حالتي النفسية منهارة - منتديات عروس

s

spacialgirl

عروس جديدة

27-10-2009 | 03:45 PM

انا اول مرة اشارك هني في هذا المنتدى بصراحه منتدى راقي واعضائة مترابطين وهذا الي لاحظته اثناء تصفحي له بس طبعا قبل لا اسجل وهذا الشي الي ساعدني وشجعني اني اطرح مشكلتي للاسف كبدايه .بس حسيت بالفتكم وتعاونكم وان شاء الله تساعدوني
مشكلتي ماهي بمشكله يمكن او انا يلي بسويها مشكله
انا انسانه عاديه حبيت خطيبي موت بس اخذته ونا كنت عارفه انه له سوابق ومع هذا اخذتهوانا واثقه انه خلاص كل شي كان منتهي ماضيه منتهي ويفكر بحياه ثانه مستقرة وهذا الكلام والدلائل اخذته من مكان ثقه
لكن المشكله يا بنات اني صايرة اشك فيه وهذا الي مقرفني ومقرف حياتي ليش لان اولا كنا مع بعض وما ادري من اتصل له حسيته ارتبك وقال مو لازم ارد . اوكي مشيتها . مرة ثانييه رحت بيتهم وكان جهازه مفتوح وايميل وباسوورد مكتوبين بس مو داخل انا بفضولي قمت ودخلت الايميل وطبعا الايميل كله بنات . سكت بعد . مرة ثانيه كنت معاه واخذت جهازة وسالته عن الايميل عمدا انا ما عندي هالايميل حقك ؟ قال لي بثقه لا حق ربيعي ؟؟؟؟؟ اوكي سكت وسويت روحي واثقه فيه لاني ما ابي اخرب حياتي .جم يوم يفتح المسنجر وانا اكون اوفلاين مرة على طول من دخل على طول اتصلت فيه شاله الا يقول انه هو بيتغذى ؟؟؟؟ اوكي من ذاك اليوم وانا اعصابي انهااااااااارت لدرجه اني بغيت اسويها سالفه بس فكرت ان هشي مو لاصلحي لاني لحين ما شفت ولا مسكت عليه دليل الي قهرني انه ماقال انا اون قال انا اتغذى اوكي .بنات هاليومين احسه وايد فرحان كل وقت يقول احبج ويسرح فيني بس ايده على طول بتلفون كل وقت اخذ تلفون وقام يشوفه . يقول محد افتكر اتصل فيني . انا احس روحي ما ادري مابين واقع وخيال احس مادري اصدقه والا اشك فيه .خايفه اسكت وانصدم فيه بعدين .ما ادري شسوي بنات ادري يمكن تعصبون علي يوم بقولكم احين وش قريت في برجه وانا بعد ما ا}من بهالشي بس احيانا احس الي يقولوه واقع وهو كذب المنجمون ولو صدقوا طبعا .. قريت انه هو بكون علاقه حب جديده وبتخليه طاير من الفرح بما معني جذي . انا نفسيتي تعبانه قريب بتزوج وقاعده اجهز.. مادري بشنو اتصرف وياه احين انا قاعده اقول له كلام حلو احاول قد ماااااااااااااااااااقدر اتمالك اعصابي واححسسه اني واثقه فيه بس ابي اتخلص من هالشي بسرعه اوابي حل يطلعني من هالكابوس الكريه لان مابي هالشي يكبر ويخرب علاقتي فيه ترى هو انسان طيب وحنون ولا منقص علي شي .بس احسه انه يمكن يكلم بنات او انا ماخذه الشي في بالي انه له سابق وانه عادي احين يسويها وانا ما ابي اظلمه ولا اظلم روحي لان هالايام المفروض نكون عايشين احلى ايامنا وانا ما ابي انغص على روحي ولا ابي انصدم ابي الحل الوافي والسليم وياريتكم تساعدوني

}

}i{ ام عبد الله }i{

عروس رائعة

27-10-2009 | 04:12 PM

اختي الله يساعدج
بس عندي جم سؤال
انتي تكلمتي بس عنه
وكل المواقف اللي تصير من جهته
ما ذكرتي اي شي عن نفسج وشنو انتي قاعدة تسوين له
هل ترضينه وتسعدينه بحيث انه ما عنده وقت يطالع غيرج..؟؟

خلي في بالج شي واحد
هو لو ما يبيج جان ما كمل موضوع الزواج معاج
بالعكس كان انهاه قبل لا يكتمل من ايام الخطوبة يعني صح..؟؟
فكري فيها..

يمكن يكون عنده اسرار ويمكن تكون هذي اوهام... وشكوك في غير محلها صح..؟؟

ويمكن فعلا مثل ما قلتي عنده مراسلات مع بنات او صداقة عابرة
بس انتي بشطارتج تقدرين تنسينه هذا كله..

وممكن باسلوب حضاري تكلمينه عن معرفتج بهالامور وان مافي مانع دام هي في حدود زمالة العمل او الدراسة
علشان تعطينه الثقة بان اللي بيسويه يكون تحت عينج

صعب على الرجل ان تامره وحدة وخصوصا زوجته
واذا اخذتي الموضوع بالتحدي والامر قد تخسرينه اكثر
وبالعكس يبتدي يعناد وحتى لو اراد يوقف عن اللي يسويه راح يزيد..

حسسيه بانج ناضجة متفهمة.. في نفس الوقت غيرتج موجودة بس بتعقل..
عطيه الامان علشان يفتح لج قلبه
ترى والله ثم والله الرجل مثل الطفل
متى ما حايلتيه بس بعقل كسبتيه
ومتى تحديتيه خسرتيه

لا تنسين المثل اللي يقول
كل ممنوع مرغوب
صح..؟؟

والله يوفقج يا اختي
اذا احتجتي اي توضيح او مساعدة ثانية انا حاضرة

م

مــيــار

عروس مشاركة

27-10-2009 | 04:29 PM

السلام عليكم وررحمة الله وبركاته....
أختي مشكلتج أثرت فيني وحطيت نفسي في مكانج ... الصراحه ماشاء الله عليج الله ارزقج بحكمة العقل يعني لو آنه مكانج على طول باصارخ وباصيح في ويهه لاني ما آستحمل ...

بس نصيحتي لج يا أختي لااااااااااااااااااااااااااااااازم تتفاهمين وياه بالموضوع لكن على شررررررررررررط ان التفاهم يكون بالهدوء لان الريال ايثور وايعصب وايعاند اكثر بالعصبيه ...

حاولي تكسرين خاطره أو قولي له كلمه بما ان عرسكم جريب والله يتمم عليكم قولي له أوعدني انك بتحمل فيني طول عمرك مثل أمي وأبوي ... صدقيني يمكن يفكر مرة ثانيه ومن نفسه يترك هالعادات....

واذا ما نفع وياه وشفتيه تمادى أكثر بس انتي على قولتج ليلحين شاكه فيه يعني ما شفتي شي محسوس وملموس بس بعد خلي عينج عليه لا تغفلين عنه واذا شفتي شي صارحيه بالهدوء لان وراكم شي مقدس وشي يربط ويكون اسره كامله وهو الزواج ....

والعتب هالأيام على البنات مو على الشباب الي ياخذون الرياييل من زوجاتهم وعيالهم ويهدمون أسرة كامله هاذيلن صج ما عندهم ضمير وهالايام زايدين بعد استغفر الله ....

اللهم أكفينا شرهم يارب واحفظنا من كل سوء

S

Soft Touch female

عروس ماسية

27-10-2009 | 06:06 PM

اختتتتي لالالالالالالازم ما تفتشيين وراه وتتجنبيين هل امور حق اتعيشيين حياة سعيييدة هاي اولا ثانييا لازم تعلميينه وتقولين له انا ما افكر اخووونك ولا ارضى انت اتخوووني لانك لو فكرت تخوني راح ينكسر الي بينننا ولو صار هاي الشي بتكون بعتتتني برخييص او خسرتني مدى العممممر فانتببه لنفسسك

s

spacialgirl

عروس جديدة

28-10-2009 | 11:15 AM

محتارة ش أسميه;10521281:
اختي الله يساعدج
بس عندي جم سؤال
انتي تكلمتي بس عنه
وكل المواقف اللي تصير من جهته
ما ذكرتي اي شي عن نفسج وشنو انتي قاعدة تسوين له
هل ترضينه وتسعدينه بحيث انه ما عنده وقت يطالع غيرج..؟؟

[COLOR=#0000ff]بصراحه مو مقصرة معاه في شي .. كل شي يعلق عليه فيني احاول على طول اعدله من نفسي .احيانا ينتقدني في اشياء انا اتقبلها كنت وايد استحي منه حاولت اشيل هالحيا شوي قمت اتلبس له واتعدل له .؟[/COLOR]

خلي في بالج شي واحد
هو لو ما يبيج جان ما كمل موضوع الزواج معاج
بالعكس كان انهاه قبل لا يكتمل من ايام الخطوبة يعني صح..؟؟
فكري فيها..

يمكن يكون عنده اسرار ويمكن تكون هذي اوهام... وشكوك في غير محلها صح..؟؟
[COLOR=#0000ff]يمكن[/COLOR]

ويمكن فعلا مثل ما قلتي عنده مراسلات مع بنات او صداقة عابرة
بس انتي بشطارتج تقدرين تنسينه هذا كله..

وممكن باسلوب حضاري تكلمينه عن معرفتج بهالامور وان مافي مانع دام هي في حدود زمالة العمل او الدراسة
علشان تعطينه الثقة بان اللي بيسويه يكون تحت عينج

صعب على الرجل ان تامره وحدة وخصوصا زوجته
واذا اخذتي الموضوع بالتحدي والامر قد تخسرينه اكثر
وبالعكس يبتدي يعناد وحتى لو اراد يوقف عن اللي يسويه راح يزيد..

حسسيه بانج ناضجة متفهمة.. في نفس الوقت غيرتج موجودة بس بتعقل..
عطيه الامان علشان يفتح لج قلبه
ترى والله ثم والله الرجل مثل الطفل
متى ما حايلتيه بس بعقل كسبتيه
ومتى تحديتيه خسرتيه

لا تنسين المثل اللي يقول
كل ممنوع مرغوب
صح..؟؟

والله يوفقج يا اختي
اذا احتجتي اي توضيح او مساعدة ثانية انا حاضرة

مشكورة حبيبتي على ردج وان شاء الله بحاول وياه

s

spacialgirl

عروس جديدة

28-10-2009 | 11:19 AM

ميار;10521384:
السلام عليكم وررحمة الله وبركاته....
أختي مشكلتج أثرت فيني وحطيت نفسي في مكانج ... الصراحه ماشاء الله عليج الله ارزقج بحكمة العقل يعني لو آنه مكانج على طول باصارخ وباصيح في ويهه لاني ما آستحمل ...

بس نصيحتي لج يا أختي لااااااااااااااااااااااااااااااازم تتفاهمين وياه بالموضوع لكن على شررررررررررررط ان التفاهم يكون بالهدوء لان الريال ايثور وايعصب وايعاند اكثر بالعصبيه ...

حاولي تكسرين خاطره أو قولي له كلمه بما ان عرسكم جريب والله يتمم عليكم قولي له أوعدني انك بتحمل فيني طول عمرك مثل أمي وأبوي ... صدقيني يمكن يفكر مرة ثانيه ومن نفسه يترك هالعادات....

واذا ما نفع وياه وشفتيه تمادى أكثر بس انتي على قولتج ليلحين شاكه فيه يعني ما شفتي شي محسوس وملموس بس بعد خلي عينج عليه لا تغفلين عنه واذا شفتي شي صارحيه بالهدوء لان وراكم شي مقدس وشي يربط ويكون اسره كامله وهو الزواج ....

والعتب هالأيام على البنات مو على الشباب الي ياخذون الرياييل من زوجاتهم وعيالهم ويهدمون أسرة كامله هاذيلن صج ما عندهم ضمير وهالايام زايدين بعد استغفر الله ....

اللهم أكفينا شرهم يارب واحفظنا من كل سوء

مشكوووورة حبيبتي والله فديتج
مل ما قلتي انا احس بس بشكوك ما شفت شي ملموس غير الايميل ويمكن فعلا ايميل صديقه بس مادري وما اقدر انفعل بشي واقوله لان ما في شي بيدي ..؟
وان شاء الله بحاول قد ما اقدر اتحمل اي والله الله لا يوفقهم ان شاء الله ال يخربون بيوت الناس والله ..ومشكورة مرة ثانيه حبيبتي على ردج وتعاطفج معاي والله يوفقج

s

spacialgirl

عروس جديدة

28-10-2009 | 11:21 AM

Soft Touch female;10521982:
اختتتتي لالالالالالالازم ما تفتشيين وراه وتتجنبيين هل امور حق اتعيشيين حياة سعيييدة هاي اولا ثانييا لازم تعلميينه وتقولين له انا ما افكر اخووونك ولا ارضى انت اتخوووني لانك لو فكرت تخوني راح ينكسر الي بينننا ولو صار هاي الشي بتكون بعتتتني برخييص او خسرتني مدى العممممر فانتببه لنفسسك

صح كلامج بس اذا ما شفت شلووووووون بعرف انه يخووني والا لا؟ اظل عميا ماقدر اتصرف على الاقل اعرف شو قاعد يسوي عشان انا اعرف افكر بحل يرجعه ليي؟ وفكرتج اني اخبره وايد حلوة بحاول افتح ويياه موضوع غير مباشر وبقوله ..
مشكورة حبيبتي والله يوفقش ان شاء الله

}

}i{ ام عبد الله }i{

عروس رائعة

28-10-2009 | 01:02 PM

طمنينا عليج الله يعافيج

ا

احلى~حلوه

عروس رائعة

29-10-2009 | 04:59 AM

اختي
البيت اللي فيه الشك مايدوم!
لو انتي مو واثقه فيه اتركيه الحين قبل لاتتعذبين وتتعلقين فيه اكثر
واذا على قولتك مافي دليل اسئلي نفسك
انتي في شي من اللي شفته مقنعك؟ انه يخون
اذا فيه لاتجلسين معه ولا لحظه لانه ماراح يتغير
واذا ماشفتي الشي اللي اقنعك واقنع قلبك انه يخون لا توسوسين ولا تفتشين وراه

m

miromaramiro2_2

عروس جديدة

30-10-2009 | 09:20 AM

بصي يا اختي نصيحه لوجه الله انتي لسه علي البر
وما دام انتي شاكه فيه من اولها كده ما تتوقعيش ان انتي بعد الجواز هتبقي عايشه سعيده لااااااااااا
وده لانك انتي اصلا من البدايه معندكيش ثقه فيه ومش هتبقي موجوده بعد الجواز
عارفه ليه؟
لانه اصلا بتاع بنات والنوعيه دي من الصعب انها تنصلح او تعقل
ثانيا لانه كدب عليكي لما قالك انه بيتغدي
من الاخر الحقي نفسك قبل ما يعبطك و يجننك
وصدقيني لما تتعبي دلوقتي وتسيبيه حتي لو كنتي بتحبيه احسن بكتييييييييييييييير لما تتعبي بعد الجواز

بصي هديلك مثل الباب اللي يجيلك منه الريح سده واستريح
ولو موجود في ايدك شوكه بدل ما تقولي كل 5 دقايق آى آى شليها مره واحده وقولي مره واحده آى بس بعد كده هتبقي مرتاحه
اسمعي الكلام وبكره ربنا يعوضك باللي يقدرك ويفهم قيمتك

خ

خزامى الرياض

عروس جديدة

30-10-2009 | 10:50 AM

اسال الله يوفقك يارب ويكتب لك اللي فيه الخير ويصلح حالك وحاله ويهديه

والافضل اختي انك تصلي صلاة الاستخارة مرة ومرتين وثلاث واكثر لين يجي وقت الزواج واذا لك خير في هالامر

ربك يوفقك واذا فيه شر بيصرفك عنة..ويكتب لك الخير..

ح

حبيته ..!

عروس نشيطة

30-10-2009 | 11:49 AM

طول ما انتي شاكه في الريال ما بتقدرين تعيشين وياه بسعاده حاولي تعرفين اللي تبينه واللي يطنمج بشطاره من دون ما تحسسينه انج شاكه فيه وابعدي عنججج الأوهام دامج موب متأكده

s

spacialgirl

عروس جديدة

01-11-2009 | 12:30 PM

انا قاعده احاول اني اعطيه كلام حلو وجذي واحسه منجذب اكثر من قبل لي .. واتصالاته هذا هي ما تغيرت ..وحاولت اني ما اشوف اغراضه ولا افتش وادع ربي وصليت استخارة واحس كل ما قاعده اصلي استخاره قلبي يتطمن اكثر وتروح عني الوساوس ؟؟؟ اوقات احسه يحبني وساعات اذا جتني الوساوس والخوف احس انه ييعتبرني غبيه وعبيطه وقاعد يقص علي يعني احس كانه دري ان واثقه فيه وه يلعب من وراي .. بس ما ادري خايفه وايد

ص

صرخة زينبية

عروس نشيطة

01-11-2009 | 03:50 PM

مرحبا اختي .... يمكن عندي وجهة نظر غير عن البنات ... اولا اتمنى لش السعادة و حياة بدون شكوك...... و ثانيا ترى الرجال احيانا يحبون زوجاتهم و يموتون فيهم ... بس من غير قصد اتكون عندهم علاقات مع بنات غير و طبعا تقتصر ع الايميل و الجوال بس .. لكن انتين ما تدرين عن بنات الحرام ذيلين لوين بيوصلون الش ....و اني عن نفسي اعرف وحدة كلوووز ويايي كان زوجها هالشكل و كانت تتغاضى عن تصرفاته بس بعدين اضطرت انها اتواجهه ... و اعترف اليها و بدات وياه رحلة العلاج من ادمان النت و المسنجر و كانت طبعا ما توصل حتى للتلفون ... بس المكالمة على المسن يمكن تتطور ... ظلت وياه سنتين و هو يوعدها و يرد .. و كانت اتابعه حتى هو قال ليها اعتبريني مريض و اتعالجيني فكانت ع قولها مضطرة اتفش وراااه ... و الحين الحمدلله حياتهم احسن ماااا يكون ... لان كان الشك يذبحها موووت ... بس الحين الحمدلله وااااثقة منه 1000% .... حتى هو قال ليها لو خليتيني ع راحتي ما ادري لوين الامور كانت بتوصل
و الحمدلله ان الثقة بينهم احسن ما يكون
اتمنى وصلتش الفكرة و حاولي تتصرفين بهدوء و عقلانية طبعا اذا كنتين متأكدة و باعدي الشكوك عنش لانها بتمرضش

بالتوفيق خيو

ع

عيشوش

مشرفة سابقة

01-11-2009 | 04:06 PM

الله يكون بعونك ويفرجها عليك يارب

ح

حــور البحرين

عروس مشرقة

01-11-2009 | 04:58 PM

حبيبتي انتي بحرينية صح ؟؟
امم يعني في فترة الخطوبة احنا نكون " البحرينين خصوصا " دايما مع الخطيب .. كأننا متزوجين .. 24 ساعة وياه تقريبا بس اللهم الاشياء الثانية تكون للزواج والانتقال لبيتهم !
فالمفروض اذا كنتين جذي تعرفينه اكثر من كثر قعداتكم على بعض وتعودكم على بعض !
بس اللي حسته من كلامش انش مو باستمرار تشوفينه !!
صح ؟؟
عموما حاولي توطدين علاقتش فيه اكثر وكلما قربتي منه كلما عرفتوا بعض اكثر :wink: