؛ التجمع الخامس للحوامل اللاتي سيلدن في ديسمبر 12/2009 ؛

ان شاء الله تستيفيدون من هالمعلومات :wink:

شمس الهيام طمنينا عليج حبيبتي

مخرخشة بعد اختفت عسى المانع خير

مشكورة يالغالية على سؤالج ورسالتج
ورديت عليها
وسلامج بيوصل باذن الله لصاحبته
فيج الخير وراعية اصل

صباح الورد والقشطه
تمام الله يسلمج
وانتي؟
::

الله يسامحج :(
وين راحت عروس فريجهم
::

اووووووه نسيت اقولكم ان يوم الاثنين بعد ما طلعت من مستشفى الامل وتطمنت على الحلوة (a) قلت بمر النجم الجميل بما انه يم المستشفى بشوف جلابيات ولاقيت جلابية حلوة لونها وردي وخلقها المتين مب خفيف وفيها شلاشة بيضا وايد حلوة سعرها ب 20 دينار وشفت وحدة ثانية لونها اوف وايت يدها ثلاث اربع وفيها شك بخرز اصغار لونه اخضر وبيج فاتح وااااااااااااااااااايد روعة وسعرها ب 15 فكنت باخذهم ثنتينهم بس سالته عندك بطاقة لان ما عندي كاش الا 15 دينار قال لا :( فخذيت الاوف وايت وقبل لا ادفع علقها على الطوفة وصورها :eek::rolleyes:.

كيف الحوامل نشيطين ماشاء الله بس كتيييييييير مختفيات ( شمس الهيام، مخرخشة, moon eyes) عبالهم المنتدى مسكر لهلأ ياريت يطمنونا عليهم

بنات امس رحت اشراقة رضيع لانه اغراضي جهزو
وطلعو حدهم رووووعه ايننون
شغل نظيف ومرتب
والبجامه طلعت حده حلوه
ان شاءالله اذا قدرت بصورهم وبحهم لكم

واليوم بروح سوق الطفل ومذركير بكمل مابقى لي من اغراض

::

بنات اختي كانت فكرتها للتوزيعات وايد حلوة
خذت مراضع زرق وحطت عليهم زيج اللي مكتوب عليه بيبي بوي
وحطت فيه داخل كور
وودته محل اسمه مسيمو شغله فظييييع
حط لها شي المرضعه سائل لونه ازرق وسوه لهم ستاند فيه كافي
60 حبه مع الاستاند العود على شكل مرضعه
وتعليقة حق الباب و اشياء لتزيين الحجره ب100 دينار
بس شنو رووووعه
انه مشكلتي ماعرف انزل اصور
لو اعرف نزلت لكم
بحاول مع اختي اذا رضت تنزلهم لكم
::

اي صح ورحت امس خذيت لي خلق مسوين عليه تخفيضات حرير ستان ثقيل وحده طايح
خذت لي كحلي وازرق هادئ
اليوم بروح اشتري له دانتيل وبوديه افصله
وبجذي يصير عندي بجامتين وجلابيه وروب
وبشتري لي جلابيه من النجم الجميل

بس احس بعد يبيلي اخذ دشاديش المفتوحين للرضاعه
وبعد ابي بجامات حلوين قطن من وين احصل ؟

بركاتك زهورة شنو بعد تتوقعين؟؟؟؟؟؟؟ يعني ماهي توقعاتك للعام المقبل ؟؟؟:tongue::tongue:

زين الحمدلله كل شي تمام و الله يخلي لج الوالدة يارب بس حبيت أسألك كيف تتبخرين يعني و في نوع بخور معين؟؟؟ انا اول مرة أسمع بهالطريقة فحبيت أستفسر منك :o

اليوم كان عندي موعد تصوير بس يعني مو عند الدكتورة لا بس ألتراساوند طبعا موعدي كان 8 الصبح بس بما اني في الشارقة و المستشفى في دبي فقمت من النوم 5 وربع الصبح عشان الزحمممممممممممممممممممة رهيييييييييييبة تبتدي من ال6 و 10 فلازم أكون من 6 في السيارة و قمت و قومت المسكيتة أيوتة بس ماشاء الله عليها ما بكت كنت منيماها ع ال10 بالليل طبعاوصلت الساعة سبعة الاربع بمووووت من النعاس جلست أنتظر لين يبدأ الدوام عندهم 7 ونص و عطيتهم ورقة الموعد و دخلت الساعة 8 و ربع تقريبا و سوت لي صورة تفصيلية و الحمدلله كل شي تمام و حتى قالت لي (((((شاسمه))))) صاير كبير و ريال بعد :wink: و الحمدلله تطمنت ع البيبي و قالت لي وزنه 2،5 كجم أعتقد زين ان شاالله و خلاص خلصت و طااااااااااااااااااااار النوم قلت فرصة بسير بيبي شوب هالحين صبح ما حد بكون و سرت و فعلا أنا افتتحت المحل ههههههه:cool: و خذيت للبيبي شنطة حق الطلعات اخترتها خفيفة و عملية و تتحمل لأنها بتكون الأساسية للبيبي و أيوتة بعد و أخذت صندوق عشان أحط أغراض البيبي البامبرز و الكريمات و الزيت و البودرة....الخ و أخذت الاسفنجة الي تنحط بالبانيو مال البيبي عشان تقدري تسيطري عليه صحيح هذا مو أول بيبي بس للحين أخاف من أحمم البيبي أول شهرين ما أقدر أسيطر عليه بالحمام فهاي تريح و أنصح البكريات خاصة فيها و بسسسسسسسسسسسسسس أكيد مليتو صح ؟؟؟

بنات أشوف منكم يسأل عن الحليب الصناعي للبيبي لييييييييييييييييييييييييييش من الحين ناويين ع الصناعي؟؟ حرام لازم البيبي يرضع منك مو الرضعة أصلا البيبي اذا يتعوديه ع الرضعة يصير بعد شوي يرفض صدرك لأن المرضاعة أسهل له بس انتي لاتسوين شي رضعيه انتي لاتقولي ماشي حليب الحليب موجود من الله و هذا رزق المولود و طبيعي ماشي حليب الابعدكم يوم لأن المادة الي قبل هي الي يحتاجها البيبي بالأول و ربنا الي خلق هالطفل أدرى بمصلحته لو كان يحتاج الحليب من أول دقيقة كان نزل بصدر أمه حليب لكن هاي المادة (السرسوب) هي الي يحتاجها عشان تعطيه مناعة و عمره ما حيلاقي مثلها طول حياته لاتستهيني فيها أبدا لين ينزل الحليب ان شاالله و الي تقول صدري يتشقق ترى عن الدلع كلنا صدرنا يتشقق أول فترة لكن الصبر حلو عشان البيبي كل شي يهون دهني صدرك بزيت الزيتون و له فازلين وله زبدة الكاكاو و كلها كم يوم و خلاص يصير كل شي تمام ان شاالله لاتهملوا الرضاعة الطبيعية عشان البيبي و عشانك ماتبين ترجعين مثل قبل و بطنك يختفي عيل لازم ترضعين:cool: (صرت أبلة غارت الحور)