الله يسعد أيامكم ... كيفكم يالغوالي ... عساكم بخير
اليوم ولأول مرة انزل موضوع في ركن الاطباق الرئيسية .. والسبب (راح احكي لكم قصة حياتي ههههه) أن عندي ربو مزمن وريحة الطبخ والمنظفات تأثر علي ... المهم أن زوجي يوم الأربعاء الماضي شاف زميل دراسة من عشر سنوات ما شافه وعزمه على الغداء وزوجي متعود يعزم أصحابه في المطعم بسبب عدم قدرتي ع الطبخ وزوجي فديته خايف علي ...لكن زميله هذا رفض الدعوة في المطعم وصمم على البيت .. عاد زوجي المسكين كان بين نارين زميله اللي مستحي منه وأنا لأنه خايف علي تجيني أزمة ربو .. المهم قلت له خلاص من تزعل نفسك وراح اطبخ لكم ولو تشوفوا البيت يوم الخميس حالة طوارئ .. وشمرت عن سواعدي وجهزت أسلحتي (كأننا في حالة حرب ههههههههه) الكمامة وبخاخ الربو والفانتولين في حالة الأزمة القوية
ولأن هذا أول مرة من سنين اطبخ فيها قلت لازم اسجل الموضوع .. وطلبت من بنتي فديتها تصور.. أكيد طفشتكم بالهذر الزايد
يلا نبدأ بالمفيد
المقادير
دجاجة ونص مقطعة ومبهرة بكمون وملح
بصله كبيرة مقطعة جوانح
حبتين طماطم مقشرة
حبة بطاطس مقطعة مكعبات
نص ملعقة كمون نص ملعقة بهارات مشكلة وربع ملعقة كاري ونص ملعقة كركم
فصين ثوم مقطع مكعب ماجي (نسيت اصوره)
وكوبين ونص أرز بسمتي مغسول ومنقوع في الماء
خلطت الطماطم في الخلاط .. وهنا بعد الخلط اضفت له ملعقة صلصة الطماطم معلبة
وأنا اتعمد اخلط الطماطم عشان تعطينا كمية السائل المطلوبه من غير اضافة الماء
الحين قليت الدجاج
وبعدين قليت ثلاثة ارباع البصل وتركت البقية لبعدين وقليت البطاطس
وطبخت الرز في ماء نص سوا وتركت قليل من ماء طبخ الرز
وضعت قليل من زيت الزيتون وقليت فيه بقية البصل ... وحطيت البهارات ومكعب ماجي وتركت الكركم للنهاية ... اضيفت الطماطم المطحونه مع صلصة الطماطم المعلبة تركته دقائق على النار
وبعدين حطيت الدجاج وحركته وتركته لمدة عشر دقائق على نار هادئة عشان الدجاج يتشرب الخلطة
[FONT=Arial Black]وضعت نص كمية الرز
[/FONT]
الحين حطيت البصل المقلي والبطاطس
وضعت بقية الرز
خلطت ماء الرز مع الكركم ورشيته على الرز
غطيت القدر بالقصدير وحطيته على نار هادئة لمدة نصف ساعة
وهذا الطبق بعد الانتهاء
