اول يوم لعيالنا في الروضة ،، خلونا ندردرش

مدام خاطرها ليش ما تودينها؟؟؟

بس عندي شي بقوله شلون تخلون اولادكم الي اول سنه روضه يروحون من البدايه في الباص احس لو اني مكانهم بخاف احنا قررنا اول ثلاثة ايام احنا نوديه و بعدين لما يتعود نخليه بالباص علشان ما يخاف

واني ما كنت مايده الباص بالمره بس ابوه اصر يبي يفتك ههههه

بنتي اول سنة لها في روضة زينة الحياة مدينة حمد بنتي ماصاحت لان العام وديتها الفصل الثاني لان كانت وايد خجولة نصحوني بالروضةوالحمد الله تحسنت وايد الحمد الله نامت من بكير وقاعدتها كانت شوي نشيطة والحمد الله ماصاحت لان وياها ولد خالتها وخالتها مدرسة مستوى ثاني نفس الروضة ومدرستها بنت خالي فكان الوضع عادي كانها في البيت والحمد الله ابي اسأل في احد عيالها مواليد شهر 2 ايصير كم عمره دخوله الروضة وهل يطوف عليه في المدرسة والروضة سنة وكان كله لعب اليوم والي يصيح مادرسوهم في احد في روضة اعياله سوله الكشف مال الانفلونزا روضة بنتي سوالها

hayawa;10553762:
بنتي اول سنة لها في روضة زينة الحياة مدينة حمد بنتي ماصاحت لان العام وديتها الفصل الثاني لان كانت وايد خجولة نصحوني بالروضةوالحمد الله تحسنت وايد الحمد الله نامت من بكير وقاعدتها كانت شوي نشيطة والحمد الله ماصاحت لان وياها ولد خالتها وخالتها مدرسة مستوى ثاني نفس الروضة ومدرستها بنت خالي فكان الوضع عادي كانها في البيت والحمد الله ابي اسأل في احد عيالها مواليد شهر 2 ايصير كم عمره دخوله الروضة وهل يطوف عليه في المدرسة والروضة سنة وكان كله لعب اليوم والي يصيح مادرسوهم في احد في روضة اعياله سوله الكشف مال الانفلونزا روضة بنتي سوالها

سلام شخباركم بنات
ومشكورة بسوم على المواضيع الحلوه
بنتي عمرها 3 سنوات بتكمل هالشهر اليوم يوم اوديها الروضه اول ما دخلنه سوو اليها فحص مال اتش ون ان ون
وهي خافت قعدت تصيح ههههههه حسبالها بيضربونها وعقب دخلنه وكانو المدرسات واجد اوكي لان بنتي قامت تصيح و قامت المدرسه تسكتها وتحاول تسوي اليها اي شي حق تسكت وما كان في جهال يصيحون كلش ما شا ء الله كلهم قاعدين ساكتين بعدين قعدت اقنع فيها وبالغصب رضت وسكتت وقعدت ويا الجهال ومشيت عنها بنتي في روضة الهادي ويوم رجعت من الروضه اتصلت في حماتي وكلمتها مستانسه تقول حطوها في صف العصافي وسئلتها باجر بعد تيبن تروحين الروضه قالت اي وتعالي وياي قعدي هههههههه

مسز عادل;10552745:
مشكورة خيو

تقصدين ليلي بوت؟؟؟

محل أطفال هو؟؟

خيو لا مو ليلي بوت ..
محل أظن صاير فوق في طابق المطاعم .. الصراحة ما دققت في الاسم لأنه ما لي شغل فيه ..
بس على ما اعتقد قريب من حلاق الأطفال .. كأنه إذا ما خاب ظني يسوي شغلات تغليف وهدايا وهالسوالف..
اعذريني ما اعرف اسمه :o

اي عرفته

الف شكر

اللة يخلي اعيالكم يا رب بالنسبة لبنتي ما قدرت الظاهر تنام من الفرحة ما شفتها الا داخلة الغرفة وفاتحة الباب بقوة وقعدت متخرعة كانت الساعة خمس ونص اخدت الشنطة واغراضها وطلعت تواصل نوم وطلعت وهي ميتة من الفرحة وانا العكس طلعت وضليت ابجي كسرت خاطري مع انها اخر سنة روضة بس تعودت اضل معاها طول العطلة ورجعت تقص لي القصص الي نصها تاليف من عندها ما شاء اللة خيالية طالعة على امها

مشكوره بسومه على المواضيع الرائعه على طول

اني بنتي حدها كانت متحمسه للدوام اليوم وحشوها اصدقائها وتبي تستخدم اغراضها الجديده

البارحه لانه اول ليله وصلتها لثمان ونص ونامت بس اليوم الصبح بروحها قعدت الساعه 6 تقول لي ماما قومي طلعت الشمس خلاص

وتراها نفس بطوطتك ما رضت تنام الا اول اسوي شعرها سشوار خصوصا اني قاصه لها قصه ومتخرعه بيها

تريقة ولبستها وانطلقنا وطول الطريق تتحندى ماما زحمه بنتاخر

لما وصلنا كانو حاطين حاجز بين الاستقبال و الدرج الي يركب للصفوف وكان قاعد دكتور مو ممرضه يفحصهم ويحط ستامب على ايدهم انه ما فيهم شي وما خلونا نركب معاهم بروحهم يودونهم صفهم والحمد لله كانت فرحانه تقول لي ماما صرت كبيره واعرف اروح صفي بروحي

وهي كانت تعرف وين صفها ومن معلمتها لان مرة من المرات لما كانو يوزعون الواجب في الاجازه خذيتها معاي

طبعا عطوهم لسته بالاشياء الي رتح يسوونها كتعويض عن الايام الي فاتتهم وراح يخلونهم يداومون السبت لمدة ساعتين ......>> خبر خلاني اكتأب

ودوامهم زادوه نص ساعه ولما اختي راحت تاخذها في الهده لاني دوام قاسو حرارتها قبل لا تركب ليها الصف

يعني اول يوم احسه مر بسلام ان شاء الله باقي الايام والله يحمي الجميع

بنات بسألكم سؤال ما ادري يمكن تافه

المهم

متى تسبحون أولادكم للروضه بالليل و لا الصبح؟؟

أني متعوده كل يوم أسبحه بعد الغدى فما ادري أسبحه بعد قبل لا ينام ولا الصبح بس اخاف الصبح يمرض


و سؤال ثاني عادي احط له مكسرات؟؟ سمعت ممنوع يعني على حسب الروضه ولا كلهم يمنعون؟؟

محمديه الهوى;10552320:
اهلين بنات


بسوم ولدش 3 سنوات بعده صغير على الروضة

ولدي 3 سنوات مادخلتة انشاء الله السنة الجاية!

عن تجربة بنتي وديتها في هذا السن وتعبتني وهي بعد تعبت نفسيا

كرهت الروضة فقررت مااودي اخوها الى عمر 4 سنوات هذا السن المناسب لهم

وكل طفل ومدى تقبله الى الروضة!!!!!!!!




وهذا راي وبعد على ضروف الام ادا تشتغل وما عدها احد يكعد مع العيال!!!

طبعا كثير استفدت من الموضوع .. لاني كنت فاتحة موضوع استفسار بهذا الشأن ..

بكرة بأذن الله بروح اشوف الروضة اللي جنب البيت ... وبخلي البنت الشغالة تروح تجيبه على نهاية الدوام ..

ربي يقدري وادخله .. كل شي في بدايته صعب .. بس بيسهل مع الوقت

موضوعك قمة في الروعة ورد على كثير من التساؤلات ..

ولك احلى تقييم ..

مع تحياتي

أني أسبحهم بالليل الصبح كلش زحمة والحين الجو بيتغير

أم حمادي;10556033:

الله يخلي ليكم عيالكم(y)

أولادي بعدهم على الروضة ، بس ولد أختي اليوم أول يوم روضة وأتصلت اسأل عنه وشو أخباره واشلونه واول يوم بالروضة .

تقول أمه رجع وعلى وجه آثار صياح:rolleyes: خير عسى ماشر؟
وقعدت اليه كل حين تتكلم معاه حتى تعرف شنو سالفة :confused:لصياح

خخخخخخخخخخ
على عمري سعود من حقه يصيح صراحه

المدرسة أخذت شنطته ولصقت عليها ليبل وكتبت اسمه على شنطته
عباله انها تخربش وتلون على شطنته وهي جديده وبتخربها اليه ، قعد يصيح خخخخخ يقول اخذت شنطتي تلون عليها ، مايصير يلونون عليها :rolleyes::D

واني اقرأ المشاركات صار خاطري بسرعه يدخل حمودي الروضة:tongue:

خخخخخخخ موتني ضحك شنطة جديدة اكيد بيخاف عليها

الله يخليه لكم

والله موضوع حلو

بالنسبه الي ولدي قعد من النوم الساعه 3 الفجر وقالي ماما ياله لبسيني ثيابي بروح الروضه الحين وبعد نصف ساعه راح نام وقعد مرة ثانيه الساعه 4 ونص وعاد اليي نفس المنوال ورجعته ينام ولما صارت الساعه 6 قعدته من النوم بس مارضه يقوم لانه كان نومه متقطع ولكني شجعته وقلت اليه ان اختك فطوم بعد بتروح معاك الروضه مسكينه عمرها سنه توها وخليتها تجي معانه الروضه والحمد الله وصلنا الروضه ورحنا الصف وسلمت الي المدرسه وقلت اليه ياله حبيبي اني بروح البيت الحين وانت العب مع الاطفال وبعدين ارجع في الباص اوكي ولمل رجع من الروضه كان مستانس وقالي شنو سوى في الروضه بس الله يستر من الايام الجاااايه

بسوم أني يومين يروح متشجع حده واليوم أني وصلته إلا لاصق فيني وقام يصيح خخخخخخخخ