الناس يحبون البيضاء وينبذون السمراء

شوفي حبوبة اميرة الانسات بل انت ملكة العروسات بعد انا عن نفسي انا سمرة وسمينة انا ماقول كلامج مو صح بالعكس انا اشوف كلامج صح بقول لج على شي انا لي 2 صديقات واثنيهم بيض وماشاء بسرعة تزوجوا وانا للحين بس انامو زعلانة يعني بالعقل حسبيها اجوائنا العربية ممكن تخلي الشخص يصير ابيض والله حتى لو قعد بالبيت عمره كله بيظل اسمر لانها جينات توارثنها حبوبة يعني ربج ما خلقنا في الاشكال والالوان هاذي الا لانها تناسب بيئتنا بتقولين بس في ناس بيض في دولنا صح يمكن لهم عرق معين ماتدرين :(

تصدقين حبوبة انا فترة وانا افكر ليش ما تزوجت واكثر من مليون سبب احطه في بالي قلت يمكن لاني سمرة بس تعوذت من ابليس وفكرت في شي ثاني حطيت في بالي عدة اشياء منها :
1- انا ما خترت لوني ولا شكلي كل شي من رب العالمين وما في احلى من خلقة ربنا سبحانه وتعالى.
2- انا مرتاحة جذي وافتخر اني سمرة وسمينة بعد اهم اشي ارتاح لنفسي لما اشوفهابالمرايا واللي مو عاجبه ينتحر يطق راسه بالحيط.:tongue:
3- الزواج وغيره او اي شي ثاني مو بيدي يعني كل شي مقدر ومكتوب يعني بعلم الغيب عند ربج ليش اعور راسي بالموضوع ؟؟:ss:
4- اذا الله مو كاتب لي اني اتزوج خلاص مو نهاية الدنيا ولا السبب اني سمرة ولا لاني سمينة ولا مئة مليون سبب يخليني ازعل ربي ما يكتب الا شي في صالحي متأكدة لي هدف اخر بس عليي اني اكتشف شنو هالهدف واعيش عشانه

اميرتي بقول لج شي مثل ماقالوا البنات هالشي قسمة ونصيب ما له علاقة بيضة سمرة لو عساها تكون فحمة ماله علاقة بقول لج قصة بعيوني شفتها وعشتها عندنا جارة عندها 3 بنات الله يحفظهم لها في 2 منهم بيض وعيونهم خضر كأنهم انجليز او اتراك ماشاء الله عليهم مع العلم جارتنا سمرة يعني المهم المفروض يعني يتزوجون بسرعة بس قعدوا فترة لحد ما الله اراد ووحدة منهم تزوجت وكل شي صار على السريع والحمد لله اكا عندها وولد


اميرتي حطي في بالج نقطة " انا افتخر اني سمرة وافتخر اكثر واكثر اني انا انا "


السموحة على الاطالة