ممكن مساعدة يا عرايس مصر

السلام عليكم يا عرايس مصر
أنا عروسة جديدة في المنتدى هنا
كنت عايزة مساعدة من بنات مصر القاهرة تحديدا عن أماكن لفرح بس بشكل معين
كنت عايزة مكان قاعة أو مكان مفتوح أو فيلا
أي حاجة زي كدة ممكن تتحجز لوحدها من غير أي بروجرام للفرح يعني لا دي جي ولا زفة ولا بوفيه ولا كل ده
وبعد كده بأة لو حد يعرف حد ممكن يجهز الأكل مثلا وحد يقدمه يعني جاتوه وبيبسي مش حاجة جامدة اوي
ومثلا لو حد يعرف فرقة للزفة برده بس ويستحب لو زفة إسلامي
وبرده لو حد يعرف مصور فيديو كويس
وياريت طبعا التكاليف بتاعة الحاجات دي تبقى معقولة لأن بصراحة أنا مستحرمة أن الواحد يدفع كتير أوي في ساعتين وخصوصا ان كان في خطوبة وكان في كتب كتاب فهي دخلة بس
وكمان لأني أجبرت على حاجات في الخطوبة زي الدي جي والرقص اللي حصل من المعازيم والكلام ده فنفسي أعمل فرح أنا اللي مختارة كل حاجة فيه ويبقى يرضي ربنا وفي نفس الوقت مش غالى اوي
متشكرة ليكم جدا يا عرايس مصر