؛ التجمع الخامس للحوامل اللاتي سيلدن في ديسمبر 12/2009 ؛

بنات انه فكرت فيها وقلت بدل مااخسر ع الفاضي ليش اتعب روحي على تعليقه المستشفى مابيرضون احطها
وفي بيتنه مابتكون واضحه كثر مابتكون واضحه للي بيون المستشفى فقلت حق المحل اللي بسوي غنده يجوف لي فكرة فعطاني فكرة وايد روعه
قالي بمر بيتنه بجوف مساحة الغرفه اللي انه بقعد فيها وعلى اساس هالشي بسوي لي من الفلين غيوم وقوس قزح وطيور تتعلق في السقف بالوان وايد مميزة يعني اللي بيدخل الغرفه بينبهر وبكون لي احسن بدل التنقل من المستشفى للبيت بكون جاهز في البيت
وبسعر وايد اوكي 20 دينار
::

اي مستشفى هذا :rolleyes:
مثل فكرتي اللي سويتها :wink:
انا سويت من الفلين مشط مرضعة مصاصة
و راح اعلقهم في المستشفى و في البيت :cool:
لانه السلمانية عادي و يرضون (y)

http://arabia.babycenter.com

مشكورة حبيبتي (f)
و راح اسجل فيه ان شاء الله :wink:

بنات بسالكم عن صابون فيليتي للاطفال اهوه وردي وعليه صورة ياهل
في احد منكم مجربة واهوه زين او لا ؟

ما عندي فكرة عنه :ss:
اتمنى الباقي يفيدونج (y)

بنات انه واااااااااااايد تعبانه
بقولكم شنو صار معاي امس
طلعت رحت المستشفى لانه قبل جم يوم كنت رايحه اجوف شنو سالفة الماي اللي ينزل علي فالدكتورة قالت انها بتاخذ مسح من تحت عزكم الله يمكن تكون بكتيريا او التهابات
المهم امس طلعت النتيجه ورحت والحمدلله ماكان فيني التهابات ولابكتيريا ولا غيره فقالت لي الدكتورة هذي لانج الحين في المرحله الاخيرة فتصيدج تغيرات وهالشي طبيعي
طلعت من عندها وكل شي تمام
اتصلت لي امي قالت لي روحي اختج يايينها خالاتج واهيه بروحها
وانه بنزل من السيارة حسيت بشي ينزل على ريلي خفت وقلت حق ريلي ارجع ولما حطيت يدي جفته ماي
مت من الخوف طلعت روحي فقالي زوجي خل نرجع المستشفى قلت له لا مابي بروح حق بسالها يمكن تفيدني
دخلت بيت اختي خالاتي ونوسان خوالي تخرعو من شكلي كنت حدي دايخه حتى وحده من نسوان خوالي خافت قالت لهم خل نمشي اخاف اجوف وحده تولد
كلمت اختي ودخلت معاي الحجرة ولما جافت الماي قالت لي اذا فيه ريحه يعني ماي ولادة انه خفت ازيد وبالفعل كان فيه ريحه
وكنت احس بالم في ظهري غير طبيعي وعيوني مو راضيه تتبطل
قالت لي روحي اريف يجيكونج قلت له اخاف وانه توني مادخلت التاسع قالت لي احيانا البجر ماتكمل الثامن فقلت لا بصبر رجعت امي وجافت حالتي قالت لي انبطحي ورفعي ريلج لكن حسيت مافي فايده اتصلت حق زوجي ورجعت البيت وكان للحين ينزل علي ماي ولي حد الان احس بالالام تحت بطني وبظهري احس جنه الدورة بتنزل علي احس بانقباضات اتيي مرة وحده

فماادري شنو الموضوع
قلت بصبر لي موعدي يوم الاحد وبسال الدكتورة

عشان جذي رجعت وكتبت كل اللي ماجهزته للحين وان شاءالله اخلص اغراضي اليوم عشان ارتاح
واتصلت حق محل التوزيعات وقلت له يجهزهم قبل لانه نسوان خوالي قالو لي تره هذي ريح استقبال الطلق فتهيئي من الحين

ماادري هل ذي طلق جاذب او شنو ؟؟؟

ما تجوفين شر (f)
اعتقد اللي صادج من الخوف (i)
بس لا تهملين الموضوع و روحي اطمنئي احسن (y)
حطي بالج لحركة حمودي اذا اقل من 10 سيده المستشفى
اذا الماي مازال ينزل روحي لا يقل مستواه على حمودي (i)
و بغض النظر عن اذا كان طلق جاذب لو لا
روحي المستشفى يطمنون على
* وضع حمودي
* دقات قلبه
* مستوى الماي
* انفتاح الرحم

انا ما ابي اخوفج بس اقول لج لا تهملين الموضوع و بعدين البيبي يتعب عليج (i)

هلا والله بالبنات النشيطات اخباركم ما شاء الله عليكم طلعت امس يادوب الصفحات كانت وين والحين وين نبغي نشاط اكثر نكون على نهايه الاسبوع مقفلين التجمع الخامس على خير

هلا و غلا (f)
الحمد لله بخير.. انتي شخبارج ؟؟
طمنينا عليج و على البيبي :wink:

يوم الاحد موعدي الله يسترحاسه الشيخه راسها فوق لين الحين ما ضغط في المنطقه السفليه كلش حتى الحركه صايره من جهه وحده بس

ان شاء الله كل الخير لج يا رب (f)
و يا رب يكون راسها تحت و بمكانه (y)
ننتظرج اتطمنينا عليج :wink:

يمكن يكون كلف الحمل بس انا ما لاحظته الا الحين :rolleyes: تو الناس :D

لا .. يمكن توه طالع لج (i)
انا اتابع جسمي اول باول (a)
توه بنهاية السابع حسيت رقبتي لونها اتغير:rolleyes:
و بالثامن صار التغير اوضح بس اللون مقبول :ss:
و عن تجارب اهلي .. اغلبهم السواد يروح او يخف فعادي (y)

خاطري اغير اسم البنوته محتاره بين (هيا وهند وغاليه) اشرايكم اي واحد احسن

هيا و غالية .. حلوييين :wink:

في المعتاد كم يوم تقعد الوحده في المستشفى احنا اذا طبيعي يومين بالكثير واذا قيصري اربعه ايام

احنا بعد اذا طبيعي حدها حدها يومين حتى لو بكر(i)
و اذا قيصري على حسب الحالة بس مو اكثر من 5 ايام

كسل والله يا اختى فعلا دا اهم وقت للمراجعه بس خلاص ماعادت تتكرر ان شاء الله
انا رحت امبارح الحمد لله وحالا هقولكم عملت ايه

اي صيري شاطرة (y)
و روحي كل مواعيدج :wink:
و بانتظار تفاصيل موعدج (i)