عروس فريجهم;10605588:
انه ماعندي الا اخت وحده متزوجة والباقي كلهم اصغر مني
طبعا اهيه توها والده
ومن الاشيه اللي نصحتني فيها
التمر والمشي كل يوم وماي الورد مع التربة وتمرين انج تيودين اي شي مرتفع وتحاولين تنزلين جنج بتقعدين وتردين اهيه سوت هالتمرين 3 مرات يوم حست بالطلق ووايد سهلت عليها هالاشياء
اختي ولدت تاريخ 24/10 واهيه موعدها 8/11 لانها بالعاده اهيه وامي يجدمون وايد عن موعد الولاده
قصة ولادتها خوفتني وفي نفس الوقت صيحتني
كانت راقده الصبح ع الساعه 8 حست انها تبي تدش الحمام وانتو بكرامه دخلت و طلعت عادي
ولما ردت عشان ترقد كانت حاسه بس بالالام خفيفه ع الساعه عشر وشي حست ان الموسده اللي حاطتها بين ريولها ثقيلة ولما لمستها جافتها متروسة ماي من الخوف قعدت ريلها وريلها مات من الخوف لانه في ولادتها الاولى مانزل عليها ماي بس حست بالالام وراحت المستشفى وهناك انفتح كيس الماي وولادتها الثانيه نزلت عليها قطرات فيها نفس الدم والماي
اما هالمرة كانت غير تقول كانه فيضان تقول اجوف الماي يطلع مني وموعارفه شنو تسوي خذاها زوجها المستشفى وكانت مجهزة روحها واهيه ع طول لازم تاخذ شور قبل لاتروح تقول يخفف عليها راحت وكانت مفتوحه 3 ع الساعه 12الا قالول لها بركبونها فوق فقال ريلها بروح يصلي لانه قالو لها انها بتطول يعني ع المغرب تكون والده
فراح يطلي ورجع دخل عليها الغرفه وعيونه كلش وده يصيح يقولها كاسره خاطري هالكثر بتعذبين فقامت تضحك تقوله انه ولدت فتح عيونه ع الاخر مو مصدق الا النرس يايبه له فرفوري القمر
اختي ماطولت في الولادة وهذي اسهل ولادة بالنسبه لها ع الساعه 12 وعشر ولدت
واللي سهل على اختي تسجليها في موقع بيبي سنتر وايد فادها في طريقة التنفس واهيه ولدت على جنب لانه هالوضع يسهل الولاده اكثر
::
ان شاء الله ولادتج تكون سهلة نفس اختج وكلنا ان شاء ولادتنا تكون سهلة يارب.