الشررطه النسائيه والمجتمعيه ... لبنات البحرين .. نحن في خدمة الشعب !!

اختي ضاربها الملل
روحي لهم مره ثانية لاتيأسين
وهذي حقج لاتسكتسن عنهم
والله يوفقج ويسعدج

ضاربها الملل

من رايي انج ماتسكتين عنهم لان هاي حقج وخبري واسطج بالشي اللي صادج معاهم اكيد بسوي لج شي دام واسطه اهو ولاتقولين مابي اقدم لان هاي امنيتج وان شاء الله بتتحقق يارب وتتحقق امنياتكم يا اغلى خوات

بنااااات تخيلوا وزير الداخليه يوصله خبر عن هالمنتدى ويجوف الحماس اللي فينا انه كل وحده فينا خاطرها اتصير شرطيه من قلب .. ويقول اتصلوا فيهم وحده وحده وقولوا لهم خلاص كلهم بينضمون بهالدفعه .. تخيلوا
ياليـــــــــــــــــــــــــــــــــت والله يصير هالحلم
تعبانه والله من الأنتظار بنعنس واهمه للحين ماتصلوا فينا .. الله كريم إن شاءالله ويسهل علينا ويحقق حلمنا ..

هلا خوااااااتي اليوم رحت ومثل ماقالو الخوات خذوو بصمات ومليت الفورمه

بس انه أشوي متخووفه من شغله لانه انه متزوجه قالولي اذا تبين تصيرين شرطه نسائيه لازم نعطيج حبووب منع الحمل أجباري وانه أخاف يأثر فيني مستقبلا :(

وأختي ضاربها المللل لاتسكتين عن حقج انه لازم كانت تكووون مقابلتي يووم الخميس وماقدرت أرووح ولا قتلهم انه بايي ، وتصل فيهم يووم الاحد ريلي قالووو خلها اتيي أسمها موجود ماشالووو ورحت والله ...

اختي ضاربها الملل لاسكتين عن حقج خصوصا ان اهي منيتج كلمي الواسطه اكيد يقدر يسوى يشي اذا رتبته عوده اصلا مايصير بقطونهم الا اذا كملتي اجراءتج ورفضوجا لكن مارديتي عليهم يقطونهم على كيفهم ردي كلميهم وخصوصا واسطتج اكيد عنده معارف

الله يوفق للجميع ياربي وان شالله كلنا نتوظف

مرحباااااااااااااااا خواتي
عساكم بخير ...

بصراحة انا صارلي اسبوع وانا قاعدة اقرأ اللي تكتبونه والردود وكل ما اشوف كلامكم وحماسكم
انا استانس وياكم
وكل ما اقول بسجل واتكلم وياكم ما اقدر بس اليوم ياتني الشجاعة و سجلت وبقول لكم
ان انا بعد مقدمة للشرطة بس ماصار شي الا بس مقابلة وقالو بردون علي وانا للحين مثل حالكم من ارن التلفون
اقول اتصلوا يبوني اخذ بصمات واكمل الاجراءات بس الله كريم اقولون الصبر زين بس انا ما اقدر اصبر لان اتمنى اني ادخل مع هالدفعة اللي بتدخل ، ابوي راح القلعة وقالو له ان اسمي حاطينة مع الدفعة اللي راح تدخل بس الى متى بيتصلون واكمل الاجراءات ما ادري .

وما اقول الا الله كريم وانشاء الله كلنة ندخل الشرطة

بالتوفيق حبوبات
بنات عادي اقدم اورقي هالفتره اولازم فتره محدده
ساعدوني لاني ابي اقدم ومااعرف شنو اودي من اوراق ولا ادري شنو اسوي بالضبط

شوشو 87;11289937:
هلا خوااااااتي اليوم رحت ومثل ماقالو الخوات خذوو بصمات ومليت الفورمه

بس انه أشوي متخووفه من شغله لانه انه متزوجه قالولي اذا تبين تصيرين شرطه نسائيه لازم نعطيج حبووب منع الحمل أجباري وانه أخاف يأثر فيني مستقبلا :(

وأختي ضاربها المللل لاتسكتين عن حقج انه لازم كانت تكووون مقابلتي يووم الخميس وماقدرت أرووح ولا قتلهم انه بايي ، وتصل فيهم يووم الاحد ريلي قالووو خلها اتيي أسمها موجود ماشالووو ورحت والله ...

موفقه يالغاليه ..

انا طرشت لج على الخاص .. اتمنى تقرين اللي كتبته لج ..


مع ألف سلامه

RORO 90;11291646:
مرحباااااااااااااااا خواتي

عساكم بخير ...

بصراحة انا صارلي اسبوع وانا قاعدة اقرأ اللي تكتبونه والردود وكل ما اشوف كلامكم وحماسكم
انا استانس وياكم
وكل ما اقول بسجل واتكلم وياكم ما اقدر بس اليوم ياتني الشجاعة و سجلت وبقول لكم
ان انا بعد مقدمة للشرطة بس ماصار شي الا بس مقابلة وقالو بردون علي وانا للحين مثل حالكم من ارن التلفون
اقول اتصلوا يبوني اخذ بصمات واكمل الاجراءات بس الله كريم اقولون الصبر زين بس انا ما اقدر اصبر لان اتمنى اني ادخل مع هالدفعة اللي بتدخل ، ابوي راح القلعة وقالو له ان اسمي حاطينة مع الدفعة اللي راح تدخل بس الى متى بيتصلون واكمل الاجراءات ما ادري .


وما اقول الا الله كريم وانشاء الله كلنة ندخل الشرطة

أختي .. انتي متى نادوج حق مقابله ؟!

صار لج فترى طويله ولا توج ..
وانتي مقدمه حق نسائيه ولا مجتمعيه ؟!!


اشكر تفاعلج معانا ومشاركتج الطيبه ..
واتمنى اسمع اخبار تسر الخاطر
تيك كيرر

بحرينيه وافتخر;11291754:
بالتوفيق حبوبات
بنات عادي اقدم اورقي هالفتره اولازم فتره محدده
ساعدوني لاني ابي اقدم ومااعرف شنو اودي من اوراق ولا ادري شنو اسوي بالضبط

اعتقد حاااليا .. مافي حق تقديم طلبات ..
والسبب انهم قاعدين يتصلون حق البنات الي مقدمين اوراقهم من فترى معينه .. ويختارون منهم ..

بس ما اعتقد في مانع انج تروحين واجربين حظج
مع ان متأكده بيقولون لج تقديم الطلبات موقف حاليا ..!!

والاوراق اللي تقدمينها .. ما اعرفها بالضبط .. بس ردي جم صفحه ورى وبتلقين رد من اختنا عين الفرح كاتبه فيها الاوراق المطلووبه

بالتوفيق

LONELY GURL;11289647:
بنااااات تخيلوا وزير الداخليه يوصله خبر عن هالمنتدى ويجوف الحماس اللي فينا انه كل وحده فينا خاطرها اتصير شرطيه من قلب .. ويقول اتصلوا فيهم وحده وحده وقولوا لهم خلاص كلهم بينضمون بهالدفعه .. تخيلوا
ياليـــــــــــــــــــــــــــــــــت والله يصير هالحلم
تعبانه والله من الأنتظار بنعنس واهمه للحين ماتصلوا فينا .. الله كريم إن شاءالله ويسهل علينا ويحقق حلمنا ..

ان شاء الله يارب نتوفق

هههههههه ضحكتيني ايمي .. ولا بالافلام الهنديه اتصير ادري بس انقص على روحنا ياختج (نتحلم ) ماتديرن يمكن اتصير .!؟
وتخيلي يقولون صاحبه الموضوع انخليها ضابطه والباقي شرطيات .. اووووه شيء عجيب ..
الله معاناه لاتخافون

مساااااااااااااااااااااكين شكلي مو بس انه اللي باين اثره كل الحلوين داير راسهم ويا هالشغل اللي مو محصلينه اللي اعينه انشاء الله وفرج همنه جريب

الله يسمع منك ام اليسفي الله يوفقنا كلنا يارب
عاجلا غير أجل
امـــــــــــــــــــــــــــــــــــين يارب العالميــــــــــــــن....

roro 90
هلا فيج اختي نتشرف فيج احنا واكيد نورتي المنتدى بطلتج معانا وبالنسبه عن موضوعج بالضبط مثل موضوعي حدي مقابله كلما اتصل فيهم واراجع قالوا مانادينا احد بس اسمها موجود معانا انتي من امتى مقدمه ومتى سويتي مقابله ؟ يالله بنصبر ان شاء الله الصبر مفتاح الفرج لان سمعت ان الدفعه يوم الخميس بتتخرج تاريخ 11 ان شاء الله ينادونا انكمل اجراءاتنا بس خلج دوم ويانا تشاركين نتشرف فيج اخت عزيزة وغاليه .


بحرينيه وافتخر : بالنسبه للاوراق يمكن ماتلقين الصفحه اللي فيها راح اخبرج شنو هم : نسخه من الجواز ونسخه من البطاقه سكانيه ونسخه من افاده التخرج ونسخه من اخر شهاده للتخرج وصوره وحده شمسيه ونسخه حسن سيره وسلوك ورسالتين وحده تكون رساله طلب وظيفه والثانيه رساله تكتبين فيها ان الوالد موافق انج نشتغلين في هالوظيفه .. وانتي قدمي يمكن يكون لج حظ والله يوفق لج يالغاليه

ايمي الجكر : اشكرج جزيل الشكر على متابعتج للموضوع وياريت مثل ماقالوا خواتي يقولون صاحبه الموضوع تصير الضابطه تستاهلين انتي هاي واكثر وتستاهلين كل الخير الله يوفقج يالغاليه


LONELY GURL
ان شاء الله يتحول الحلم الى حقيقه ههه وياريت يصير كلامج اللي قلتيه ان صاحبة الموضوع تكون ضابطه احنا شرطيات تستاهل ايمي وبالتوفيق لج يالغاليه

ام اليسفي
اي والله اختي من امتى ننتظر هالشغله اللي نتمناها يارب يحقق كل امنياتكم خواتي الله يوفقج يالغاليه

قلبي ملكــ زوجي
الله يوفقج ويوفقنا معاج يالغاليه


بالتوفيق لكم يا اغلى خوات

ايمي جكر

انا رحت مقابلة وحدة في 17_8_2009
وانا مقدمة حق نسائية

عين الفرح

اكيد انشاء الله راح اتواصل معاكم ، انا رحت مقابلة شهر 8 وانتي متى رحتي مقابلة ؟
وانشاء الله راح انادونه كلنه
وراح اكون احلى يوم اذا نادونه
لاني عانيت وانا انطر حتى بيتنه طفشو مني هههه يالله الله كريم انشاء الله عن قريب نسمع خبر افرحنه كلنه