Eng. BoB;11090904:
افتكرت هتعملوا تصويت الاول :040:
تحت امرك يا جميل اللينكات اهى
http://forums.3roos.com/showpost.php?p=10842887&postcount=890
http://forums.3roos.com/showpost.php?p=10925173&postcount=1264
http://forums.3roos.com/showpost.php?p=10974546&postcount=1477
http://forums.3roos.com/showpost.php?p=11074373&postcount=1969
ازيك يا بيبو ايه الحاجات الحلوة دى يا رب يسهل ولادتك وتجيبى احلى بنوتة بس فين بقى زيرو تو فايف ده
Eng. BoB;11090955:
بالنسبة بقى للجواز
انا ماكنتش اعرف ان مسئولية البيت مرهقة للدرجة دى
فعلا الحاجات مش بتخلص ابدا ودايما وراكى حاجات عايزة تعمليها
وحاجة تانية بقى تمس حياتى بشكل شخصى
قبل االجواز كنت فاكرة ان سفر جوزى مش هعانى منه قوى كده بس لقيت الموضوع ده اكتر حاجة تعبانى فى حياتى .. عدم استقرار واستقلالية بشكل كبير جدا.. ده غير انه بيترتب عليه اوضاع تانية بتضايق جدًا... يعنى اوقات انا ببقى مجبرة انى اروح اقعد عند حماتى وماقدرش اقول لأ وبجد انا بتضايق جدا من الموضوع ده ده غير تلقيح الكلام اللى بسمعه منها ومالوش لزمة .. ولو ماروحتش بتيجى بعد كده تكلمنى بطريقة بايخة قدام جوزى عايزة تبينله انى غلطانة..
بس الجواز بغض النظر عن النقطتين دول حلو بجد ... المسئولية برضه حلوة على الرغم من انها مرهقة ماديًا وجسديًا...
وحاجة حلوة ان الواحد يكمل حياته مع حد بيحبه ويخاف عليه ..
بالذات الفترة اللى مش بيبقى فيها اطفال الواحد بيعمل فيها كل اللى نفسه فيه وماكنش قادر يعمله قبل الجواز ...
ربنا يسعدك يا بيبو عامة سفر الزوج طبعا بيعمل مشكلة فى عدم الاستقرار وبعدين انتى بتروحى عند حماتك يعنى بتباتى وكده ولا بتزوريها بس عامة هو لازم بردك السؤال عنها فى غياب زوجك من وقت للتانى وربنا يحببكوا فى بعض
الطيور المهاجرة;11091449:
بنات بالنسبه لسؤال الطفوله
دى كانت احلى ايام بحياتى
مفيش غيرى انا واخويا طبعا وكنت دلوعه على الاخر
اللى اطلبه بلمح البصر يكون موجود
اللعب مع اصحابى بالشارع
ولا لما اخويا يغير منى وكان يضربنى كنت افضل اصوت واعيط
عشان هو كمان ينضرب مثل ماضربنى
ولا فى العيد يالهوووووى على العيد
فكرتونى باجمل ايام والله
الصبح وانا رايحه المدرسه
لما كنا نزوغ من الطابور فى الحمامات
ولما كان تبقاه عندنا تسميع الواجب
نعمل اننا مرضانيين
ولما كنت اروح يوم الخميس عند جدتى وارجع الجمعه بعياط وغضب
حاجات كثير مش عارفه احكى عن ايه ولا ايه
يارب نشوف كل ده باولادنا
هههههههه فعلا ايه حكاية التزويغ دى ده انا كنت فى الاذاعة المدرسية وطبعا مفيش تزويغ وافتكر كمان حفلات عيد الم والطفولة ياه كانت أيام جميلة حتى ولو بالصدفة بشوف حد من صحابى القدام فى المدرسة اقول يا الله احنا كبرنا اوى كده وبرجع للزمن لورا افتكر بعض المواقف
وطبعا بيت اجدادنا والعيد وكده والمراجيح والايس كريم اللى بنجيبه عمال على بطال فعلا ايام جميلة جدا ربنا ميحرمناش منها فى ولادنا ربنا يرزقنا يا رب
ghada2;11091854:
صباح الخير يا بنات ازيكم عاملين ايه واحشتوني كلكم نفر نفر
نيسو يا حبيبتي ده كله بأمر الله ما تضايقيش نفسك و لما ربنا بيريد حته لو كان حيوان منوي واحد مفيش غيره حيكون ان شاء الله
فا استعفري و ادعي ربنا و ربنا مفيش أكرم منه و دايما أنا بقول لنفسي لو كان فيه خيره لينا ان ربنا يديني دلوقتي كان عطاني و لكن الخيره فيما اختاره الله صح مش كده وده ابتلاء يا تكفير ذنوب يا رفع درجات يا امتحان من ربنا يشوفنا حنصبر و لا لأه و دايما ربنا لما بيبتلي انسان بيبتليه باللي يقدر يستحمله و ده من رحمه ربنا بينا و ان شاء الله مأجورين فرفشي بأه كده و روقي و ربنا يخليكي لزوجك و يخلي زوجك ليكي
عيون ازيك يا قمر عامله ايه ربنا يا رب يرزقك بالولد و البنت كمان يا رب ازي الاستاذ العريس الصغنن بأه ربنا يجيبه بالسلامه يا رب
رورو ازيك مختفيه فين يا قمر؟؟ وازي العسل الصغننون بتاعك ربنا يقويكي و يقومك بالسلامه
نيمو يا بنات ملاحظه انها مختفيه من امبارح لعل المانع خير يا رب و نفرح بيها قريب
منوش و هبه ازيكم عاملين ايه؟؟؟؟؟
انا كويسة يا غادة ايه الغيبة دى وعمورة عامل ايه يا رب بخير
دينا و ماسه ازيكم منوره يا ماسه و ربنا يرزقك الذريه الصالحه يا رب
محبه و اوني ازيكم يا قمرات عاملين ايه؟؟
فرح ازيك عامله اييهه القصه اللي انتي كتبتيها بتاعت بنت عمك مؤثره قوي عسي ربي يصبرها علي فقدانها لزوجها و يبارك لها و يعوضها في بنتها
Eng. BoB;11092803:
ربنا يخليكى يا فرح عقبال ماتحطيلنا حاجات النونو :083:
انا فعلا متجوزة عن حب الحمد لله وده بيهون حاجات كتير قوى فى الجواز
خصوصا ان اول سنة دى بتبقى صعبة فعلا
وجالى فى فترة احساس ان ماكنش مفروض اتجوز الانسان ده ههههههههههههه ولا اتجوز اصلا بس ده احساس عادى وبيجى لناس كتير فى اول سنة
ربنا يخليكى يا بوسى انتى احلى وعقبال نونتك ان شاء الله
ربنا يسعدك دايما يا بوسى يا رب
فعلا الشغل مع الجواز صعب بس ربنا يعينا
يا جماعة مش عارفة اقول ايه بس
استغفر الله العظيم
انا هفرقع من حماتى :039::039::039:
فعلا اول سنة صعبة جدا والاحساس اللى انتى قولتى عليه فعلا الواحد ساعات بيحس بيه فى ديقته وربنا يعينا على حمواتنا والله فى الظاهر هم كويسين بس بيحبوا بس يمارسوا الحما شوية كده عشان تخافى وتخترميهم هم فاكرين كده بس والله الواحد بيعامل ربنا قبل كل شئ وبيعاملهم زى ماما وبابا عشان الواحد يحب يعيش فى ود وسلام
noor1984;11093008:
ازيكم عاملين ايه
اخباركم ايه
كلامك يابيبو عامل زى متكونى بتكلمنى عنى بالظبط
انا برده قبل الجواز مكنتش فاكره ان موضوع سفره كل شويه ده هيبقى متعب كده
بس بجد الموضوع ده عاملى عدم استقرار خاللص فى حياااااتى
يلا الحمد لله
بالنسبه بقى للشهر الللى بيقضيه ويايا فده بتبقى اجمل ايام عمرى وبتمنى من ربنا انها متخلصش بس برده بتخلص وبيسافر واعيش اتعذب تانى اااه افتكرت ايام العذاب قلابت فاضل عليها 13 يوم
وكمان وجع ظهرى ده والله خرجنا نتفسح النهارده فى حديقه الازهر مقدرتش امشى ورجعنا بعد ساعه
يعنى قرب يسافر ومش عارفه اسعده خالص
انا حسه ان الوجع ده بسبب التهابات عندى لان المره اللى فاتت الدكتور قالى كده ربنا يسهل
ادعولى يابنات يحصل حمل يارب الاجازه دى يااااااااااااااارب
ازيك يا نور شافاك الله وعافاك فعلا موضوع السفر ده عدم استقرار بس ده يا حبيبتى اخف من السفر بالخارج والغربة او انتى فى بلد وهو فى بلد ربنا يجمعكم على خير وعامة استثمرى الايام الحلوة دى ويا رب تبقى حامل الشهر ده بس هو بيغيب عنك كتير ولا شهر مسافر وشهر معاكى وكده
محبة_الرسول;11093917:
ازيكو يا بناات
فجر
انا والله مش بدخل كتيير
وكمان دايما لما بدخل مش بلاقيكى :(
بالنسبة لسؤال بوسى
اكيد طبعا ان الجواز حلو
وحلو جدا ان فى يكون واحد خايف عليكى ومرتبط بيكى جداا
غير طبعا لما بتكون الواحدة مش متجوزة :(
ودى نعمة كبيييرة الحمد لله احنا فييها
ولازم نشكر ربنا عليها كتيير
انا قبل ما اتجوز كنت دايما اقول انا نفسى فى واحد يكون مدة ساعات شغله قليلة
ويفضل قاعد معايا فى البيييت :D
والحمد لله جه زى ما انا عااوزة
بس دلوقتى بندم على ده ههههههههههههه
بس مش اوى يعنى
هوبصراحة ميزة وعيييب فى نفس الوقت
لكن اكيد احسن من اللى بيساافر كده كتيير ربنا يصبركو بجد
وكل اللى مش مستقر مع جوزو يستقر ان شاء الله
اما عن حماتى واهل جوزى فهم الحمد لله الحمد لله
طيبييييييين جداااااااا
ممكن نضيف كمان حاجة فى الموضوع ده
ياترى انتى قاعدة فى بيت عيلة ولا لوحدك ؟؟؟
وايه الاحسن الاستقلال ولا بيت العيلة
يالا جاوبو ع السؤااال
:D
ازيك يا محبة باين مفيش حد عجبه حاله بس فعلا العيشة فى بيت مستقل عن الأهل كويسة فى حاحات كتير عشان تاخدى حريتك ومحدش يزعل منك لو روحتى ولا جيتى ولا اشتريتى حاجة ولا كده وعامة الزيارات وصلة الرحم بتقرب المسافات بردك يعنى زيارات الاخوات والبيت الكبير وكده كويسة بردك بتجمع بردك
محبة_الرسول;11094021:
نووور
ربنا يكرمك يااارب بالحمل يااااااارب
ويكون وجع الظهر ده بسبب الحمل ياااارب
رورو
وميسا
وغادة
وفجر
واونى
ونيمو المختفية
وهبة
وبوسى
ودينا
وبنت خالة دينا :)
ونيسو
وفرح
متهيالى دول كل بنات التجمع ولا انا نسيت حد
:)
سألت عليكى العافية يا محبة ازيك انتى عاملة ايه
ازيكو كلكو
ربنا يكرمنا ياارب ويرزقنا الذرية الصالحة :)
فجر1975;11094628:
محبه ازيك عامله ايه انا بس بناغشك
بالنسبه للجواز فكنت حابه انى اخوض التجربه دى وما كنتش خايفه منه او من مسؤليته لانى كنت مقرره انى هعامل جوزى واهله زى ما انا شايفه ماما بتعمل وهابذل كل جهدى عشان اكون محبوبه وسطهم بس مش رياء او نفاق والحمد لله انا محبوبه وسطهم بس للاسف بباه ومامته متوفيين يعنى ما شفتهمش بس كان نفسى اشوفهم اوى ........هههههههههههه
اما بالنسبه لجوزى فكان جواز تقليدى جدا فاتبنى من البدايه على الصراحه الشديده بينى وبينه وده كان السبب فى حدوث بعض الخلافات بينى وبينه بس ماما قالتلى ان دى ظاهره صحيه لان ده دليل على ان ما فيش حد مننا بيخبى حاجه على التانى وتقدروا تقولوا ان الحب جيه بعد الجواز بالعشره والموده والرحمه فاكيد حياتى اختلفت كتير.....خصوصا انى معاه فى الغربه بعيد عن اهلى الللى عايشه معهم اكتر ما عشت معاه ومع ذلك ما ادرش استغنى عنه يوم واحد ......طبعا الحياه لا تخلو من المشاكل والصعوبات بس بتهون لما تلاقى حد جنبك بيحبك وبيراعى ربنا فيكى...........
وربنا يكرمنا جميعا:086:
انا كمان جوازى كان تقليدى وسريع كده وواجهت صعوبات البداية ولسه والله بردك شوية مشاكل كده مش عارفة الواحد كان لازم يطول فى الخطوبة ولا ايه ولا ده قدر وخلاص ربنا معانا عامة بيقولوا اول سنة جواز بتبقى صعبة ومليانة مشاكل وخصوصا وانتى داخلة وسط ناس جداد عليكى ويببقوا بردك متخوفين منك وممكن كمان خايفيين لا تاخدى ابنهم منهم مش عارفة ليه بيجيلهم الاحساس ده مع ان والله الواحد بيتجوز عشان يضيف لرصيده من العلاقات والود والمحبة والاهتمامات وكده ربنا يكرمنا جميعا
ghada2;11094790:
ازيك يا بوسي سؤالك حلو قوي
أنا بالنسبه ليا الحمد لله مرتاحه في الجواز طبعا هو مسئوليه كبيره بس بتحسي انك بقيتي مستقله و ليكي قراراتك الخاصه في بيتك غير لما كنتي في بيت أهلك بس أوحش حاجه في الجواز بالنسبه ليا الغربه ربنا يعينا عليها بجد عقبال ما بيجي أخر السنه بيبقي خلاص حسا ان روحي حتطلع
أبويا و أمي و أخواتي بيبقوا واحشني جدا جدا وكل مره بسافر بعيط و انا في المطار و قعد أقول لنفسي يا تري حشوفهم تاني
ربنا يخليهوملي يا رب و ما يحرمنيش منهم
ربنا يهون عليكى الغربة يا غادة فعلا الغربة بعيد عن الاهل وحشة بس اهو هم بيضحوا عشان استقرارنا واهم حاجة نكون كويسين وسعدا
انا فعلا بيجيلى الاحساس ده انى خايفة انا مش اشوفهم تانى بجد احساس فظيع ربنا يعينا ويارب يفرج كربى
nemonamanemo;11096808:
انا السبت ببقي عند مامه يا غاده عشان كده محدش بيشوف وشي ههههههههههههه
بس يا حرام ربنا يشفيها تعبانه حبتين
اخبار عموره ايه
ازيك يا نيمو الف سلامة على ماما
nemonamanemo;11096999:
اه بالنسبه بقي للحاجات اللي كنت متوقعها و محصلتش انا كنت متوقعه ان هيبقي في خروج كتير و سفر و رحلات و دلع و حاجات من ديه بس الحمد لله بيبقي يوم عيد لما جوزي يحن عليا و يخرجني ههههههههههههههههه
هههههههههههه ايوة يا اختى دى كانت اوهام الخروج بالعافية وكمان جنب البيت كده هههههه
الرجاله دول بيقولوا حاجات كتير قووي قبل الجواز و مفيش حاجه منها بتحصل
فعلا ايام الخطوبة الوردية واول الجواز كده وخلاص عادى كده زى ما يكون كان عايش العمر كله قبل كده معاكى
و طبعا طبعا شغل البيت ده مبيخلصش وانا ساكنه في حلوان مصانع اسمنت بقي و كده عارفين المع الشقه ارجع بعد نص ساعه القيها متربه ادخل اكنس البلكونه من غير مبالغه ممكن اللم كيس حلو كده اسمنت التراب هنا مش اصفر ده اسود هههههههههههه
والله انا شايفة ان البيت ومسئوليته حاجة جميلة هى متعبة بس جميل ان الواحد يبقى مسئول عن حاجة عمرة ما كان مسئول عنها
الكلام ده بقي لبيبو و نور (اصل انا و بيبو و نور كنا زمايل في الكفاح اجوزتنا ظروف شغلهم كان تقريبا واحد )
انا بقي عن تجربه مش مرتاحه في حاجه هههههههههههه لا و جوزي مسافر مرتاحه ولا هو قاعد معايا مرتاحه عارفين ليه لان و هو مسافر بيبقي بالشهر بعيد عني و وهو مش مسافر بيبقي طول النهار في البيت لان شغلهم في الموقع و نادر لما بينزل الاداره
و معلومه بقي قاعده الرجل كتير في البيت بتجيب مشاكل لانه بيبقي فاضي بقي و عمال يدخل في شغل البيت و كل ما تروقي يبهدل هو ههههههههههههه
مع العلم انه لما كان بيبقي مسافر كان بيبقي واحشني مووت و لما يرجع الاجازه بتعدي هوا دلوقتي نقعد نتخانق مع بعض من الزهق (احنا الاتنين فاضيين بقي ههههههههههه)
الاعتدال في اي حاجه حلو
ربنا مش يجيب خناق والاعتدال حلو فعلا
ازيك يا ميسا عاملة ايه وايه رأيك فى الجواز كده
ازيك يا نيسو يا رب بخير ويهديكم لبعض بس فعلا زى ما قالت نيمو عليكى بالسعى والأخذ بالأسباب عشان يبقى عملتوا اللى عليكوا وتوكلى على الله مفيش حاجة بعيدة عن ربنا يا قمرة وربنا يرزقك بالخلف الصالح
ازيك يا بوسى وفجر ودينا وماسة ومنوش ومنى ورور عاملين ايه يا رب بخير