لها لا أبغي بعد ألتراساوند أبغي أتاكد من جنسه قالت إهني ما يبان واضح قلت لها بس الزيارة إلي فاتت سويتيلي ألتراساوند وقلتيلي أنه ولد بس أنا اليوم أبغي أتأكد قالت أوكي سوت لي ألتراساوند ألا تقول أنا البيبي مسكر رجوله آآآآآآآآآآآآآآآآآه مالي شغل إنطر الموعد من شهر بعدين إتقولين مسكر رجوله مالي شغل بقوم بتحرك قالت ما في فايده قلت له دكتورة ترى بالنسبة لي ولزوجي موفارقة بنت أو ولد فإذا كانت بنت عادي ما في أي مشكلة الحمدلله هذا بيد الله ومالنا يد فيه قالت صدقيني ما يبان فما أدري حسيته ما قعدة أتقول الصدق بس صدق قهرتني وكنت أبغي أسألها عن أشياء واجد بس نسيت كل شي ومن القهر قلت فحوصات الشهر الخامس بسويها عند فوزية كمال موعندهم

خوالي;10609397:
هلولولولوللو بنوتات

شخباركن ان شاء الله بخير اشتقت لكم وايد وايد

وهالايام ماصرت ادخل بسبب ضغط الدراسه والامتحانات وجي

انا امس كان عندي موعد والحمد لله كل شي اوكي والمشيمه صعدت >>>>احلى شي نفسيتي ارتاحت

والبيبي كلش بخير ويسلم عليكم واكدوالي جنسه انه ولد

الاستشاري يوم كان يشوف قالي شو قالولج جنس البيبي قلت له يمكن ولد قال ل مب يمكن ولد >>>> انا تشققت قلت اكيد بيقول بنت والحين دخلت السادس يعني واضح

قالي اكيد ولد <<<<<<خهخخخخخخخخ كلهم حلوين فديتهم وروني عيونه وخشمه وحلجه فديته وايديه وكان حاط يده عند حلجه فديته كان شكله وايد حليو فديته

والحمد لله برد امارس نشاطاتي وببدا اجهز للنونو خلاص احس ماشي وقت

وانتوا شعلومكن ان شاء الله كلشي عندكن تمام