الشررطه النسائيه والمجتمعيه ... لبنات البحرين .. نحن في خدمة الشعب !!

تسلمين اختي على المعلومه

يالله مالينا الاالصبر

بالتوفيق للجميع ياربي

السلام عليكم ورحمه الله وبركاته

صراحه مادري شقول بس من فترة بيتنا يحنون علي اقدم حق عسكريه وانا مابي الا مدنيه
وفي شخص بداخليه مكلم ابوي ان المدنيه يبيلها واسطه واذ تبي عسكريه بشغلها المهم مني مناك وقدمت وقالو حق ابوي بس بنقدم لها حق مدنيه وكل شي اوكي بس انطر نتصل فيك حق مقابله هذا الحجي من جم اسبوع انا كنت حدي مستانسه لان خلاص بيخذوني حق مدنيه خلاص

الا اليوم متصل فيني ابوي يقولي باجر عندج مقابله بس مومدنيه حق عسكريه صراحه ضاق صدري بس العسكريه يبيلها صحه وتحمل التعب الي هناك واناا يوم اوكي ويوم لاوانا خايفه فمادري شسوي وباجر مقابله وافكر ماروح يعني جوفو حتى الواسطه ماتسوي شي مع ان ابوي مكلم ناس كباريه واخرتها يقولون حق مدنيه موقفينه ومافي فايده وكل شوي نودي لهم اوراق مللونه مادري شسون في اوراق ياكلونهم

محتاره صراحه مادري شسوي وخايفه

بااال

الحين المدنيه بعد واسطه قويه وماياخذون شسالفتهم ذلين كل مره يطلعون لنا كلام غيررر ... اعرف وحده عندها واسطه قويه وقالو بدخلونها لمدنيه معنه موقف الطلب لكن بالواسطه بدخلونها فمادري الحين شنو تسوي ماااتمنى يصير لها مثل سالفتج اختي(( شموع احزاني )) لان وايد عندها امل هي في هالوظيفه..؟

والعسكري موقفين طلباتهم مادري مافي ميزانيه

يعني شالحل الحين؟؟


بس اهم شي الي يحصل معلومات زياده وجديده يخبرنا لا يبخل علينا

يعطيكم العافيه


بالتوفيق للكل

الله يوفقنا ان شالله F:

وينادونا يارب ذبحونا يذلون ذل لين ما نشتغل فالشرطه:worn_out:

يا ميسر كل الأمور ... يسر أمورنا بحق هذه الأيام المباركة

استفسار,,

عند تقديم طلب للعسكرية هل يطلب صور شخصية و رسالة طلب تقديم !؟.

اكثروا من الدعاء في يوم عرفة بنية تسهيل الأمور ..

دمتم بود,,

هلا بيج اختي النسيم الطاهر اي صوره شخصيه ورساله طلب ونسخه من اخر شهاده ونسخه من الجواز والافاده وحسن سيره وسلوك امم بس هاي الي اتذكره واذا نسيت شي ان شاء الله مابقصرون عليج خواتي واخواني في المنتدى

وبالتوفيق للجميع ياربي نتوظف ان شاء الله

السلام عليكم ورحمة الله وبركاته

إن شاء الله اختي اكون افدتج...

ودمتم بود غالياتي

كل عااام وانتوا بخيير ..

وعسى العيد علينا وعليكم يعوووود ..

اتمنى اكون اول وحده باركت لكم ..

وانشالله بعد العيد نسمع اخباار تونس ..

يا رب ...

كل عاآآآآم وانتوا بخير وعساكم من العايدين السعيدينF:



أختكمShy Girl:L:

كل عام وانتو بخير حبيباتي ينعاد عليكم وعلى الأمة الاسلامية بخير وصحة وسلامة
والله يوفقنا غالياتي